6 ຂັ້ນຕອນນວດໜັງຫົວ ເລັ່ງຜົມຍາວ ປ້ອງກັນຜົມຫລົ່ນ

- advert banner 728 90 728x90 - 6 ຂັ້ນຕອນນວດໜັງຫົວ ເລັ່ງຜົມຍາວ ປ້ອງກັນຜົມຫລົ່ນ

ຖ້າຫາກທ່ານຢາກບຳລຸງເສັ້ນຜົມ ນອກຈາກການເລືອກໃຊ້ຢາສະຜົມ, ຄຣີມນວດຜົມ ຫລື ການກິນອາຫານຄຸນນະພາບດີແລ້ວ ທ່ານກໍສາມາດໃຊ້ວິທີການນວດໜັງຫົວໄດ້ນຳ. ການນວດໜັງຫົວຖືເປັນວິຖີໜຶ່ງດ້ານຄວາມງາມທີ່ຈະຊ່ວຍກະຕຸ້ນການໄຫລວຽນຂອງເລືອດໃນສະໝອງໄດ້ ເພາະ ເປັນການຊ່ວຍເພີ່ມອົກຊີແຊນໄປຫລໍ່ລ້ຽງເສັ້ນຜົມໄດ້ຫລາຍຂຶ້ນ ຈຶ່ງຊ່ວຍຫລຸດບັນຫາຜົມຂາດຫລົ່ນ, ຊ່ວຍເພີ່ມການຈະເລີນເຕີບໃຫຍ່ຂອງເສັ້ນຜົມ, ຊ່ວຍໃຫ້ຮູ້ສຶກຜ່ອນຄາຍ ສະໝອງປອດໂປ່ງ.

- new3 - 6 ຂັ້ນຕອນນວດໜັງຫົວ ເລັ່ງຜົມຍາວ ປ້ອງກັນຜົມຫລົ່ນ

ຂັ້ນຕອນການນວດໜັງຫົວ ເລັ່ງຜົມຍາວ ປ້ອງກັນຜົມຫລົ່ນມີ ດັ່ງນີ້ :

- lattana 1 - 6 ຂັ້ນຕອນນວດໜັງຫົວ ເລັ່ງຜົມຍາວ ປ້ອງກັນຜົມຫລົ່ນ
  1. ເລີ່ມຈາກການສີດສະເປເຊລໍ່າໃຫ້ກະຈາຍທົ່ວໜັງຫົວ ໂດຍເນັ້ນເປັນພິເສດໃນບໍລິເວນທີ່ທ່ານສັງເກດວ່າຜົມບາງ ຫລື ມີອາ ການຜົມຫລົ່ນຫລາຍທີ່ສຸດ.
  2. ໃຊ້ນິ້ວມືທຸກນິ້ວນວດເປັນວົງມົນໃຫ້ທົ່ວໜັງຫົວ ໂດຍລະຫ່ວາງທີ່ນວດພະຍາຍາມກົດນຳ້ໜັກໃນແຕ່ລະນິ້ວໃຫ້ຄົງທີ່ສະໝໍ່າສະເໝີກັນ ຂັ້ນຕອນນີ້ຈະກະຕຸ້ນໃຫ້ຜະລິດຕະພັນບຳລຸງເສັ້ນຜົມທີ່ທ່ານສີດລົງໄປຊຶມເຂົ້າສູ່ໜັງຫົວ ແລະ ເສັ້ນຜົມໄດ້ດີຫລາຍຍິ່ງຂຶ້ນ.
  3. ຫລັງຈາກນວດໄປຈັກໄລຍະແລ້ວ ເຮົາຈະເລີ່ມດຶງເສັ້ນຜົມ ວິທີນີ້ບໍ່ໄດ້ເຮັດໃຫ້ຜົມຫລົ່ນ ໃນທາງກົງກັນຂ້າມ ການດຶງຜົມຈະຊ່ວຍກະຕຸ້ນເສັ້ນຜົມ ຊ່ວຍໃຫ້ກ້າມຊີ້ນໜັງຫົວໄດ້ຮັບການກະຕຸ້ນ ເພີ່ມການໄຫລວຽນຂອງເລືອດ ແລະ ນຳ້ເຫລືອງໄດ້ດີ ລວມທັງຊ່ວຍໃຫ້ທ່ານຮູ້ສຶກຜ່ອນຄາຍໄດ້ຫລາຍຂຶ້ນນຳ. ແນວໃດກໍຕາມ ການດຶງຜົມຕ້ອງດຶງດ້ວຍນຳ້ໜັກທີ່ພໍດີມື ໂດຍຈັບເສັ້ນຜົມເປັນຊໍ່ນ້ອຍໆ ໂດຍໃຊ້ນິ້ວຊີ້ກ້ຽວເສັ້ນຜົມໄວ້, ເລີ່ມຈາກດຶງບໍລິເວນໜ້າຜາກເຄິ່ງກາງຫົວກ່ອນ, ດຶງເສັ້ນຜົມເປັນຈັງຫວະ 3 ເທື່ອຢ່າງຕໍ່ເນື່ອງ, ປ່ຽນຊໍ່ ເຮັດແບບນີ້ໃຫ້ທົ່ວໜັງຫົວ.
  4. ຕິດຕາມໂດຍການນວດຂະໝັບ ໂດຍໃຊ້ພຽງແຕ່ນິ້ວໂປ້ມືກົດນວດຕັ້ງແຕ່ຂະໝັບໄລ່ລົງໄປຫາງ່ອນທັງຊ້າຍ ແລະ ຂວາ ຈາກນັ້ນຈຶ່ງກົດໄລ່່ຈາກງ່ອນຂຶ້ນມາທາງເທິງ ແລ້ວຈຶ່ງໃຊ້ມືລູບເສັ້ນຜົມຈາກກົກຈົນຮອດປາຍ ເພື່ອຊ່ວຍເພີ່ມການຜ່ອນຄາຍ.
  5. ຕໍ່ມາແມ່ນນວດກົດໄລ່ຈຸດ ໂດຍໃຊ້ອຸປະກອນເປັນນິ້ວມືທັງ 10 ນິ້ວຊ່ວຍກັນນວດຈາກທາງກາງຫົວ ໄລ່ລົງມາເຖິງງ່ອນ ແລະ ແຍກອອກໄປຂ້າງໃບຫູ ລະຫ່ວາງການນວດພະຍາຍາມລົງນຳ້ໜັກໄປຫານິ້ວມືຢ່າງສະໝໍ່າສະເໝີເທົ່າໆກັນທຸກນິ້ວນຳ.

6. ສຸດທ້າຍແມ່ນການນວດຄໍ ໂດຍການໃຊ້ນິ້ວຊີ້ ແລະ ນິ້ວກາງທັງສອງເບື້ອງນວດກົດໄລ່ລົງຕັ້ງແຕ່ບໍລິເວນງ່ອນຈົນເຖິງທາງລຸ້ມຄໍ ເຮັດຊຳ້ໆກັນ 3 ຮອບ ແຕ່ບໍ່ຄວນກົດນວດຍ້ອນຂຶ້ນໄປ ວິທີນີ້ຈະຊ່ວຍຜ່ອນຄາຍຈາກຄວາມອິດເມື່ອຍອ່ອນເພຍໄດ້ເປັນຢ່າງດີ.

error: Content is protected !!