ອາເມລິກາປະຕິເສດເພີ່ມງົບປະມານ ສະໜັບສະໜູນທະນາຄານໂລກ
ລັດຖະບານອາເມລິກາປະຕິເສດເພີ່ມງົບປະມານສະໜັບສະໜູນການເຮັດວຽກຂອງທະນາຄານໂລກ ໂດຍໃຫ້ເຫດຜົນວ່າເປັນອົງການທີ່ຍັງບໍ່ມີປະສິດທິພາບ ແລະ ກ່າວອີກວ່າ: “ປະເທດຕະຫລາດເກີດໃໝ່ທີ່ມີທຶນສຳຮອງມະຫາສານ” ບໍ່ຈຳເປັນຕ້ອງຮັບການຊ່ວຍເຫລືອອີກຕໍ່ໄປ.
ສຳນັກຂ່າວຕ່າງປະເທດລາຍງານຈາກນະຄອນຫລວງວໍຊິງຕັນ ປະເທດສະຫະລັດອາເມລິກາ ໃນວັນທີ 14 ຕຸລາວ່າ: ທ່ານ ສຕີເວນ ມານູຊິນ ລັດຖະມົນຕີກະຊວງການເງິນອາເມລິກາ ກ່າວລະຫວ່າງກອງປະຊຸມໃຫຍ່ສາມັນປະຈຳປີຂອງທະນາຄານໂລກ (World Bank) ແລະ ກອງທຶນການເງິນສາກົນ (IMF) ຢູ່ນະຄອນຫລວງວໍຊິງຕັນ ໃນອາທິດຜ່ານມາວ່າ: ສ່ວນຂອງທະນາຄານໂລກຄວນຫລຸດງົບປະມານສະໜັບສະໜູນໃຫ້ແກ່ປະເທດຕະຫລາດເກີດໃໝ່ບາງແຫ່ງ ໃນຕອນນີ້ມີສະຖຽນລະພາບທາງເສດຖະກິດໝັ້ນຄົງຫລາຍຂຶ້ນ ແລະ ບໍ່ຈຳເປັນຕ້ອງໄດ້ຮັບການສະໜັບສະໜູນຈາກທະນາຄານໂລກອີກຕໍ່ໄປ.
US Treasury Secretary Steven Mnuchin puts US skepticism about a World Bank capital increase into print… https://t.co/yoGO8kX5rK pic.twitter.com/R5LkZUj8PP
— Shawn Donnan (@sdonnan) October 13, 2017
ຂະນະດຽວກັນ, ລັດຖະມົນຕີກະຊວງການເງິນອາເມລິກາເຫັນຄວນຍັງບໍ່ມີຄວາມຈຳເປັນໃນການເພີ່ມເງິນທຶນສະໜັບສະໜູນໃຫ້ແກ່ທະນາຄານໂລກໃນຕອນນີ້ ເນື່ອງຈາກອົງການຍັງຂາດປະສິດທິພາບ ໃນການຈັດສັນເງິນສະໜັບສະໜູນທີ່ລັດຖະບານວໍຊິງຕັນບໍລິຈາກໃຫ້ສູງເຖິງປີລະ 60.000 ລ້ານໂດລາສະຫະລັດ.
