ປກສ ແຂວງໄຊສົມບູນ ທຳລາຍອາວຸດເຖື່ອນ 220 ກະບອກ, ໝໍ້ຊ໊ອດປາ ແລະ ເຄື່ອງນຳໃຊ້ບໍ່ຖືກຕ້ອງອີກຫລາຍລາຍການ

- 45888 - ປກສ ແຂວງໄຊສົມບູນ ທຳລາຍອາວຸດເຖື່ອນ 220 ກະບອກ, ໝໍ້ຊ໊ອດປາ ແລະ ເຄື່ອງນຳໃຊ້ບໍ່ຖືກຕ້ອງອີກຫລາຍລາຍການ
- kitchen vibe - ປກສ ແຂວງໄຊສົມບູນ ທຳລາຍອາວຸດເຖື່ອນ 220 ກະບອກ, ໝໍ້ຊ໊ອດປາ ແລະ ເຄື່ອງນຳໃຊ້ບໍ່ຖືກຕ້ອງອີກຫລາຍລາຍການ

ວັນທີ 29 ເມສາ 2024, ປກສ ແຂວງໄຊສົມບູນ ໄດ້ທຳລາຍອາວຸດປືນທັງໝົດ 220 ກະບອກ, ໃນນັ້ນມີອາວຸດເສິກ 24 ກະບອກ ພ້ອມລູກປືນ 55 ລູກ, ອາວຸດພື້ນເມືອງ 196 ກະບອກ, ເລົາປືນ 25 ເລົາ, ລະເບີດ 3 ໜ່ວຍ, ໝໍ້ຊ໊ອດປາ 8 ໜ່ວຍ, ໝໍ້ໄຟ 2 ໜ່ວຍ.

ອາວຸດ ແລະ ເຄື່ອງຕ້ອງຫ້າມທີ່ນຳໃຊ້ບໍ່ຖືກຕ້ອງຕາມລະບຽບກົດໝາຍເຫລົ່ານີ້ເຈົ້າໜ້າທີ່ສາມາດເກັບກູ້ມາໄດ້ຈາກ ການປະຕິບັດຕາມຄຳສັ່ງຂອງກະຊວງປ້ອງກັນຄວາມສະຫງົບວ່າດ້ວຍການຮີບໂຮມຂຶ້ນບັນຊີຄຸ້ມຄອງອາວຸດເສິກ ແລະ ຕາມຄຳສັ່ງເພີ່ມເຕີມຂອງຄະນະກຳມະການ ປກຊ-ປກສ ແຂວງໄຊສົມບູນ ວ່າດ້ວຍການເລີກຮື້ສະນຳໄຮ່, ຄັງລ້ຽງສັດຂອງປະຊາຊົນຢູ່ເຂດຫລໍ່ແຫລມຫ່າງໄກສອກຫລີກ, ເລີກຮື້ອາວຸດເຖື່ອນ, ປືນແກັບ, ປືນປໍ້, ໝໍ້ຊ໊ອດປາ, ທາດແຕກ, ທາດລະເບີດ, ການເຄື່ອນໄຫວອື່ນໆ ທີ່ພົວພັນເຖິງຄວາມບໍ່ສະຫງົບ, ບໍ່ຖືກຕ້ອງຕາມລະບຽບກົດໝາຍ.

ເຈົ້າໜ້າທີ່ ປກສ ແຂວງໄຊສົມບູນ ຈຶ່ງໄດ້ຢຶດ ແລະ ຮີບໂຮມອາວຸດລ່າເນື້ອ ແລະ ເຄື່ອງຜິດກົດໝາຍດັ່ງກ່າວມອບໃຫ້ພາກສ່ວນທີ່ກ່ຽວ ຂ້ອງນຳໄປທຳລາຍຖິ້ມ, ທັງນີ້ກໍເພື່ອຮັບປະກັນໄດ້ຄວາມສະຫງົບປອດໄພໃນການດຳລົງຊີວິດຂອງ ປະຊາຊົນບັນດາເຜົ່າ ແລະ ເປັນການປົກປັກຮັກສາ ອານຸລັກສັດນ້ຳ-ສັດປ່ານາໆພັນໃຫ້ຢູ່ຄູ່ກັບທຳມະຊາດຕະຫລອດໄປ.

- 5 - ປກສ ແຂວງໄຊສົມບູນ ທຳລາຍອາວຸດເຖື່ອນ 220 ກະບອກ, ໝໍ້ຊ໊ອດປາ ແລະ ເຄື່ອງນຳໃຊ້ບໍ່ຖືກຕ້ອງອີກຫລາຍລາຍການ
- 3 - ປກສ ແຂວງໄຊສົມບູນ ທຳລາຍອາວຸດເຖື່ອນ 220 ກະບອກ, ໝໍ້ຊ໊ອດປາ ແລະ ເຄື່ອງນຳໃຊ້ບໍ່ຖືກຕ້ອງອີກຫລາຍລາຍການ
- 4 - ປກສ ແຂວງໄຊສົມບູນ ທຳລາຍອາວຸດເຖື່ອນ 220 ກະບອກ, ໝໍ້ຊ໊ອດປາ ແລະ ເຄື່ອງນຳໃຊ້ບໍ່ຖືກຕ້ອງອີກຫລາຍລາຍການ