ຜູ້ນຳກົວເຕມາລາໄລ່ລັດຖະມົນຕີອອກ ຂໍ້ຫາໃຫ້ລູກສາວໃຊ້ລົດຂອງກະຊວງ

- a972d15c96a1d891c8792d67624d5809 - ຜູ້ນຳກົວເຕມາລາໄລ່ລັດຖະມົນຕີອອກ ຂໍ້ຫາໃຫ້ລູກສາວໃຊ້ລົດຂອງກະຊວງ
- kitchen vibe - ຜູ້ນຳກົວເຕມາລາໄລ່ລັດຖະມົນຕີອອກ ຂໍ້ຫາໃຫ້ລູກສາວໃຊ້ລົດຂອງກະຊວງ

      ປະທານາທິບໍດີກົວເຕມາລາ ໄລ່ລັດຖະມົນຕີສິ່ງແວດລ້ອມອອກ ຈາກກໍລະນີໃຫ້ລູກສາວເອົາລົດຂອງກະຊວງໄປໃຊ້.

      ວັນທີ 8 ເມສາ, ສໍານັກຂ່າວຕ່າງປະເທດລາຍງານວ່າ: ຖະແຫລງການຈາກທໍານຽບປະທານາທິບໍດີກົວເຕມາລາລະບຸວ່າ: ປະທານາທິບໍດີ ແບນນາໂດ ອາເຣບາໂລ ໄລ່ທ່ານ ນາງ ມາເຣຍ ໂຂເຊ ອິຕູບິເດ ອອກຈາກຕໍາແໜ່ງລັດຖະມົນຕີສິ່ງແວດລ້ອມ ເພື່ອຮັກສາບູລະນະພາບ, ທໍາມາພິບານ ແລະ ຄວາມຊື່ສັດພາຍໃນລັດຖະບານ ເຊິ່ງຫາກໍເຂົ້າມາບໍລິຫານປະເທດໄດ້ຍັງບໍ່ເຖິງ 100 ວັນ.

      ການເຄື່ອນໄຫວດັ່ງກ່າວຂອງຜູ້ນໍາກົວເຕມາລາເກີດຂຶ້ນ ຫລັງນາງ ອິຕູບິເດ ຍອມຮັບວ່າ: ໃຫ້ລູກສາວອາຍຸ 28 ປີ ເອົາຍານພາຫະນະຂອງກະຊວງ ແລະ ຂະບວນການຮັກສາຄວາມປອດໄພໄປນໍາໃຊ້ ດ້ວຍຈຸດປະສົງສ່ວນບຸກຄົນ.

     ທັງນີ້, ທ່ານ ອາເຣບາໂລ ອາຍຸ 65 ປີ ຊະນະການເລືອກຕັ້ງຜູ້ນໍາກົວເຕມາລາ ໃນເດືອນສິງຫາປີຜ່ານມາ ດ້ວຍຄະແນນສຽງສະໜັບສະໜູນແບບແລນສະໄລ ແລະ ຮັບຕໍາແໜ່ງຢ່າງເປັນທາງການ ໃນເດືອນມັງກອນຜ່ານມາ ຈາກນະໂຍບາຍປາບປາມການສໍ້ລາດບັງຫລວງ ແລະ ການປະຕິຮູບລັດຖະບານໃຫ້ມີຄວາມໂປ່ງໃສ.

- 3 - ຜູ້ນຳກົວເຕມາລາໄລ່ລັດຖະມົນຕີອອກ ຂໍ້ຫາໃຫ້ລູກສາວໃຊ້ລົດຂອງກະຊວງ
- 4 - ຜູ້ນຳກົວເຕມາລາໄລ່ລັດຖະມົນຕີອອກ ຂໍ້ຫາໃຫ້ລູກສາວໃຊ້ລົດຂອງກະຊວງ
- 5 - ຜູ້ນຳກົວເຕມາລາໄລ່ລັດຖະມົນຕີອອກ ຂໍ້ຫາໃຫ້ລູກສາວໃຊ້ລົດຂອງກະຊວງ