ເຮັດໂບລາສົ່ງໂດຣນ ແລະ ມິສໄຊໂຈມຕີອິດສະລາແອນ ທະຫານບາດເຈັບ 14 ຄົນ

- Untitled 7 - ເຮັດໂບລາສົ່ງໂດຣນ ແລະ ມິສໄຊໂຈມຕີອິດສະລາແອນ ທະຫານບາດເຈັບ 14 ຄົນ
- kitchen vibe - ເຮັດໂບລາສົ່ງໂດຣນ ແລະ ມິສໄຊໂຈມຕີອິດສະລາແອນ ທະຫານບາດເຈັບ 14 ຄົນ

     ກຸ່ມເຮັດໂບລາຢູ່ລີບັງເປີດເຜີຍໃນວັນທີ 17 ເມສາວ່າ: ນັກຮົບຂອງກຸ່ມຍິງມິສໄຊ ແລະ ໂດຣນເຂົ້າໃສ່ອາຄານທາງທະຫານໃນຕອນເໜືອຂອງອິດສະລາແອນ ສົ່ງຜົນເຮັດໃຫ້ມີທະຫານອິດສະລາແອນບາດເຈັບ 14 ຄົນ.

     ສ່ວນອິດສະລາແອນລາຍງານວ່າ: ໃນຈໍານວນເຈົ້າໜ້າທີ່ທີ່ໄດ້ຮັບບາດເຈັບ 14 ຄົນ ມີ 6 ຄົນທີ່ໄດ້ຮັບບາດເຈັບສາຫັດ. ຂະນະທີ່ມີລາຍງານກວດພົບໂດຣນ ແລະ ລູກສອນໄຟຕໍ່ຕ້ານລົດຖັງຫລາຍລູກທີ່ຍິງຈາກລີບັງໄປບ້ານອາຣັບ ອັລ-ອາຣໍາເຊ ໃນອິດສະລາແອນ.

- Visit Laos Visit SALANA BOUTIQUE HOTEL - ເຮັດໂບລາສົ່ງໂດຣນ ແລະ ມິສໄຊໂຈມຕີອິດສະລາແອນ ທະຫານບາດເຈັບ 14 ຄົນ

     ກຸ່ມເຮັດໂບລາເປີດເຜີຍວ່າ: ການໂຈມຕີຄັ້ງນີ້ເກີດຂຶ້ນເພື່ອຕອບໂຕ້ເຫດການທີ່ອິດສະລາແອນເປີດປະຕິບັດການໂຈມຕີພື້ນທີ່ທາງຕອນໃຕ້ຂອງລີບັງໃນວັນທີ 16 ເມສາ ສົ່ງຜົນເຮັດໃຫ້ມີຜູ້ເສຍຊີວິດ 3 ຄົນ ແລະ ໜຶ່ງໃນນັ້ນເປັນເຈົ້າໜ້າທີ່ລະດັບຜູ້ບັນຊາການຂອງກຸ່ມເຮັດໂບລາ.

     ຂະນະດຽວກັນ, ໃນວັນທີ 17 ເມສາ ກອງທັບອາກາດອິດສະລາແອນລະບຸວ່າ: ເຮືອບິນຮົບຂອງຕົນເຂົ້າໂຈມຕີໂຄງສ້າງພື້ນຖານຂອງກຸ່ມເຮັດໂບລາຢູ່ທາງຕາເວັນອອກຂອງລີບັງ ຖືວ່າການໂຈມຕີດັ່ງກ່າວຂະຫຍາຍວົງອອກໄປນອກເໜືອພື້ນທີ່ຊາຍແດນທາງໃຕ້ ເຊິ່ງເປັນພື້ນທີ່ສ່ວນໃຫຍ່ທີ່ອິດສະລາແອນຕັ້ງເປົ້າໂຈມຕີ.

      ເຖິງຢ່າງໃດກໍຕາມ, ການສູ້ຮົບທີ່ເກີດຂຶ້ນເຮັດໃຫ້ເກີດກະແສຄວາມກັງວົນວ່າ: ຄວາມຂັດແຍ່ງທີ່ເກີດຂຶ້ນຕາມພື້ນທີ່ຕ່າງໆຢູ່ຕາເວັນອອກກາງອາດສ່ຽງລຸກລາມສູ່ສົງຄາມພາກພື້ນ ແລະ ຄວາມກັງວົນເຫລົ່ານີ້ກໍທະວີຄວາມຮຸນແຮງຂຶ້ນ ພາຍຫລັງເກີດເຫດອີຣານໃຊ້ໂດຣນ ແລະ ລູກສອນໄຟຫລາຍຮ້ອຍລູກຍິງຖະຫລົ່ມອິດສະລາແອນໃນທ້າຍອາທິດຜ່ານມາ ເພື່ອຕອບໂຕ້ເຫດໂຈມຕີສະຖານກົງສຸນອີຣານຢູ່ນະຄອນຫລວງດາມັດກັດຂອງຊິຣີໃນຕົ້ນເດືອນ ເຊິ່ງອິດສະລາແອນໃຫ້ຄໍາໝັ້ນວ່າຈະຕອບໂຕ້ກັບເຊັ່ນກັນ.

ອ້າງອີງ:

- 3 - ເຮັດໂບລາສົ່ງໂດຣນ ແລະ ມິສໄຊໂຈມຕີອິດສະລາແອນ ທະຫານບາດເຈັບ 14 ຄົນ
- 4 - ເຮັດໂບລາສົ່ງໂດຣນ ແລະ ມິສໄຊໂຈມຕີອິດສະລາແອນ ທະຫານບາດເຈັບ 14 ຄົນ
- 5 - ເຮັດໂບລາສົ່ງໂດຣນ ແລະ ມິສໄຊໂຈມຕີອິດສະລາແອນ ທະຫານບາດເຈັບ 14 ຄົນ