ງານວາງສະແດງສິນຄ້າອາຊຽນແຟຣຈັດຂຶ້ນທີ່ແຂວງສະຫວັນນະເຂດ

- Asean Fair - ງານວາງສະແດງສິນຄ້າອາຊຽນແຟຣຈັດຂຶ້ນທີ່ແຂວງສະຫວັນນະເຂດ
- Untitled design - ງານວາງສະແດງສິນຄ້າອາຊຽນແຟຣຈັດຂຶ້ນທີ່ແຂວງສະຫວັນນະເຂດ

ງານວາງສະແດງສິນຄ້າອາຊຽນແຟຣ 2017 ໄດ້ໄຂຂຶ້ນຢູ່ສູນການຄ້າສະ ຫວັນໄອເຕັກ ໃນວັນທີ 13 ຕຸລານີ້ ໂດຍການເຂົ້າຮ່ວມຂອງທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ທ່ານ ບຸນມີ ມະນີວົງ ຮອງລັດຖະມົນຕີ ກະຊວງອຸດສາຫະກຳ ແລະການຄ້າ, ມີບັນດາຜູ້ຕາງໜ້າຈາກ ປະເທດອາຊຽນເຂົ້າຮ່ວມ ເພື່ອສົ່ງເສີມການຄ້າ – ການລົງທຶນຂອງບັນດາປະເທດໃນພາກພື້ນອາຊຽນ ແລະ ສິນຄ້າທີ່ນຳມາວາງສະແດງແບ່ງອອກເປັນ 4 ກຸ່ມຄື: ກຸ່ມການກະເສດ ແລະ ພະລັງງານທົດແທນ, ກຸ່ມເຄື່ອງມືກໍ່ສ້າງເຄື່ອງຈັກໃນໂຮງງານອຸດ ສາຫະກຳ, ກຸ່ມສິນຄ້າອຸປະໂພກ, ບໍລິໂພກ ແລະ ກຸ່ມອຸດສາຫະກຳເຕັກໂນໂລຊີທາງການແພດ.

ທ່ານເຈົ້າແຂວງສະຫວັນນະເຂດ ໄດ້ມີຄຳເຫັນວ່າ: ງານດັ່ງກ່າວໃຫ້ເຫັນເຖິງການຜັນຂະຫຍາຍວິ​ໄສທັດຂອງປະຊາຄົມເສດຖະກິດອາຊຽນ. ສຳລັບແຂວງສະຫວັນນະເຂດຍັງມີທ່າແຮງຫຼາຍດ້ານບົ່ມຊ້ອນໃນການລົງທຶນ ໂດຍສະເພາະການຜະລິດກະສິກຳເປັນສິນຄ້າ ແລະ ອຸດສາຫະກຳປຸງແຕ່ງ, ການທ່ອງທ່ຽວ, ການບໍລິການທາງດ້ານການສຶກສາການແພດ ແລະ ການບໍລິການທາງຜ່ານ ທີ່ສອດຄ່ອງກັບນະໂຍບາຍຂອງລັດຖະບານທີ່ມີການປັບປຸງກົດໝາຍເພື່ອເອື້ອອຳນວຍແກ່ການລົງທຶນໃຫ້ສະດວກຫລາຍຂຶ້ນ.

- Wave100S AD to Website 2020 0 - ງານວາງສະແດງສິນຄ້າອາຊຽນແຟຣຈັດຂຶ້ນທີ່ແຂວງສະຫວັນນະເຂດ
- WhatsApp Image 2020 05 27 at 5 - ງານວາງສະແດງສິນຄ້າອາຊຽນແຟຣຈັດຂຶ້ນທີ່ແຂວງສະຫວັນນະເຂດ
- WhatsApp Image 2020 05 27 at 5 - ງານວາງສະແດງສິນຄ້າອາຊຽນແຟຣຈັດຂຶ້ນທີ່ແຂວງສະຫວັນນະເຂດ
error: Alert: ເນື້ອຫາຂ່າວມີລິຂະສິດ !!