ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ຈະພິຈາລະນາ ຫລາຍບັນຫາສໍາຄັນຂອງຊາດ

- advert banner 728 90 728x90 -  ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ຈະພິຈາລະນາ ຫລາຍບັນຫາສໍາຄັນຂອງຊາດ

ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ໄດ້ໄຂຂຶ້ນຢ່າງເປັນທາງການໃນວັນທີ 16 ຕຸລານີ້ຢູ່ຫ້ອງປະຊຸມຫລັກ 6, ໂດຍການເປັນປະທານຂອງທ່ານນາງ ປານີ ຢາທໍຕູ້ ປະທານສະພາແຫ່ງຊາດ ແລະ ໃຫ້ກຽດເຂົ້າຮ່ວມຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ບຸນຍັງ ວໍລະຈິດ, ມີສະມາຊິກສະພາ, ບັນດາການນໍາຂັ້ນສູງພັກ-ລັດ ແລະ ແຂກຖືກເຊີນເຂົ້າຮ່ວມ.

- new3 -  ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ຈະພິຈາລະນາ ຫລາຍບັນຫາສໍາຄັນຂອງຊາດ

ທ່ານປະທານສະພາແຫ່ງຊາດ ໄດ້ກ່າວສູນທອນພົດໄຂກອງປະຊຸມວ່າ: ປີ 2017 ​ເປັນ​ປີ​ທີ 2 ຂອງ​ການຈັດຕັ້ງປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງທີ X ຂອງ​ພັກ, ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ 5 ປີ ຄັ້ງທີ VIII ແລະ ຕະຫລອດ​ໄລຍະ 9 ​ເດືອນ​ຜ່ານ​ມາ​ເຖິງ​ວ່າ​ສະພາບ​ແວດ​ລ້ອມ​ຂອງ​ພາກພື້ນ ​ແລະ ສາກົນ​ໄດ້ມີ​ທັງ​ກາລະ​ໂອກາດ ແລະ ສິ່ງ​ທ້າ​ທາຍ, ​ເຊິ່ງ​ໄດ້​ສົ່ງ​ຜົນ​ກະທົບ​ແກ່​ການ​ພັດທະນາ​ເສດຖະກິດ-ສັງຄົມ​ຂອງ​ພວກ​ເຮົາ​ກໍ​ຕາມ, ​ແຕ່​ດ້ວຍ​ຄວາມ​ເອົາ​ໃຈ​ໃສ່​ຊີ້​ນຳ-ນຳພາ​ຂອງ​ສູນ​ກາງ​ພັກ, ຄວາມ​ຮັບຜິດຊອບ​ຂອງ​ບັນດາ​ອົງການ​ຈັດຕັ້ງພັກ-ລັດ​ຂັ້ນຕ່າງໆ ​ແລະ ການ​ເຂົ້າຮ່ວມ​ຢ່າງ​ຕັ້ງໜ້າ​ຂອງ​ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດ, ​ໄດ້​ເຮັດ​ໃຫ້​ປະ​ເທດ​ຊາດ​ຂອງ​ພວກ​ເຮົາ​ສືບ​ຕໍ່​ມີ​ສະຖຽນ​ລະ​ພາບ​ທາງ​ດ້ານ​ການ​ເມືອງ​​ໜັກ​ແໜ້ນ, ສັງຄົມ​ມີ​ຄວາມ​ສະຫງົບ, ມີ​ຄວາມ​ເປັນ​ລະບຽບ​ຮຽບຮ້ອຍ, ການ​ພັດທະນາ​ເສດຖະກິດ-ສັງຄົມ​ສືບ​ຕໍ່​ຂະຫຍາຍຕົວ​ຢ່າງ​ຕໍ່​ເນື່ອງ, ການ​ຄຸ້ມ​ຄອງ ​ແລະ ການ​ບໍລິຫານ​ລັດ​ຕາມ​ລະບຽບ​ກົດໝາຍ​ໄດ້​ຮັບ​ການ​ປັບປຸງ ແລະ ປະຕິບັດ​ສຳ​ເລັດ​ຫລາຍ​ເປົ້າໝາຍ​ຂອງ​ການ​ພັດທະນາ​ແບບ​ຍືນ​ຍົງ​ທີ່​ກຳນົດ​ໄວ້, ການ​ພົວພັນ​ຮ່ວມ​ມື ​ແລະ ການ​ເຊື່ອມ​ໂຍງ​ກັບ​ພາກພື້ນ ​ແລະ ສາກົນ​ ສືບ​ຕໍ່​ໄດ້​ຮັບ​ການ​ເສີມ​ຂະຫຍາຍ, ບົດບາດ ​ແລະ ອິດ​ທິພົນ​ຂອງ ສປປ ລາວ ນັບ​ມື້​ໄດ້​ຮັບ​ການ​ເຊີດ​ຊູ​ຂຶ້ນ​ໃນ​ເວທີ​ສາກົນ. ​ແຕ່​ເຖິງ​ຢ່າງ​ໃດ​ກໍ​ຕາມ, ພວກ​ເຮົາ​ຍັງ​ປະສົບ​ກັບ​ຄວາມ​ຫຍຸ້ງຍາກ ​ແລະ ສິ່ງ​ທ້າ​ທາຍ​ຈຳນວນ​ໜຶ່ງ​ເຊັ່ນ: ອັດຕາ​ເຕີບ​ໃຫຍ່​ທາງ​ດ້ານ​ເສດຖະກິດ ​ເຖິງ​ວ່າ​ໄດ້​ມີ​ການ​ຂະຫຍາຍຕົວ, ​ແຕ່​ຍັງ​ບໍ່​ທັນ​ຮັບປະກັນ​ຄວາມ​ໝັ້ນທ່ຽງ ​ແລະ ຍືນ​ຍົງ​ເທື່ອ, ບາງ​ຄາດໝາຍ​ໃຫຍ່​ທາງ​ດ້ານ​ເສດຖະກິດ-ການ​ເງິນ-ສັງຄົມ ​ຍັງ​ມີ​ຄວາມ​ສ່ຽງ​ທີ່​ອາດ​ຈະ​ບໍ່​ບັນລຸ​ຕາມ​ແຜນການ​​ວາງ​ໄວ້, ການ​ຜະລິດ​ກະສິກຳ, ອຸດສາຫະກຳ ​ແລະ ການ​ແກ້​ໄຂ​ໜີ້​ສິນ​ຂອງ​ລັດ​ຍັງ​ປະສົບ​ຄວາມ​ຫຍຸ້ງຍາກ, ບັນຫາ​ສິ່ງ​ແວດ​ລ້ອມ, ການ​ແກ້​ໄຂ​ປາກົດການ​ຫຍໍ້​ທໍ້​ໃນ​ສັງຄົມ ​ເຖິງ​ວ່າ​ໄດ້​ມີ​ຄວາມ​ພະຍາຍາມ, ​ແຕ່​ກໍ​ຍັງ​ບໍ່​ທັນ​ສາມາດ​ຕອບ​ສະໜອງ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ແຫ່ງ​ການ​ພັດທະນາ ​ແລະ ຄວາມ​ຄອງ​ຄອຍ​ຂອງ​ປະຊາຊົນ​. ​ກອງ​ປະຊຸມ​ຄັ້ງນີ້, ​ຈະ​ໄດ້​ສຸມ​ໃສ່​ພິຈາລະນາ ​ແລະ ຕົກລົງ​ຫລາຍບັນຫາ​ສຳຄັນ​ຂອງ​ຊາດຄື: ພິຈາລະນາ ​ແລະ ຮັບຮອງ​ບົດ​ລາຍ​ງານ​ກ່ຽວ​ກັບ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ, ​ແຜນ​ງົບປະມານ​ແຫ່ງ​ລັດ ​ແລະ ​ແຜນ​ເງິນຕາປະຈຳ​ປີ 2017 ​ແລະ ທິດ​ທາງ​ປີ 2018. ພິຈາລະນາ ​ແລະ ຮັບຮອງ​ບົດ​ລາຍ​ງານ​ກ່ຽວ​ກັບ​ການຈັດຕັ້ງປະຕິບັດ​ແຜນການ​ທ່ອງ​ທ່ຽວ​ໃນ​ຊຸມ​ປີຜ່ານມາ ​ແລະ ທິດ​ທາງ​ປີ 2018 ​ເພື່ອ​ຮອງ​ຮັບ​ປີ​ທ່ອງ​ທ່ຽວ​ລາວ. ພິຈາລະນາ ​ແລະ ຮັບຮອງບົດ​ລາຍ​ງານ​ການຈັດຕັ້ງປະຕິບັດ​ການ​ເຄື່ອນ​ໄຫວ​ວຽກ​ງານ​ປະຈຳ​ປີ 