ໄຂ້ຫວັດສັດປີກລະບາດຢູ່ຟາມງົວນົມຂອງອາເມລິກາ ຂະຫຍາຍໄປຢ່າງໜ້ອຍ 6 ລັດ

- ap24085768727367 custom 5e9679a5e531ba6f8b25ae380749b75caa71dd3f s1100 c50 - ໄຂ້ຫວັດສັດປີກລະບາດຢູ່ຟາມງົວນົມຂອງອາເມລິກາ ຂະຫຍາຍໄປຢ່າງໜ້ອຍ 6 ລັດ
- kitchen vibe - ໄຂ້ຫວັດສັດປີກລະບາດຢູ່ຟາມງົວນົມຂອງອາເມລິກາ ຂະຫຍາຍໄປຢ່າງໜ້ອຍ 6 ລັດ

     ໜ່ວຍງານທີ່ກ່ຽວຂ້ອງຂອງອາເມລິກາຢືນຢັນ ການແຜ່ລະບາດຂອງເຊື້ອໄວຣັສໄຂ້ຫວັດສັດປີກຕາມຟາມງົວນົມຢ່າງໜ້ອຍ 6 ລັດ.

     ວັນທີ 5 ເມສາ, ສໍານັກຂ່າວຕ່າງປະເທດລາຍງານວ່າ: ກະຊວງກະສິກໍາອາເມລິກາອອກຖະແຫລງການ ພົບການແຜ່ລະບາດຂອງໄຂ້ຫວັດສັດປີກຢູ່ຟາມງົວນົມແຫ່ງໜຶ່ງໃນລັດໂອໄຮໂອ ໂດຍຜົນສອບສວນເບື້ອງຕົ້ນຊີ້ວ່າ: ຟາມແຫ່ງນີ້ຮັບງົວນົມມາຈາກຟາມໃນລັດເທກຊັສ ວັນທີ 8 ມີນາຜ່ານມາ.

- Visit Laos Visit SALANA BOUTIQUE HOTEL - ໄຂ້ຫວັດສັດປີກລະບາດຢູ່ຟາມງົວນົມຂອງອາເມລິກາ ຂະຫຍາຍໄປຢ່າງໜ້ອຍ 6 ລັດ

     ຫລັງຈາກນັ້ນ ມີການຢືນຢັນໃນວັນທີ 25 ມີນາຜ່ານມາ ພົບງົວນົມຢູ່ຟາມແຫ່ງນັ້ນຂອງລັດເທກຊັສ ຕິດເຊື້ອໄວຣັສໄຂ້ຫວັດສັດປີກ ແລະ ໃນວັນດຽວກັນ ມີການຢືນຢັນພົບງົວນົມຂອງຟາມແຫ່ງໜຶ່ງໃນລັດແຄນຊັສ ຕິດເຊື້ອໄວຣັສໄຂ້ຫວັດສັດປີກ ເຊິ່ງເຈົ້າໜ້າທີ່ສັນນິຖານວ່າ: ການຕິດເຊື້ອໄວຣັສໄຂ້ຫວັດສັດປີກໃນງົວນົມຂອງຟາມຢູ່ລັດເທກຊັສ ແລະ ລັດແຄນຊັສ ມາຈາກນົກປ່າ.

     ຂະນະດຽວກັນ, ມີການຢືນຢັນວ່າ: ພົບງົວນົມຢູ່ຟາມຫລາຍແຫ່ງໃນລັດໄອດາໂຮ, ລັດມິຊິແກນ ແລະ ລັດນິວເມັກຊິໂກ ຕິດເຊື້ອໄວຣັສໄຂ້ຫວັດສັດປີກ ເຖິງວ່າຍັງບໍ່ພົບທີ່ມາຢ່າງຈະແຈ້ງ, ແຕ່ຜູ້ຊ່ຽວຊານໃຫ້ຄວາມເຫັນວ່າ: ສາຍພັນຂອງເຊື້ອໄວຣັສທີ່ພົບຢູ່ຟາມງົວນົມຂອງທັງສາມລັດມີຄວາມໃກ້ຄຽງກັບທີ່ພົບໃນລັດເທກຊັສ ແລະ ລັດແຄນຊັສ. ເຖິງຢ່າງໃດກໍຕາມ, ເຈົ້າໜ້າທີ່ຍັງບໍ່ຕັດຄວາມເປັນໄປໄດ້ກ່ຽວກັບການແຜ່ເຊື້ອລະຫວ່າງງົວນົມນໍາກັນ.

      ນອກຈາກນີ້, ສໍານັກງານສາທາລະນະສຸກຂອງລັດເທກຊັສລາຍງານ ໃນວັນທີ 1 ເມສາຜ່ານວ່າ: ພົບກໍາມະກອນຢູ່ຟາມແຫ່ງໜຶ່ງຕິດເຊື້ອໄວຣັສໄຂ້ຫວັດສັດປີກ ໂດຍມີອາການເດັ່ນຄືເປືອກຕາອັກເສບ ຕອນນີ້ຄົນເຈັບຢູ່ໃນການເບິ່ງແຍງຂອງໝໍແລ້ວ. ສ່ວນສູນຄວບຄຸມ ແລະ ປ້ອງກັນພະຍາດແຫ່ງຊາດອາເມລິກາ (CDC) ຢືນຢັນວ່າ: ຄວາມສ່ຽງທີ່ມະນຸດຈະຕິດເຊື້ອໄວຣັສໄຂ້ຫວັດສັດປີກ “ຍັງຢູ່ໃນລະດັບຕໍ່າ” ແຕ່ບໍ່ແມ່ນວ່າຈະບໍ່ມີໂອກາດເກີດຂຶ້ນ.

- 5 - ໄຂ້ຫວັດສັດປີກລະບາດຢູ່ຟາມງົວນົມຂອງອາເມລິກາ ຂະຫຍາຍໄປຢ່າງໜ້ອຍ 6 ລັດ
- 3 - ໄຂ້ຫວັດສັດປີກລະບາດຢູ່ຟາມງົວນົມຂອງອາເມລິກາ ຂະຫຍາຍໄປຢ່າງໜ້ອຍ 6 ລັດ
- 4 - ໄຂ້ຫວັດສັດປີກລະບາດຢູ່ຟາມງົວນົມຂອງອາເມລິກາ ຂະຫຍາຍໄປຢ່າງໜ້ອຍ 6 ລັດ