ເສັ້ນທາງ 13 ໃຕ້ ບໍລິຄໍາໄຊ-ຄໍາມ່ວນ ຈະປັບປຸງ ແລະ ສ້ອມແປງ ໃຫ້ສໍາເລັດກ່ອນລະດູຝົນທີ່ຈະມາເຖິງນີ້

- 2251 - ເສັ້ນທາງ 13 ໃຕ້ ບໍລິຄໍາໄຊ-ຄໍາມ່ວນ ຈະປັບປຸງ ແລະ ສ້ອມແປງ ໃຫ້ສໍາເລັດກ່ອນລະດູຝົນທີ່ຈະມາເຖິງນີ້
- kitchen vibe - ເສັ້ນທາງ 13 ໃຕ້ ບໍລິຄໍາໄຊ-ຄໍາມ່ວນ ຈະປັບປຸງ ແລະ ສ້ອມແປງ ໃຫ້ສໍາເລັດກ່ອນລະດູຝົນທີ່ຈະມາເຖິງນີ້

ທ່ານ ສຸກສາກົນ ແຫວນວົງສົດ ຫົວໜ້າໂຄງການ ລາຍງານໃຫ້ຮູ້ວ່າ: ການປັບປຸງ ແລະ ສ້ອມແປງທາງ 13 ໃຕ້ ໂດຍສະເພາະໂຄງການປັບປຸງ ແລະ ສ້ອມແປງທາງ ສັນຍາທີ 3 ຊ່ວງ ແຂວງ ບໍລິຄໍາໄຊ ແລະ ຄໍາມ່ວນ ກິໂລແມັດທີ 190 ຫາ ກິໂລແມັດທີ 268 ຄວາມຍາວ 78 ກິໂລແມັດ ທີ່ນໍາໃຊ້ເງິນກູ້ຈາກທະນາຄານລົງທຶນໂຄງລ່າງພືື້ນຖານອາຊີ (AIIB) ແລະ ກອງທຶນ ( RF ) ຮັບເໝົາໂດຍ ບໍລິສັດ China International Water and Electric Corp ປັດຈຸບັນມີຄວາມຄືບໜ້າແລ້ວ 92% ຄາດວ່າຈະສໍາເລັດທັນກ່ອນລະດູຝົນ. ຂະນະທີ່ກໍານົດເວລາຂອງການປັບປຸງ ແລະ ສ້ອມແປງແມ່ນໃຫ້ສໍາເລັດໃນເດືອນກັນຍາ 2024.

ໂຄງການປັບປຸງ ແລະ ສ້ອມແປງທາງ 13 ໃຕ້ ແມ່ນນໍາໃຊ້ຮູບແບບສັນຍາແບບມອບເໝົາ, ປັບປຸງ 3 ປີ ບູລະ ນະຮັກສາ 7 ປີ ລວມໄລຍະສັນຍາ 10 ປີ. ໝາຍຄວາມວ່າພາຍຫລັງສໍາເລັດການປັບປຸງ-ສ້ອມແປງໄລຍະ 3 ປີແລ້ວ ທາງບໍລິສັດຜູ້ຮັບເໝົາກໍຍັງຕ້ອງໄດ້ມີຄວາມຮັບຜິດຊອບໃນການເບິ່ງແຍງຮັກສາເປັນເວລາ 7 ປີຕື່ມອີກ ເຊິ່ງໃນຕະຫລອດໄລຍະດັ່ງກ່າວ ຫາກເກີດການເປ່ເພເສຍ ຫາຍກໍຍັງຢູ່ໃນຄວາມຮັບຜິດຊອບຂອງບໍລິສັດຈົນໝົດກໍານົດບູລະນະຮັກສາໄລຍະ 7 ປີ ຖືວ່າສິ້ນສຸດຄວາມຮັບຜິດຊອບ.

- Visit Laos Visit SALANA BOUTIQUE HOTEL - ເສັ້ນທາງ 13 ໃຕ້ ບໍລິຄໍາໄຊ-ຄໍາມ່ວນ ຈະປັບປຸງ ແລະ ສ້ອມແປງ ໃຫ້ສໍາເລັດກ່ອນລະດູຝົນທີ່ຈະມາເຖິງນີ້

ເພື່ອໃຫ້ການປັບປຸງ ແລະ ສ້ອມແປງເສັ້ນທາງດັ່ງກ່າວສໍາເລັດໄວ​ ທາງເຈົ້າຂອງໂຄງການແມ່ນໄດ້ເນັ້ນ ແລະ ຂຸ້ນຂ້ຽວໃຫ້ມີການເລັ່ງມືຢ່າງເຕັມທີ່ ເພື່ອເຮັດແນວໃດໃຫ້ລະດູຝົນທີ່ຈະມາເຖິງນີ້ຜູ້ໃຊ້ລົດ-ໃຊ້ຖະໜົນໄດ້ຮັບຄວາມສະດວກໃນການໄປ-ມາແບບບໍ່ມີຄວາມຫຍຸ້ງຍາກກິດຂວາງ.

ຂ່າວ: ວິທະຍຸແຫ່ງຊາດ

- 5 - ເສັ້ນທາງ 13 ໃຕ້ ບໍລິຄໍາໄຊ-ຄໍາມ່ວນ ຈະປັບປຸງ ແລະ ສ້ອມແປງ ໃຫ້ສໍາເລັດກ່ອນລະດູຝົນທີ່ຈະມາເຖິງນີ້
- 4 - ເສັ້ນທາງ 13 ໃຕ້ ບໍລິຄໍາໄຊ-ຄໍາມ່ວນ ຈະປັບປຸງ ແລະ ສ້ອມແປງ ໃຫ້ສໍາເລັດກ່ອນລະດູຝົນທີ່ຈະມາເຖິງນີ້
- 3 - ເສັ້ນທາງ 13 ໃຕ້ ບໍລິຄໍາໄຊ-ຄໍາມ່ວນ ຈະປັບປຸງ ແລະ ສ້ອມແປງ ໃຫ້ສໍາເລັດກ່ອນລະດູຝົນທີ່ຈະມາເຖິງນີ້