ແຜ່ນດິນໄຫວຢູ່ໄຕ້ຫວັນຈໍານວນຜູ້ບາດເຈັບສູງເຖິງ 1.000 ຄົນ ເສຍຊີວິດ-ສູນຫາຍເກືອບ 60 ຄົນ ອາບເຕີຊ໊ອກ 200 ຄັ້ງ

- c1 2770814 - ແຜ່ນດິນໄຫວຢູ່ໄຕ້ຫວັນຈໍານວນຜູ້ບາດເຈັບສູງເຖິງ 1.000 ຄົນ ເສຍຊີວິດ-ສູນຫາຍເກືອບ 60 ຄົນ ອາບເຕີຊ໊ອກ 200 ຄັ້ງ
- kitchen vibe - ແຜ່ນດິນໄຫວຢູ່ໄຕ້ຫວັນຈໍານວນຜູ້ບາດເຈັບສູງເຖິງ 1.000 ຄົນ ເສຍຊີວິດ-ສູນຫາຍເກືອບ 60 ຄົນ ອາບເຕີຊ໊ອກ 200 ຄັ້ງ

     ຜົນກະທົບຈາກແຜ່ນດິນໄຫວ ຂະໜາດ 7,4 ນອກຊາຍຝັ່ງທາງຕາເວັນອອກຂອງໄຕ້ຫວັນ ຫລ້າສຸດວັນທີ 4 ເມສາ ສໍານັກງານມອດໄຟແຫ່ງຊາດໄຕ້ຫວັນທີ່ເບິ່ງແຍງປະຕິບັດການກູ້ໄພ ລາຍງານວ່າ: ມີຜູ້ໄດ້ຮັບບາດເຈັບເພີ່ມເປັນ 1.038 ຄົນ. ຂະນະທີ່ຈໍານວນຜູ້ເສຍຊີວິດມີ 9 ຄົນ ແລະ ສູນຫາຍ 48 ຄົນ.

     ໂດຍຜູ້ສູນຫາຍ 42 ຄົນ ເປັນພະນັກງານໂຮງແຮມໃນອຸທະຍານແຫ່ງຊາດແຫ່ງໜຶ່ງໃນເຂດຮົວຫລຽນ ເຊິ່ງສູນຫາຍລະຫວ່າງເດີນທາງໄປໂຮງແຮມ ເຊິ່ງສູນບັນຊາການແກ້ໄຂໄພພິບັດຂອງໄຕ້ຫວັນເປີດເຜີຍວ່າ: ເຈົ້າໜ້າທີ່ກູ້ໄພວາງແຜນຈະໃຊ້ໂດຣນ ແລະ ເຮລິກອບແຕໃນປະຕິບັດການຄົ້ນຫາ ແລະ ຊ່ວຍເຫລືອ.

- Visit Laos Visit SALANA BOUTIQUE HOTEL - ແຜ່ນດິນໄຫວຢູ່ໄຕ້ຫວັນຈໍານວນຜູ້ບາດເຈັບສູງເຖິງ 1.000 ຄົນ ເສຍຊີວິດ-ສູນຫາຍເກືອບ 60 ຄົນ ອາບເຕີຊ໊ອກ 200 ຄັ້ງ

     ທັງນີ້, ໜ່ວຍກູ້ໄພຍັງໄດ້ໃຊ້ເຮລິກອບແຕຊ່ວຍຜູ້ປະສົບໄພ 6 ຄົນ ທີ່ຕົກຄ້າງຢູ່ໃນບໍລິເວນບໍ່ແຮ່ອອກມາໄດ້ສໍາເລັດ.

     ສ່ວນການຊ່ວຍເຫລືອປະຊາຊົນທີ່ຕົກຄ້າງຢູ່ພາຍໃນອາຄານຕ່າງໆໃນຮົວຫລຽນ ເຊິ່ງຫລາຍອາຄານລົ້ມອ່ຽງ ແລະ ສ່ຽງພັງຖະຫລົ່ມ ພົບວ່າເຈົ້າໜ້າທີ່ສາມາດນຳເອົາປະຊາຊົນອອກມາໄດ້ທັງໝົດແລ້ວ.

      ສໍາລັບຜູ້ປະສົບໄພບາງສ່ວນຕ້ອງອາໄສນອນກາງແຈ້ງຢູ່ສະໜາມກິລາທີ່ໃຊ້ເປັນສູນອາໄສຊົ່ວຄາວ. ຂະນະທີ່ຍັງມີອາບເຕີຊ໊ອກເກີດຂຶ້ນເປັນໄລຍະ ໂດຍຫລັງເກີດແຜ່ນດິນໄຫວ ພົບວ່າມີອາບເຕີຊ໊ອກເກີດຂຶ້ນຕາມມາແລ້ວຫລາຍກວ່າ 200 ຄັ້ງ ແລະ ມີ 1 ຄັ້ງທີ່ລະດັບແຮງສັ່ນສະເທືອນຂະໜາດ 6,4.

     ໂດຍແຜ່ນດິນໄຫວຄັ້ງນີ້ຖືເປັນແຜ່ນດິນໄຫວຄັ້ງໃຫຍ່ທີ່ສຸດຂອງໄຕ້ຫວັນນັບແຕ່ເກີດແຜ່ນດິນໄຫວຂະໜາດ 7,6 ໃນປີ 1999 ເຊິ່ງມີຜູ້ເສຍຊີວິດປະມານ 2.400 ຄົນ ແລະ ເຮັດໃຫ້ອາຄານບ້ານເຮືອນເສຍຫາຍຫລາຍກວ່າ 50.000 ຫລັງ.

ອ້າງອີງ:

- 3 - ແຜ່ນດິນໄຫວຢູ່ໄຕ້ຫວັນຈໍານວນຜູ້ບາດເຈັບສູງເຖິງ 1.000 ຄົນ ເສຍຊີວິດ-ສູນຫາຍເກືອບ 60 ຄົນ ອາບເຕີຊ໊ອກ 200 ຄັ້ງ
- 5 - ແຜ່ນດິນໄຫວຢູ່ໄຕ້ຫວັນຈໍານວນຜູ້ບາດເຈັບສູງເຖິງ 1.000 ຄົນ ເສຍຊີວິດ-ສູນຫາຍເກືອບ 60 ຄົນ ອາບເຕີຊ໊ອກ 200 ຄັ້ງ
- 4 - ແຜ່ນດິນໄຫວຢູ່ໄຕ້ຫວັນຈໍານວນຜູ້ບາດເຈັບສູງເຖິງ 1.000 ຄົນ ເສຍຊີວິດ-ສູນຫາຍເກືອບ 60 ຄົນ ອາບເຕີຊ໊ອກ 200 ຄັ້ງ