ເຈົ້າໜ້າທີ່ການຄ້າຢຶດສິນຄ້າ​ໜີ​ພາສີ​ຈໍານວນຫລາຍ

- advert banner 728 90 728x90 - ເຈົ້າໜ້າທີ່ການຄ້າຢຶດສິນຄ້າ​ໜີ​ພາສີ​ຈໍານວນຫລາຍ

ໃນອາທິດຜ່ານມານີ້, ເຈົ້າໜ້າທີ່ກົມ​ການ​ຄ້າ​ພາຍ​ໃນກະຊວງ​ອຸດສາຫະກຳ ​ແລະ ການ​ຄ້າ, ສາມາດ​ຢຶດສິນຄ້າ​ປະເພດອຸປະ​ໂພ​ກ-ບໍລິ​ໂພ​ກທີ່ລັກລອບໜີ​ພາສີໄດ້ເປັນຈໍານວນ​ຫລາຍລາຍການ, ພາຍຫລັງສີນຄ້າດັ່ງກ່າວຖືກຊຸກເຊື່ອງມານໍາໃນລົດໂດຍສານລະຫວ່າງປະເທດລາວ-ຫວຽດນາມ.

- new3 - ເຈົ້າໜ້າທີ່ການຄ້າຢຶດສິນຄ້າ​ໜີ​ພາສີ​ຈໍານວນຫລາຍ

ຮອງ​ຫົວໜ້າ​ພະ​ແນ​ກກວດກາ​ການ​ຄ້າ ໃຫ້ຮູ້ວ່າ: ພາຍຫລັງ​ໄດ້​ຮັບແຈ້ງຈາກພົນລະເມືອງ​ວ່າ​ມີການ​ລັກລອບນໍາເຂົ້າສີນຄ້າ​ແບບ​ບໍ່​ຖືກຕ້ອງ​ຕາມ​ລະບຽບກົດໝາຍຈໍານວນຫລາຍຢູ່​ເຂດ​ບ້ານ​ແສງ​ສະຫວ່າງ​ເມືອງ​ໄຊ​ເສດ​ຖານະຄອນຫລວງ​ວຽງ​ຈັນ, ຈຶ່ງໄດ້ສົມທົບກັບເຈົ້າໜ້າທີ່ພາກສ່ວນກ່ຽວຂ້ອງຕ່າງໆລົງກວດກາຢ່າງຮີບດ່ວນ ແລະ ພົບ​ເຫັນ​ສິນຄ້າດັ່ງກ່າວແທ້ປະກອບມີ: ຕຽງ​ນອນ​ຄົນ​ເຈັບ 26 ຊຸດ, ກະ​ເປົາ​ພາຍຜູ້ຍິງ 726 ໜ່ວຍ, ​ເກີບ​ໜັງ 1.320 ຄູ່, ​ເຈ້ຍອະນາ​ໄມ​12 ​ແກັດ, ເຄື່ອນຸ່ງກິລາ 1.930 ຊຸດ, ຜ້າອານາໄມເດັກນ້ອຍ 180 ຖົງ, ດ້າຍ​ຫຍິບ​ເຄື່ອງ 1.260 ກໍ້, ໜັງ​ໝູ​ກອບ 4 ​ເປົາ, ຢາ​ວິຕາມິນ​ຊີ 5 ​ແກັດ ​ແລະ ​ສີນຄ້າ​ອື່ນໆ​​ຈຳນວນ​ໜຶ່ງຄິດ​ເປັນ​ມູນ​ຄ່າຫລາຍກວ່າ 16 ລ້ານກີບ, ໂດຍສີນຄ້າທັງໝົດຖືກຊຸກ​ເຊື່ອງ​ໄວ້​ໃນ​ລົດ​ໂດຍສານຂອງ​ທ້າວ ຮຸ່ນ ອາຍຸ 35 ປີສັນຊາດ​ຫວຽດນາມພັກ​ເຊົາ​ຢູ່​ບ້ານ​ແສງ​ສະຫວ່າງ​ເມືອງ​ໄຊ​ເສດ​ຖາ, ​ເຈົ້າໜ້າ​ທີ່​ຈຶ່ງ​ຢຶດສີນຄ້າ​ທັງໝົດໄວ້​ເປັນ​ຫລັກ​ຖານເພື່ອດໍາເນີນຄະດີກັບຜູ້ລັກລອບນໍາເຂົ້າຕາມລະບຽບກົດໝາຍ. ສ່ວນ​ສິນຄ້າ​ປະເພດ​ຢາກິນ ​ແລະ ໜັງ​ໝູ​ກອບ​ໄດ້ໜ່ວຍງານ​​ສາທາລະນະ​ສຸກເອົາ​ຕົວຢ່າງໄປກວດ​ກາ​ຫາ​ສານ​ເຄມີ​ປົນ​ເປື້ອນເພື່ອໄປທໍາລາຍຖີ້ມ.

- lattana 1 - ເຈົ້າໜ້າທີ່ການຄ້າຢຶດສິນຄ້າ​ໜີ​ພາສີ​ຈໍານວນຫລາຍ

ຂ່າວ-ພາບ : ຫນັງສືພິມ ປກສ

error: Content is protected !!