ລັດຖະມົນຕີພະລັງງານ G7 ບັນລຸຂໍ້ຕົກລົງ ຍົກເລີກໃຊ້ຖ່ານຫີນ ພາຍໃນປີ 2035

- shutterstock 1152540671 800x563 1 - ລັດຖະມົນຕີພະລັງງານ G7 ບັນລຸຂໍ້ຕົກລົງ ຍົກເລີກໃຊ້ຖ່ານຫີນ ພາຍໃນປີ 2035
- kitchen vibe - ລັດຖະມົນຕີພະລັງງານ G7 ບັນລຸຂໍ້ຕົກລົງ ຍົກເລີກໃຊ້ຖ່ານຫີນ ພາຍໃນປີ 2035

     ແຫລ່ງຂ່າວທາງການທູດລາຍງານຜົນກອງປະຊຸມລະຫວ່າງລັດຖະມົນຕີກະຊວງພະລັງງານຂອງກຸ່ມປະເທດອຸດສາຫະກຳຊັ້ນນໍາ 7 ແຫ່ງ (G7) ວ່າ: ມີການບັນລຸຂໍ້ຕົກລົງປິດໂຮງງານໄຟຟ້າຖ່ານຫີນໃນປະເທດຊ້າສຸດໃນອີກ 11 ປີ ເພື່ອດໍາເນີນຕາມເປົ້າໝາຍປ່ຽນຜ່ານຈາກການໃຊ້ເຊື້ອໄຟຟໍຊິລ ເຊິ່ງຫລາຍປະເທດໄດ້ໃຫ້ຄໍາໝັ້ນໄວ້ໃນກອງປະຊຸມສຸດຍອດດ້ານສະພາບອາກາດ.

      ວັນທີ 30 ເມສາ, ສໍານັກຂ່າວຕ່າງປະເທດລາຍງານວ່າ: ລັດຖະມົນຕີພະລັງງານຈາກປະເທດສະມາຊິກ G7 ໄດ້ບັນລຸຂໍ້ຕົກລົງປິດໂຮງງານໄຟຟ້າຖ່ານຫີນທັງໝົດຊ້າສຸດພາຍໃນປີ 2035 ເພື່ອປ່ຽນຜ່ານຈາກການໃຊ້ເຊື້ອໄຟຟໍຊິລ.

- Visit Laos Visit SALANA BOUTIQUE HOTEL - ລັດຖະມົນຕີພະລັງງານ G7 ບັນລຸຂໍ້ຕົກລົງ ຍົກເລີກໃຊ້ຖ່ານຫີນ ພາຍໃນປີ 2035

      ທ່ານ ແອນດຣູ ໂບວີ ລັດຖະມົນຕີຄວາມໝັ້ນຄົງດ້ານພະລັງງານ ແລະ ກາກບອນເປັນສູນ ຂອງອັງກິດ ກ່າວວ່າ: “ພວກເຮົາມີຂໍ້ຕົກລົງທີ່ຈະຢຸດໃຊ້ຖ່ານຫີນໃນໄລຍະເຄິ່ງທໍາອິດຂອງປີ 2018… ນີ້ຄືຂໍ້ຕົກລົງຄັ້ງປະຫວັດສາດ”.

      ແຫລ່ງຂ່າວທາງການທູດຂອງອິຕາລີໃຫ້ຂໍ້ມູນວ່າ: ປະເທດສະມາຊິກໄດ້ບັນລຸຂໍ້ຕົກລົງຮ່ວມກັນແລ້ວ ແລະ ຂໍ້ຕົກລົງດັ່ງກ່າວຈະລວມຢູ່ໃນຖະແຫລງການສຸດທ້າຍຂອງລັດຖະມົນຕີພະລັງງານ G7 ທີ່ຈະເຜີຍແຜ່ໃນວັນທີ 30 ເມສາ ຫລັງສິ້ນສຸດກອງປະຊຸມເປັນເວລາ 2 ວັນຢູ່ເມືອງຕູຣິນ.

      ຂໍ້ຕົກລົງຄັ້ງນີ້ຖືເປັນບາດກ້າວສໍາຄັນສູ່ການບັນລຸຄໍາໝັ້ນທີ່ໄດ້ໃຫ້ໄວ້ລະຫວ່າງກອງປະຊຸມດ້ານສະພາບອາກາດລະດັບໂລກ ຄັ້ງທີ 28 ໃນປີ 2023 ເລື່ອງການປ່ຽນຜ່ານຈາກການໃຊ້ເຊື້ອໄຟຟໍຊິລ ເຊິ່ງເປັນພະລັງງານທີ່ສ້າງມົນລະພິດຫລາຍທີ່ສຸດ.

- 4 - ລັດຖະມົນຕີພະລັງງານ G7 ບັນລຸຂໍ້ຕົກລົງ ຍົກເລີກໃຊ້ຖ່ານຫີນ ພາຍໃນປີ 2035
- 3 - ລັດຖະມົນຕີພະລັງງານ G7 ບັນລຸຂໍ້ຕົກລົງ ຍົກເລີກໃຊ້ຖ່ານຫີນ ພາຍໃນປີ 2035
- 5 - ລັດຖະມົນຕີພະລັງງານ G7 ບັນລຸຂໍ້ຕົກລົງ ຍົກເລີກໃຊ້ຖ່ານຫີນ ພາຍໃນປີ 2035