ກຳປູເຈຍສົ່ງຕົວແກ້ງຕົ້ມຕຸ໋ນ ຊາວຈີນກັບປະເທດ

- advert banner 728 90 728x90 - ກຳປູເຈຍສົ່ງຕົວແກ້ງຕົ້ມຕຸ໋ນ ຊາວຈີນກັບປະເທດ

ທາງ​ການ​ກຳປູ​ເຈຍ​ເນລະ​ເທດ​ຊາວ​ຈີນ​ຫລາຍ​ສິບ​ຄົນ​ທີ່​ຖືກຕັ້ງຂໍ້​ຫາ​ຫລອກ​ລວງ​ເງິນ​ຈາກ​ຜູ້ຍິງ​ທີ່​ຕົກ​ເປັນ​ເຫຍື່ອ​ໃນ​ຈີນ​ທາງ​ເຄືອ​ຂ່າຍ​ສັງຄົມ​ອອນ​ລາຍ.

- new3 - ກຳປູເຈຍສົ່ງຕົວແກ້ງຕົ້ມຕຸ໋ນ ຊາວຈີນກັບປະເທດ

ພົກ​ເອກ ອູ​ກ ​ໄຮ​ເສລາ ຜູ້ອຳນວຍການ​ຝ່າຍ​ສອບ​ສວນ ສຳນັກງານ​ກວດ​ຄົນ​ເຂົ້າ​ເມືອງ​ກຳປູ​ເຈຍ ກ່າວ​ວ່າ: ​ເຈົ້າໜ້າ​ທີ່​ໄດ້​ນຳ​ເອົາ​ຜູ້​ຕ້ອງ​ສົງ​ໄສ 74 ຄົນ ​ໂດຍສານ​ໄປ​ກັບ​ຖ້ຽວ​ບິນ​ນຳ​ສົ່ງ​ຈາກ​ລັດຖະບານ​ຈີນ​ໃນ​ຕອນ​ເຊົ້າວັນ​ທີ 12 ຕຸລາ​ນີ້ ກໍລະນີ​ແກ້ງຊາວ​ຈີນ​ຫລອກ​ລວງ​ເງິນ​ທາງ​ອອນ​ລາຍ ​ໂດຍ​ມີ​ເປົ້າໝາຍ​ເປັນ​ຊາວ​ຈີນ​ຢູ່​ຕ່າງປະ​ເທດ ​ເປັນ​ຄະດີ​ທີ່​ພົບ​ເຫັນ​ເລື້ອຍໆ​ໃນ​ປະ​ເທດ​ອາຊີ​ຕາ​ເວັນ​ອອກສຽງ​ໃຕ້. ກ່ອນ​ໜ້າ​ນີ້ ອິນ​ໂດ​ເນ​ເຊຍ​​ໄດ້​ສົ່ງ​ຊາວ​ຈີນ ​ແລະ ຊາວ​ໄຕ້​ຫວັນກວ່າ 140 ຄົນ​ໃນ​ເດືອນ​ສິງຫາ ​ເຊິ່ງຖືກ​ຂໍ້​ຫາ​ຫລອກ​ລວງ​ເງິນ​ນັກທຸລະກິດ ​ແລະ ນັກ​ການ​ເມືອງ​ຊາວ​ຈີນ ມູນ​ຄ່າ​ຫລາຍ​ລ້ານ​ໂດ​ລາ​ສະຫະລັດ. ​ເຈົ້າໜ້າ​ທີ່​ລະດັບ​ສູງ​ກຳປູ​ເຈຍ​ກ່າວ​ວ່າ: ​ແກ້ງ​ຊາວ​ຈີນ​ຢູ່ກຳ​ປູ​ເຈຍ​ຕິດ​ຕໍ່​ກັບ​ເຫຍື່ອ​ທີ່​ເປັນ​ຜູ້ຍິງ​ທາງ​ອອນ​ລາຍ ​ແລະ ຕົວ​ະພວກ​ນາງ​ໃຫ້​ສົ່ງ​ຮູບ​ໂປ້​ເປື່ອຍ​ມາ​ໃຫ້ ຈາກ​ນັ້ນສະມາຊິກ​ໃນ​ແກ້ງ​ຕົ້ມຕຸ໋ນ ​ເຊິ່ງມີ​ຜູ້ຍິງ​ລວມຢູ່​ນຳ 14 ຄົນ ຈະ​ຂົ່ມຂູ່​ໃຫ້​ໂອນ​ເງິນ​ມາ​ໃຫ້ ບໍ່​ສະນັ້ນຈະ​​ເອົາ​ຮູບ​ຂອງ​ພວກ​ນາງ​ເຜີຍ​ແຜ່​ທາງ​ອອນ​ລາຍ.

- lattana 1 - ກຳປູເຈຍສົ່ງຕົວແກ້ງຕົ້ມຕຸ໋ນ ຊາວຈີນກັບປະເທດ
error: Content is protected !!