ປາຣີຫ້າມໃຊ້ລົດໃຊ້ນ້ຳມັນໃນປີ 2030

- 1507795832158 960x0 - ປາຣີຫ້າມໃຊ້ລົດໃຊ້ນ້ຳມັນໃນປີ 2030
- Untitled design - ປາຣີຫ້າມໃຊ້ລົດໃຊ້ນ້ຳມັນໃນປີ 2030

​ເຈົ້າໜ້າ​ທີ່​ນະຄອນຫລວງ​ປາຣີຂອງຝຣັ່ງ​ເປີດ​ເຜີຍ​ໃນ​ວັນ​ທີ 12 ຕຸລາ​ວ່າ: ນະຄອນຫລວງ​ປາຣີຈະ​ຫ້າມ​ໃຊ້​ລົດ​ທີ່​​ມີ​ການ​ສັນ​ດາບ​ທັງ​ໝົດພາຍ​ໃນ​ປີ 2030 ​ເຊິ່ງໝາຍ​ເຖິງ​ລົດ​ທີ່​ໃຊ້ນ້ຳມັນ​ແອັດ​ຊັງ ​ແລະ ກາ​ຊວນ​ເປັນ​ເຊື້ອ​ໄຟ ​ເພື່ອ​ຫລຸດ​ການ​ປ່ອຍ​ແກັສ​ເຮືອນ​ແກ້ວ​ທີ່​ເປັນສາ​ເຫດ​ຂອງ​ສະພາບ​ໂລກ​ຮ້ອນ.

​ເຈົ້າໜ້າ​ທີ່​ດ້ານ​ນະ​ໂຍບາຍ​ການ​ຄົມມະນາຄົມ ນະຄອນຫລວງ​ປາຣີ ​ເປີດ​ເຜີຍ​ຕໍ່​ສະຖານີ​ວິທະຍຸ​ຟຣານອິນ​ໂຟວ່າ: ​ເລື່ອງ​ນີ້​ເປັນ​ແຜນການ​ໄລຍະ​ຍາວ​ຕາມ​ຍຸດ​ທະ​ສາດ​ຫລຸດ​ການ​ປ່ອຍ​ແກັສ​ເຮືອນ​ແກ້ວ ​ເນື່ອງ​ຈາກ​ການ​ຄົມມະນາຄົມ​ເປັນສາ​ເຫດ​ສຳຄັນ​ຢ່າງ​ໜຶ່ງ​ຂອງ​ການ​ປ່ອຍ​ແກັສ​ເຮືອນ​ແກ້ວ, ທາງ​ການ​ຈຶ່ງ​ຈະ​ຫ້າມ​ການ​ໃຊ້​​ພາຫະນະ​ທີ່​ໃຊ້​ນ້ຳມັນ​ເຊື້ອ​ໄຟ​ທັງ​ໝົດ​ພາຍ​ໃນ​ປີ 2030, ສ່ວນ​ພາຫະນະ​​ໃຊ້​ໄຟຟ້າ​ບໍ່​ໄດ້​ຮັບ​ຜົນ​ກະທົບ​ແຕ່​ຢ່າງ​ໃດ.

- Wave100S AD to Website 2020 0 - ປາຣີຫ້າມໃຊ້ລົດໃຊ້ນ້ຳມັນໃນປີ 2030

ນະຄອນຫລວງ​ປາຣີຈະ​ເປັນ​ເຈົ້າພາບ​ໂອ​ລິ​ມປິນລະດູ​ຮ້ອນ 2024 ​ແລະ ມີ​ແຜນການ​ຈະ​ຫ້າມ​ການ​​ໃຊ້​ພາຫະນະ​ທີ່​ໃຊ້​ນ້ຳມັນ​ແອັດ​ຊັງ​ກ່ອນ​ເຖິງ​ເວລາ​ນັ້ນ. ນອກຈາກ​ຍັງ​ເປັນ​ເຈົ້າພາບຈັດ​ກອງ​ປະຊຸມ​ຂໍ້​ຕົກລົງ​ປາຣີປີ 2015 ທີ່​ບັນດາ​ປະ​ເທດ​ຍອມຮັບ​ດ້ວຍ​ມະຕິ​ເອກະ​ພາບ​ເພື່ອ​ຮ່ວມ​ກັນ​ຫລຸດ​ສະພາບ​ໂລກ​ຮ້ອນ.

- WhatsApp Image 2020 05 27 at 5 - ປາຣີຫ້າມໃຊ້ລົດໃຊ້ນ້ຳມັນໃນປີ 2030
- WhatsApp Image 2020 05 27 at 5 - ປາຣີຫ້າມໃຊ້ລົດໃຊ້ນ້ຳມັນໃນປີ 2030
error: Alert: ເນື້ອຫາຂ່າວມີລິຂະສິດ !!