ປະທານສະພາແຫ່ງຊາດຫວຽດນາມ ລາອອກຈາກໜ້າທີ່

- Vuong Dinh Hue VN NA - ປະທານສະພາແຫ່ງຊາດຫວຽດນາມ ລາອອກຈາກໜ້າທີ່
- kitchen vibe - ປະທານສະພາແຫ່ງຊາດຫວຽດນາມ ລາອອກຈາກໜ້າທີ່

ອີງຕາມການລາຍງານຂ່າວຈາກ VnExpress ວັນທີ 26 ເມສາ 2024 ນີ້ ໃຫ້ຮູ້ວ່າ: ກອງປະຊຸມວິສາມັນຂອງສູນກາງຫວຽດນາມໄດ້ເຫັນດີເປັນເອກະສັນໃຫ້ທ່ານ ເວືອງດິງ ເຫວະ ຢຸດຕິການເປັນ ກຳມະການກົມການເມືອງ, ກຳມະການສູນກາງພັກສະໄໝທີ 13 ແລະ ປະທານສະພາແຫ່ງຊາດຊຸດທີ 15 ຕາມຄວາມມຸ່ງມາດປາຖະໜາຂອງຕົນ.

ໂດຍອີງຕາມການລາຍງານຂອງຄະນະກວດກາຂັ້ນສູນກາງ ແລະ ບັນດາອົງການຈັດຕັ້ງທີ່ກ່ຽວຂ້ອງໃຫ້ຮູ້ວ່າທ່ານ ເວືອງດິງ ເຫວະໄດ້ລະເມີດຂໍ້ຫ້າມຂອງສະມາຊິກພັກ, ຄວາມບໍ່ເປັນແບບຢ່າງຂອງພະນັກງານ ສະມາຊິກພັກ ໂດຍສະເພາະແມ່ນກຳມະການກົມການເມືອງ, ຄະນະເລຂາທິການ, ກຳມະການສູນກາງພັກເພື່ອສະແດງຄວາມຮັບຜິດຊອບໃນນາມຜູ້ເປັນຫົວໜ້າຕາມຂໍ້ກຳນົດຂອງພັກ ແລະ ກົດໝາຍຂອງລັດ.

ການລະເມີດ ແລະ ຄວາມບົກຜ່ອງດັ່ງກ່າວໄດ້ສ້າງຫາງສຽງບໍ່ດີກະທົບຕໍ່ບົດບາດຂອງພັກ, ລັດ ແລະ ຂອງຕົນເອງ. ໂດຍສະແດງຄວາມຮັບຜິດຊອບຕໍ່ພັກ, ລັດ ແລະ ປະຊາຊົນ ທ່ານເວືອງດິງ ເຫວະຈຶ່ງໄດ້ຂຽນໃບຄຳຮ້ອງລາອອກຈາກໜ້າທີ່ ເພື່ອພັກຜ່ອນ.

- 4 - ປະທານສະພາແຫ່ງຊາດຫວຽດນາມ ລາອອກຈາກໜ້າທີ່
- 3 - ປະທານສະພາແຫ່ງຊາດຫວຽດນາມ ລາອອກຈາກໜ້າທີ່
- 5 - ປະທານສະພາແຫ່ງຊາດຫວຽດນາມ ລາອອກຈາກໜ້າທີ່