Samsung  Galaxy Note8 ເລີ່ມກິນສ່ວນແບ່ງໃນຈຸດຍຸດທະສາດຕະຫຼາດ Android ຫຼັງເປີດຂາຍ 4 ອາທິດ

AppBrain ອັບເດດສ່ວນແບ່ງຕະຫຼາດໂທລະສັບມືຖືລະບົບ Android ຂອງຮຸ່ນ Galaxy Note8 ຫຼັງເປີດຂາຍມາໄດ້ 4 ອາທິດ ​ເຊິ່ງພົບວ່າຕົວເລກອັດຕາ​ສ່ວນກໍາລັງເຕີບ​ໃຫຍ່ຂຶ້ນໃນຕະຫຼາດສໍາລັບປະເທດເລີ່ມຈາກໃນປະເທດ ສ.ເກົາຫລີ ບ້ານເກີດຂອງ Samsung, Galaxy Note8 ມີສ່ວນແບ່ງຕະຫຼາດ 1,7% ຄິດເປັນອັນດັບ 17 ຂອງຕະຫຼາດ. ຂະນະທີ່ໃນປະເທດອົດ​ສະຕຣາລີ ແລະ ສະຫະລັດອາເມລິກາ ມີສ່ວນແບ່ງຢູ່ທີ່ 1% ຫຼັງຈາກວາງຂາຍບໍ່ຮອດເດືອນ ​ເຊິ່ງເປັນການເຕີບ​ໃຫຍ່ທີ່ໜ້າສົນໃຈ ໂດຍສະເພາະໃນປະເທດອົດ​ສະຕຣາລີ ທີ່ວາງຈໍາໜ່າຍຊ້າກວ່າບ່ອນອື່ນໆເກືອບ 1 ອາທິດ. ຂະນະທີ່ Galaxy S8 / S8+ ມີສ່ວນແບ່ງຢູ່ທີ່ 5% ເຖິງ 6% ຫຼັງວາງຂາຍມາໄດ້ 6 ເດືອນ.

            ສໍາລັບໃນຕະຫຼາດທາງ​ເອີຣົບ Galaxy Note8 ຍັງມີສ່ວນແບ່ງຕະຫຼາດຕໍ່າກວ່າ 1% ເຖິງຈະມີການວາງຈໍາໜ່າຍພ້ອມກັບສະຫະລັດອາເມລິກາ ແລະ ສ.ເກົາຫລີ ແລະ ເປັນທີ່ໜ້າສົນໃຈວ່າ Galaxy Note3 ຍັງມີສ່ວນແບ່ງໃນຕະຫຼາດເຫຼົ່ານີ້ ໂດຍສະເພາະໃນ ສ.ເກົາຫລີ ທີ່ມີຢູ່ເຖິງ 4,6% ເຖິງວ່າຈະເປັນຮຸ່ນທີ່ວາງຂາຍມາໄດ້ 4 ປີແລ້ວ.