ຍ່າງເພື່ອສຸຂະພາບສະຫລອງວັນວິທະຍາສາດແຫ່ງຊາດ ແລະ ວັນສ້າງຕັ້ງອົງການມາດຕະຖານສາກົນ

- advert banner 728 90 728x90 - ຍ່າງເພື່ອສຸຂະພາບສະຫລອງວັນວິທະຍາສາດແຫ່ງຊາດ ແລະ ວັນສ້າງຕັ້ງອົງການມາດຕະຖານສາກົນ

ເຊົ້າວັນທີ 15 ຕຸລານີ້, ກະຊວງວິທະຍາສາດ ແລະ ເຕັກໂນໂລຊີ, ຈັດພິທີຍ່າງສຸຂະພາບ ແຕ່ປະຕູໄຊຫາຫໍຄຳແລ້ວກັບຄືນປະຕູໄຊ ເພື່ອສະເຫລີມສະຫລອງວັນວິທະຍາສາດແຫ່ງຊາດຄົບຮອບ 20 ປີ (12 ຕຸລາ 1997 – 12 ຕຸລາ 2017) ແລະ ວັນສ້າງຕັ້ງອົງການມາດຕະຖານສາກົນ ຄົບຮອບ 70 ປີ (14 ຕຸລາ 1947 – 14 ຕຸລາ 2017), ໂດຍການເຂົ້າຮ່ວມຂອງທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງດັ່ງ ກ່າວ, ທັງເປັນປະທານສະພາວິທະຍາສາດແຫ່ງຊາດ, ມີພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫລວງຫລາຍ.
ທ່ານລັດຖະມົນຕີ ມີຄຳເຫັນວ່າ: ປັດຈຸບັນ ລະບົບການຈັດຕັ້ງຂອງຂະແໜງວິທະຍາສາດ ແລະ ເຕັກໂນໂລຊີແຕ່ສູນກາງຮອດທ້ອງຖິ່ນ, ໄດ້ຮັບການປັບປຸງ ແລະ ພັດທະນາຢ່າງຕໍ່ເນື່ອງໄປຄຽງຄູ່ກັບການພັດທະນາວຽກງານວິທະຍາສາດ. ໄລຍະຜ່ານມາພັກ ແລະ ລັດຖະບານ, ໄດ້ເລັງເຫັນຫລາຍວຽກງານທີ່ເປັນເສົາຄ້ຳໃຫ້ແກ່ວຽກງານວິທະຍາສາດເປັນຕົ້ນ ວຽກງານມາດຕະຖານທີ່ລາວ ແລະ ບັນດາປະເທດສະມາຊິກອົງການມາດຕະຖານສາກົນ (ISO), ໄດ້ເນັ້ນໃຫ້ເຫັນເຖິງບົດບາດສຳຄັນຂອງການເຄື່ອນໄຫວວຽກງານມາດຕະຖານໃນການເຊື່ອມໂຍງເຂົ້າເປັນສະມາຊິກຂອງປະຊາຄົມເສດຖະກິດອາຊຽນ, ອົງການການຄ້າໂລກ ແລະ ການຮ່ວມມືໃນເວທີສາກົນ ເພື່ອສ້າງຈິດສຳນຶກໃຫ້ແກ່ຜູ້ສ້າງນິຕິກຳກ່ຽວກັບມາດຕະຖານ ແລະ ຄຸນນະພາບ, ຜູ້ສ້າງລະບຽບການ ແລະ ຄຸ້ມຄອງມາດຕະຖານ, ຜູ້ປະກອບການລົງທຶນ,ນັກທຸລະກິດ, ຜູ້ຜະລິດ ແລະ ຜູ້ຊົມໃຊ້ເຂົ້າໃຈຢ່າງເລິກເຊິ່ງ ກ່ຽວກັບບົດບາດ ແລະ ຄວາມສຳຄັນຂອງວຽກງານ ມາດຕະຖານຕໍ່ການພັດທະນາເສດຖະກິດ-ສັງຄົມ ໃນລະດັບຊາດ, ພາກພື້ນ ແລະ ສາກົນ, ເພື່ອອຳນວຍຄວາມສະດວກຊຸກຍູ້ສົ່ງເສີມດ້ານການຄ້າ, ຜະລິດ ແລະ ຖ່າຍທອດເຕັກໂນໂລຊີ ທີ່ກ້າວໜ້າຂອງໂລກ, ການນຳໃຊ້ມາດຕະຖານເພື່ອຄຸ້ມຄອງ ແລະ ຊຸກຍູ້ສົ່ງເສີມການຜະລິດ ແລະ ການບໍລິການມີບົດບາດສຳຄັນໃນການພັດທະນາແບບຍືນຍົງ, ການຢັ້ງຢືນຮັບຮອງເອົາມາດຕະຖານຂອງຜະລິດຕະພັນ, ລະບົບການກວດສອບ, ການຢັ້ງຢືນຄຸນນະພາບ ຂອງຜະລິດຕະພັນ ແລະ ສິນຄ້າ, ນອກນີ້ ຍັງຊ່ວຍຍົກສູງສະມັດຕະພາບການຜະລິດຜົນປະໂຫຍດ ແລະ ສ້າງຄວາມເຊື່ອໝັ້ນໃຫ້ແກ່ຜູ້ຊົມໃຊ້ອີກດ້ວຍ.

- new3 - ຍ່າງເພື່ອສຸຂະພາບສະຫລອງວັນວິທະຍາສາດແຫ່ງຊາດ ແລະ ວັນສ້າງຕັ້ງອົງການມາດຕະຖານສາກົນ
- lattana 1 - ຍ່າງເພື່ອສຸຂະພາບສະຫລອງວັນວິທະຍາສາດແຫ່ງຊາດ ແລະ ວັນສ້າງຕັ້ງອົງການມາດຕະຖານສາກົນ
error: Content is protected !!