ຊຽງຂວາງ ປຶກສາຫາລືສົ່ງເສີມການທ່ອງທ່ຽວ

- 775 - ຊຽງຂວາງ ປຶກສາຫາລືສົ່ງເສີມການທ່ອງທ່ຽວ
- kitchen vibe - ຊຽງຂວາງ ປຶກສາຫາລືສົ່ງເສີມການທ່ອງທ່ຽວ

ວັນທີ 29 ເມສາ 2024 ນີ້, ແຂວງຊຽງຂວາງ ຈັດກອງປຶກສາຫາລື ແລກປ່ຽນຄຳຄິດເຫັນ ເພື່ອສົ່ງເສີມການທ່ອງທ່ຽວ ກໍຄືປີທ່ອງທ່ຽວ2024 ຢູ່ທີ່ຫ້ອງວ່າການແຂວງ ໂດຍການເປັນປະທານຂອງທ່ານ ບຸນຈັນ ສີວົງພັນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຊຽງຂວາງ.

ທ່ານ ຄອນສະໝຸດ ບຸນແພງພັນ ຫົວໜ້າພະແນກຖະແຫຼງຂ່າວ ວັດທະນາທຳ ແລະ ທ່ອງທ່ຽວ ໄດ້ລາຍງານການພັດທະນາ ການດຶງດູດນັກທ່ອງທ່ຽວ ແລະ ແຜນການໃນຕໍ່ໜ້າ, ຍົກໃຫ້ເຫັນວ່າ ແຂວງຊຽງຂວາງໄດ້ຖືເອົາການທ່ອງທ່ຽວ ເປັນບູລິມາສິດທີ່ສອງເຂົ້າໃນການພັດທະນາເສດຖະກິດ-ສັງຄົມຂອງແຂວງ, ທົ່ວແຂວງມີແຫຼ່ງການທ່ອງທ່ຽວ3ພາກສ່ວນໃຫຍ່ຄື: ການທ່ອງທ່ຽວທຳມະຊາດ, ທ່ອງທ່ຽວປະຫັວດສາດ ແລະ ການທ່ອງທ່ຽວທາງວັດທະນາທຳ ແລະ ມີນັກທ່ອງທ່ຽວເຂົ້າມາທ່ອງທ່ຽວ ນັບມື້ນັບເພີ່ມຂຶ້ນເລື້ອຍໆ, ໃນປີ2024ນີ້ ແຂວງຊຽງຂວາງ ໄດ້ກະກຽມຈັດງານເທດສະການບຸນເຂົ້າໄກ່ນ້ອຍ, ບຸນໂສກນາດຕະກຳຖ້ຳປີວ, ສະເຫຼີມສະຫຼອງໄຫຫີນເຂົ້າເປັນມໍລະດົກໂລກ ແລະ ບຸນປະເພນີບັນດາເຜົ່າ.

- Visit Laos Visit SALANA BOUTIQUE HOTEL - ຊຽງຂວາງ ປຶກສາຫາລືສົ່ງເສີມການທ່ອງທ່ຽວ

ຜູ້ແທນກອງປະຊຸມໄດ້ປະກອບຄຳຄິດເຫັນ ເພື່ອຊຸກຍູ້ຂະບວນການພັດທະນາ, ສົ່ງເສີມ ແລະ ຄຸ້ມຄອງການທ່ອງທ່ຽວທາງດ້ານວັດທະນາທຳ, ປະຫັວດສາດ, ທຳມະຊາດ ແລະ ການທ່ອງທ່ຽວແບບປະຊາຊົນມີສ່ວນຮ່ວມ ໃຫ້ມີຄວາມຍືນຍົງ, ສ້າງຜະລິດຕະພັນການທ່ອງທ່ຽວໃຫ້ມີຄວາມຫຼາກຫຼາຍ, ຄຸນນະພາບການບໍລິການ, ເຂົ້າເຖິງກຸ່ມຕະຫຼາດເປົ້າໝາຍ ເຊື່ມໂຍງກັບພາກພື້ນ ແລະ ສາກົນ, ສົ່ງເສີມກິດຈະກຳບຸນປະເພນີ ແລະ ເທດສະການຕ່າງໆຢູ່ທ້ອງຖິ່ນ, ສົ່ງເສີມການທ່ອງທ່ຽວພາຍໃນ ແລະ ດຶງດູດນັກທ່ອງທ່ຽວ.

ທ່ານ ບຸນຈັນ ສີວົງພັນ ເຈົ້າແຂວງໆຊຽງຂວາງໄດ້ມີຄຳເຫັນເນັ້ນໜັກ ໃຫ້ເອົາໃຈໃສ່ເປັນເຈົ້າການ ແຕ່ງຕັ້ງເປັນລາຍລັກອັກສອນ ເພື່ອຊີ້ນຳບັນດາງານຂອງສູນກາງ, ແຂວງ ແລະ ເມືອງ, ກຳນົດແຜນວັນເວລາຄັກແນ່ ໂຄສະນາອອກສື່, ສືບຕໍ່ປັບປຸງບັນດາໂຄງການ, ເສັ້ນທາງ, ສືບຕໍ່ສຳຫຼວດຕາໜ່າງການທ່ອງທ່ຽວໃນອີກ3ເມືອງຄື: ເມືອງພູກູດ, ເມືອງຄຳ ແລະ ເມືອງໜອງແຮດ, ສ່ອງແສງ ລາຍງານການຈັດຕັ້ງປະຕິບັດວຽກງານເປັນແຕ່ລະໄລຍະ, ຊຸຍູ້ ສົ່ງເສີມ ການທ່ອງທ່ຽວແບບປະຊາຊົນມີສ່ວນຮ່ວມໃຫ້ຍືນຍົງ, ພັດທະນາແຫຼ່ງທ່ອງທ່ຽວ ໃຫ້ດຶງດູດໃຈນັກທ່ອງທ່ຽວ ເພື່ອດຶງດູດນັກທ່ອງທ່ຽວ ເຂົ້າມາແຂວງຊຽງຂວາງໃຫ້ຫຼາຍຂຶ້ນເລືອຍໆ.

ຂ່າວ: ບຸນມີ ແສງທຸມມີ

- 5 - ຊຽງຂວາງ ປຶກສາຫາລືສົ່ງເສີມການທ່ອງທ່ຽວ
- 4 - ຊຽງຂວາງ ປຶກສາຫາລືສົ່ງເສີມການທ່ອງທ່ຽວ
- 3 - ຊຽງຂວາງ ປຶກສາຫາລືສົ່ງເສີມການທ່ອງທ່ຽວ