ລາວ​ສະຫລອງ​ວັນ​ມາດຕະຖານ​ໂລກ 14 ຕຸລາໃນ​ຫົວ​ຂໍ້  “ມາດຕະຖານ​ເຮັດ​ໃຫ້​ຕົວ​ເມືອງ​ມີ​ສະ​ເໜ່​ເພີ່ມ​ຂຶ້ນ”

- Science day - ລາວ​ສະຫລອງ​ວັນ​ມາດຕະຖານ​ໂລກ 14 ຕຸລາໃນ​ຫົວ​ຂໍ້  “ມາດຕະຖານ​ເຮັດ​ໃຫ້​ຕົວ​ເມືອງ​ມີ​ສະ​ເໜ່​ເພີ່ມ​ຂຶ້ນ”
- Untitled design - ລາວ​ສະຫລອງ​ວັນ​ມາດຕະຖານ​ໂລກ 14 ຕຸລາໃນ​ຫົວ​ຂໍ້  “ມາດຕະຖານ​ເຮັດ​ໃຫ້​ຕົວ​ເມືອງ​ມີ​ສະ​ເໜ່​ເພີ່ມ​ຂຶ້ນ”

​ເມື່ອ​ທ້າຍ​ອາທິດ​ຜ່ານ​ມາ, ທ່ານ ບໍ່​ວຽງ​ຄຳ ວົງ​ດາລາ ລັດຖະມົນຕີ​ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ໄດ້​ມີ​ຄຳ​ເຫັນ​ເນື່ອງ​ໃນ​ວັນ​ມາດຕະຖານ​ໂລກ ວັນ​ທີ 14 ຕຸລາ ຄົບຮອບ 72 ປີວ່າ: ປີ 2017 ນີ້, ສປປ ລາວ ພ້ອມ​ກັບ​ບັນດາ​ປະ​ເທດ​ສະມາຊິກ​ອົງການ​ມາດຕະຖານ​ສາກົນ (ISO) ​ໄດ້​ຈັດການ​ສະ​ເຫລີ​ມສະຫລອງ​ວັນ​ມາດຕະຖານ​ທົ່ວ​ໂລກ ພາຍ​ໃຕ້​ຄຳ​ຂວັນ​ທີ່​ອົງການ​ມາດຕະຖານ​ສາກົນ​ວາງ​ອອກ​ຄື “ມາດຕະຖານ​ເຮັດ​ໃຫ້​ຕົວ​ເມືອງ​ມີ​ສະ​ເໜ່​ເພີ່ມ​ຂຶ້ນ” (Standards make cities smart) ​ເພື່ອ​ສະ​ແດງ​ໃຫ້​ເຫັນ​ຄວາມ​ສຳຄັນ​ຂອງ​ມາດຕະຖານ​ຕໍ່​ກັບ​ການ​ພັດທະນາ​ເສດຖະກິດ-ສັງຄົມ ​ແລະ ຢັ້ງຢືນ​ຄຸນ​ນະພາ​ບ​ໃຫ້​ຜູ້​ຊົມ​ໃຊ້​ສາມາດ​ເຊື່ອ​ຖື​ໄດ້.

ນັບ​ແຕ່​ປີ 1993 ​ເປັນຕົ້ນມາ, ສປປ ລາວ ​ໄດ້​​ເລີ່​ມ​ເຄື່ອນ​ໄຫວ​ວຽກ​ງານ​ມາດຕະຖານ​ຢ່າງ​ເປັນ​ທາງ​ການ ​ໂດຍ​ໄດ້​ເຂົ້າຮ່ວມ​ເປັນ​ຄະນະ​ກຳມະການ​ທີ່​ປຶກສາ​ດ້ານ​ມາດຕະຖານ ​ແລະ ຄຸນ​ນະພາ​ບຂອງ​ອາ​ຊຽນ (ACCSQ) ​ໃນ​ປີ 1998 ​ແລະ ​ໄດ້​ເປັນ​ສະມາຊິກ​ຜູ້​ສັງ​ເກດ​ການ​ຂອງ​ອົງການ​ມາດຕະຖານ​ສາກົນ ​ໃນ​ເດືອນ​ມັງກອນ 2017. ປັດຈຸບັນ ລາວ​ເຮົາ​ກໍ​ໄດ້​ຍົກ​ລະດັບ​ຈາກ​ການ​ເປັນ​ສະມາຊິກ​ຜູ້ສັງ​ເກດ​ການ​ມາ​ເປັນ​ສະມາຊິກ​ເຄິ່ງສົມບູນ​ຂອງ​ອົງການ​ມາດຕະຖານ​ສາກົນ​ທີ່​ມີ​ຖານະ ​ແລະ ບົດບາດ​ຫລາຍ​ຂຶ້ນ​ໃນ​ການ​ເຄື່ອນ​ໄຫວ​ວຽກ​ງານ​ມາດຕະຖານ​ຮ່ວມ​ກັບ​ພາກພື້ນ ​ແລະ ສາກົນ.