2017 ​ແລະ ທິດ​ທາງ​ການ​ເຄື່ອນ​ໄຫວ​ປີ 2018 ຂອງ​ອົງການ​ກວດ​ສອບ​ແຫ່ງ​ລັດ ​ແລະ ຮັບຮອງ​ບົດ​ລາຍ​ງານ​ກ່ຽວ​ກັບ​ຜົນ​ການກວດ​ສອບ​ບົດ​ສະຫລຸບ​ຂາດ​ຕົວ​ການຈັດຕັ້ງປະຕິບັດ​ແຜນ​ງົບປະມານ​ແຫ່ງ​ລັດສົກ​ປີ 2015-2016 ​ແລະ ການ​ແກ້​ໄຂ​ຜົນ​ການກວດ​ສອບ​ງົບປະມານ ​ແລະ ການ​ນຳ​ໃຊ້​ຊັບ​ສິນ​ຂອງ​ລັດສົກ​ປີ 2013-2014 ​ແລະ 2014-2015 ຂອງອົງການ​ກວດກາ​ລັດຖະບານ. ພິຈາລະນາ ​ແລະ ຮັບ​ຮອງ​ບົດ​ລາຍ​ງານ​ການຈັດຕັ້ງປະຕິບັດ​ການ​ເຄື່ອນ​ໄຫວ​ວຽກ​ງານ​ປະຈຳ​ປີ 2017 ​ແລະ ທິດ​ທາງ​ປີ 2018 ຂອງ​ສານ​ປະຊາຊົນ​ສູງ​ສຸດ ​ແລະ ອົງການ​ໄອ​ຍະ​ການ​ປະຊາຊົນ​ສູງ​ສຸດ. ພິຈາລະນາ ​ແລະ ຮັບຮອງ​ບົດ​ລາຍ​ງານ​ການຈັດຕັ້ງປະຕິບັດ​ການ​ເຄື່ອນ​ໄຫວ​ວຽກ​ງານ​ປະຈຳ​ປີ 2017 ​ແລະ ທິດ​ທາງ​ປີ 2018 ຂອງ​ສະພາ​ແຫ່ງ​ຊາດ. ພິຈາລະນາ ​ແລະ ຮັບຮອງ​ການ​ສ້າງ ​ແລະ ປັບ​ປຸງ​ກົດໝາຍ​ໃນ​ຂົງ​ເຂດເສດຖະກິດ-ສັງຄົມ ​ແລະ ຂົງ​ເຂດ​ປົກ​ປ້ອງ​ກົດໝາຍຈຳນວນ 16 ສະບັບ, ​ໃນ​ນັ້ນກົດໝາຍ​ສ້າງ​ໃໝ່​ມີ 9 ສະບັບ​ຄື: ຮ່າງ​ກົດໝາຍ​ວ່າ​ດ້ວຍ​ການ​ປົກ​ປ້ອງ​ຜົນ​ກະທົບ​ຈາກ​ການ​ນຳ​ເຂົ້າສິນຄ້າ, ກົດໝາຍ​ວ່າ​ດ້ວຍ​ອຸຕຸນິຍົມ ​ແລະ ອຸ​ທົກ​ກະສາ​ດ, ກົດໝາຍ​ວ່າ​ດ້ວຍ​ວຽກ​ງານ​ກາ​ແດງ​ລາວ, ກົດໝາຍ​ວ່າ​ດ້ວຍ​ການ​ຄຸ້ມ​ຄອງ​ໜີ້​ສິນ​ສາທາລະນະ, ກົດໝາຍ​ວ່າ​ດ້ວຍ​ການຖ່າຍ​ທອດ​ເຕັກ​ໂນ​ໂລ​ຊີ, ກົດໝາຍ​ວ່າ​ດ້ວຍ​ລະບົບ​ການ​ຊຳລະ, ກົດໝາຍ​ວ່າ​ດ້ວຍ​ການ​ກັນ ​ແລະ ຄວບ​ຄຸມພະ​ຍາດຕິ​ດຕໍ່, ກົດໝາຍ​ວ່າ​ດ້ວຍ​ຜູ້​ພິພາກສາ ​ແລະ ກົດໝາຍ​ວ່າ​ດ້ວຍ​ການຈັດ​ຊື້-ຈັດ​ຈ້າງ​ດ້ວຍ​ທຶນ​ຂອງ​ລັດ. ກົດໝາຍ​ປັບປຸງ​ມີ 7 ສະບັບຄື: ຮ່າງ​ກົດໝາຍ​ວ່າ​ດ້ວຍ​ການ​ດຳ​ເນີນ​ຄະດີ​ອາຍາ, ກົດໝາຍ​ວ່າ​ດ້ວຍ​ການ​ກວດກາ​ລັດ, ກົດໝາຍ​ວ່າ​ດ້ວຍ​ຜັງ​ເມືອງ, ກົດໝາຍ​ວ່າ​ດ້ວຍ​ສັນຊາດ, ກົດໝາຍ​ວ່າ​ດ້ວຍ​ອົງການ​ກຳມະບານ​ລາວ, ກົດໝາຍ​ວ່າ​ດ້ວຍ​ແຮ່​ທາດ ​ແລະ ກົດໝາຍ​ວ່າ​ດ້ວຍ​ຊັບ​ສິນ​ທາງ​ປັນຍາ.

