ປຶກສາຫາລື ກ່ຽວກັບການຕິດຕາມກວດກາ ແລະ ແກ້ໄຂຜູ້ຖືກກັກຂັງ ເກີນກຳນົດ

- 5626 - ປຶກສາຫາລື ກ່ຽວກັບການຕິດຕາມກວດກາ ແລະ ແກ້ໄຂຜູ້ຖືກກັກຂັງ ເກີນກຳນົດ
- kitchen vibe - ປຶກສາຫາລື ກ່ຽວກັບການຕິດຕາມກວດກາ ແລະ ແກ້ໄຂຜູ້ຖືກກັກຂັງ ເກີນກຳນົດ

ວັນທີ 29 ເມສາ 2024 ນີ້ ຢູ່ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມປຶກສາຫາລື ກ່ຽວກັບການກະກຽມຄວາມພ້ອມໃນການລົງຕິດຕາມກວດກາ ແລະ ແກ້ໄຂສະພາບຜູ້ຖືກກັກຂັງເກີນກຳນົດ ລະຫວ່າງ ກົມຕິດຕາມກວດກາຄ້າຍຄຸມຂັງດັດສ້າງ, ກົມຕິດຕາມກວດກາການດຳເນີນຄະດີອາຍາ ອົງການໄອຍະການປະຊາຊົນສູງສຸດ ແລະ ກົມຕຳຫລວດຄຸມຂັງ-ດັດສ້າງ, ກົມຕຳຫລວດ ສືບສວນ-ສອບສວນ ກະຊວງປ້ອງກັນຄວາມສະຫງົບ. ໂດຍການເປັນປະທານ ຂອງ ທ່ານ ບົວລີ ເພັດມີໄຊ, ຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ ແລະ ຄະນະກົມ, ຄະນະພະແນກ ແລະ ວິຊາການ ສອງຝ່າຍເຂົ້າຮ່ວມ.

ກອງປະຊຸມໄດ້ປຶກສາຫາລື ການກະກຽມຄວາມພ້ອມໃນການລົງຕິດຕາມກວດກາ, ເກັບກຳຂໍ້ມູນສະພາບຜູ້ຖືກຫາກັກຂັງເກີນຢູ່ບັນດາຄ້າຍກັກຕົວ, ຄ້າຍຄຸ້ມຂັງ-ດັດສ້າງ ໃນແຕ່ລະແຂວງຂອງສາມພາກ ຄື: ພາກເໜືອ, ພາກກາງ ແລະ ພາກໃຕ້, ເພື່ອຄວາມເປັນເອກະພາບ ແລະ ເປັນບ່ອນອີງ ໃນການເຄື່ອນໄຫວວຽກງານດັ່ງກ່າວ ໃຫ້ກົມຕິດຕາມກວດກາຄ້າຍຄຸມຂັງ-ດັດສ້າງ, ກົມຕິດຕາມກວດກາການດຳເນີນຄະດີອາຍາ ອົງການໄອຍະການປະຊາຊົນສູງສຸດ ແລະ ກົມຕຳຫລວດຄຸມຂັງ-ດັດສ້າງ, ກົມຕຳຫລວດ ສືບສວນ-ສອບສວນ ກະຊວງ ປ້ອງກັນຄວາມສະຫງົບ, ທັງເປັນການຮັບປະກັນການຕິດຕາມກວດກາ ແລະ ແກ້ໄຂສະພາບ ການຜູ້ຖືກກັກຂັງເກີນກຳນົດ ຢູ່ຄ້າຍກັກຕົວ, ຄ້າຍຄຸມຂັງ-ດັດສ້າງ ໃຫ້ມີປະສິດທິຜົນ, ບັນລຸຕາມຈຸດປະສົງ ພ້ອມທັງສະເໜີວິທີແກ້ໄຂຕໍ່ຄະນະນຳ ຂອງທັງສອງອົງການ (ອົງການໄອຍະການປະຊາຊົນສູງສຸດ ແລະ ກະຊວງປ້ອງກັນຄວາມສະຫງົບ) ເຮັດໃຫ້ສັງຄົມມີຄວາມເຊື່ອໝັ້ນຕໍ່ການປະຕິບັດໜ້າທີ່ຕາມຂະບວນຍຸຕິທຳ, ສ້າງຄວາມຮັບຮູ້ເຂົ້າໃຈ ແລະ ຄວາມເປັນເອກະພາບ ໃນການປະຕິບັດໜ້າທີ່ການດຳເນີນຄະດີໃຫ້ເລິກເຊິ່ງ, ຮັດກຸມທາງຂໍ້ມູນຫຼັກຖານ ແລະ ປັບປຸງກົນໄກການເຄື່ອນໄຫວ, ການປະສານສົມທົບໃນວຽກງານການຕິດຕາມກວດກາ ແລະ ການຄຸ້ມຄອງຜູ້ຖືກຫາ, ຜູ້ຖືກດັດສ້າງ ແລະ ນັກໂທດ ໃຫ້ມີຄວາມເປັນເອກະພາບ ທັງຮັບປະກັນຄວາມໂປ່ງໃສ, ຍຸຕິທໍາ ແລະ ຖືກຕ້ອງຕາມກົດໝາຍ.

- Visit Laos Visit SALANA BOUTIQUE HOTEL - ປຶກສາຫາລື ກ່ຽວກັບການຕິດຕາມກວດກາ ແລະ ແກ້ໄຂຜູ້ຖືກກັກຂັງ ເກີນກຳນົດ
- 3 - ປຶກສາຫາລື ກ່ຽວກັບການຕິດຕາມກວດກາ ແລະ ແກ້ໄຂຜູ້ຖືກກັກຂັງ ເກີນກຳນົດ
- 5 - ປຶກສາຫາລື ກ່ຽວກັບການຕິດຕາມກວດກາ ແລະ ແກ້ໄຂຜູ້ຖືກກັກຂັງ ເກີນກຳນົດ
- 4 - ປຶກສາຫາລື ກ່ຽວກັບການຕິດຕາມກວດກາ ແລະ ແກ້ໄຂຜູ້ຖືກກັກຂັງ ເກີນກຳນົດ