ວຽກ​ງານ​ມາດຕະຖານ​ຢູ່ ສປປ ລາວ ​ໄດ້​ມີ​ການ​ເຄື່ອນ​ໄຫວ​ພາຍ​ໃຕ້​ຄວາມ​ຮັບຜິດຊອບ​ຂອງ​ກົມ​ມາດຕະຖານ ​ແລະ ວັດ​ແທກ​ ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ, ມາ​ຮອດ​ປັດຈຸບັນ ລາວ​ສາມາດ​ສ້າງ​ມາດຕະຖານ​ໄດ້​ຫລາຍ​ຂຶ້ນ ​ເພື່ອ​ອຳນວຍ​ຄວາມ​ສະດວກ​ໃນ​ການ​ນຳ​ເຂົ້າ-ສົ່ງ​ອອກ ​ແລະ ຜົນງານ​ທີ່​ພົ້ນ​ເດັ່ນ​ແມ່ນ​ໄດ້​ຮັບຮອງ​ເອົາ​ມາດຕະຖານ​ເຄື່ອງ​ໃຊ້​ໄຟຟ້າ-​ເອ​ເລັກ​ໂຕຣນິກສາກົນ (IEC) ​ແລະ ມາດຕະຖານ​ສາກົນ (ISO) ມາ​ເປັນ​ມາດຕະຖານ​ແຫ່ງ​ຊາດ​ຈຳນວນ 281 ມາດຕະຖານ, ​ໄດ້​ຮັບຮອງ ​ແລະ ປະກາດ​ໃຊ້​ມາດຕະຖານ​ແຫ່ງ​ຊາດ​ຢ່າງ​ເປັນ​ທາງ​ການ​ຈຳນວນ 4 ມາດຕະຖານ​ເຊັ່ນ: ມາດຕະຖານ​ນ້ຳມັນ​ເຄື່ອງ, ນ້ຳມັນ​ເຮືອບິນ​ເຈັດ​ເອໜຶ່ງ, ​ແຜ່ນ​ຍິບຊຳ ​ແລະ ​ໄດ້​ດັດ​ແກ້​ມາດຕະຖານ​ເຫລັກ​ເສັ້ນປ້ອງ​ອ້ອຍ. ສະນັ້ນ ມາ​ຮອດ​ປັດຈຸບັນ ​ໄດ້​ມີ​ມາດຕະຖານ​ແຫ່ງ​ຊາດ​ທີ່​ປະກາດ​ໃຊ້​ຢ່າງ​ເປັນ​ທາງ​ການ​ແລ້ວ ລວມທັງ​ໝົດ 434 ມາດຕະຖານ, ພ້ອມ​ທັງ​ໄດ້​ຮັບ​ການ​ອະນຸຍາດ​ນຳ​ໃຊ້​ກາ​ໝາຍ​ມາດຕະຖານ​ແຫ່ງ​ຊາດ​ຈຳນວນ 28 ຜະລິດ​ຕະພັນ, ສາມາດ​ຂຶ້ນທະບຽນ​ກວດກາ​ຄຸນ​ນະພາ​ບຜະລິດ​ຕະພັນ ​ແລະ ສິນຄ້າ​ໄດ້​ທັງ​ໝົດ 113 ລາຍການ, ມີ​ບັນດາ​ຂະ​ແໜງ​ການ, ບໍລິສັດ​ທີ່​ໄດ້​ຮັບ​ໃບຢັ້ງຢືນ​ລະບົບ​ມາດຕະຖານ​ສາກົນ ISO/IEC ຈຳນວນ 25 ບໍລິສັດ ​ແລະ ​ໄດ້​ຮ່ວມ​ມື​ກັບ​ຫລາຍ​ພາກສ່ວນ ​ເພື່ອ​ສ້າງ​ຫ້ອງ​ທົດ​ລອງ, ສ້າງ​ລະບົບ​ການ​ກວດກາ ​ແລະ ຢັ້ງຢືນ​ຄຸນ​ນະພາ​ບຜະລິດ​ຕະພັນ ​ແລະ ສິນຄ້າ ​ເປັນຕົ້ນ​ໄດ້​ສ້າງຕັ້ງໜ່ວຍ​ງານ​ກວດກາ​ຄຸນ​ນະພາ​ບນ້ຳມັນ​ເຊື້ອ​ໄຟ ​ແລະ ອາຍ​ແກັສຢູ່​ຕາມ​ດ່ານ​ຊາຍ​ແດນ​ສາກົນ​ໄດ້ 14 ດ່ານ​ໃນ​ຂອບ​ເຂດ​ທົ່ວ​ປະ​ເທດ.

- Wave100S AD to Website 2020 0 - ລາວ​ສະຫລອງ​ວັນ​ມາດຕະຖານ​ໂລກ 14 ຕຸລາໃນ​ຫົວ​ຂໍ້  “ມາດຕະຖານ​ເຮັດ​ໃຫ້​ຕົວ​ເມືອງ​ມີ​ສະ​ເໜ່​ເພີ່ມ​ຂຶ້ນ”
- WhatsApp Image 2020 05 27 at 5 - ລາວ​ສະຫລອງ​ວັນ​ມາດຕະຖານ​ໂລກ 14 ຕຸລາໃນ​ຫົວ​ຂໍ້  “ມາດຕະຖານ​ເຮັດ​ໃຫ້​ຕົວ​ເມືອງ​ມີ​ສະ​ເໜ່​ເພີ່ມ​ຂຶ້ນ”
- WhatsApp Image 2020 05 27 at 5 - ລາວ​ສະຫລອງ​ວັນ​ມາດຕະຖານ​ໂລກ 14 ຕຸລາໃນ​ຫົວ​ຂໍ້  “ມາດຕະຖານ​ເຮັດ​ໃຫ້​ຕົວ​ເມືອງ​ມີ​ສະ​ເໜ່​ເພີ່ມ​ຂຶ້ນ”
error: Alert: ເນື້ອຫາຂ່າວມີລິຂະສິດ !!