ນອກ​ນັ້ນ, ກອງ​ປະຊຸມ​ຍັງ​ຈະ​ໄດ້​ຮັບ​ຟັງ​ການ​ຊີ້​ແຈງ​ອະທິບາຍ​ກ່ຽວ​ກັບ​ການ​ປັບປຸງ​ການ​ບໍລິຫານ​ລັດ​ໃນ​ທຸກຂັ້ນ ກໍ​ຄື​ການ​ຄຸ້ມ​ຄອງ​ແຮງ​ງານ​ລາວ​ຢູ່​ພາຍ​ໃນ ​ແລະ ຕ່າງປະ​ເທດ​ຂອງ​ລັດຖະບານ, ຮັບ​ຟັງ​ການ​ລາຍ​ງານ​ຜົນ​ການ​ຕິດຕາມ​ກວດກາ​ຂອງ​ສູນ​ກາງ​ແນວ​ລາວ​ສ້າງ​ຊາດ ​ແລະ ອົງການ​ຈັດຕັ້ງມະຫາຊົນ​ຕໍ່​ກັບ​ການ​ປະຕິບັດ​ໜ້າ​ທີ່​ຂອງ​ສະພາ​ແຫ່ງ​ຊາດ ກໍ​ຄື​ສັງ​ລວມຂໍ້​ສະ​ເໜີ​ຂອງ​ຜູ້​ມີ​ສິດ​ປ່ອນ​ບັດ​ເລືອກ​ຕັ້ງ ​ແລະ ຂອງ​ປະຊາຊົນ​ຕໍ່​ກັບ​ອົງການ​ລັດ​ບໍລິຫານ.

- lattana 1 -  ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ຈະພິຈາລະນາ ຫລາຍບັນຫາສໍາຄັນຂອງຊາດ

 

error: Content is protected !!