ອິດສະລາແອນກຽມສ້າງນິຄົມໃໝ່ ໃກ້ເຂດອະນຸລັກຢູເນສໂກ

- srmx9c51 - ອິດສະລາແອນກຽມສ້າງນິຄົມໃໝ່ ໃກ້ເຂດອະນຸລັກຢູເນສໂກ
- Untitled design - ອິດສະລາແອນກຽມສ້າງນິຄົມໃໝ່ ໃກ້ເຂດອະນຸລັກຢູເນສໂກ

ລັດຖະບານ​ອິດສະ​ລາ​ແອນ​ອະນຸມັດ​ໂຄງການ​ກໍ່ສ້າງ​ນິຄົມ​ໃໝ່ ​ໃນ​ພື້ນທີ່​ຂອງ​ເມືອງ​ເຮ​ບຣອນ ​ໃນ​ເຂດ​ເວສ​ແບ​ງ​ເປັນ​ເທື່ອ​ທຳ​ອິດ​ໃນ​ຮອບ 15 ປີ ​ແລະ ​ໃກ້​ກັບ​ບໍລິ​ເວນ​ເມືອງ​ເກົ່າ​ທີ່ຢູ​ເນສ​ໂກ​ປະກາດ​ໃຫ້​ເປັນ​ມໍລະດົກ​ໂລກໃນ​ກາງ​ປີ​ນີ້.

- Wave100S AD to Website 2020 0 - ອິດສະລາແອນກຽມສ້າງນິຄົມໃໝ່ ໃກ້ເຂດອະນຸລັກຢູເນສໂກ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຢຣູຊາ​ເລ​ມ ປະ​ເທດ​ອິດສະ​ລາ​ແອນ ​​ໃນ​ວັນ​ທີ 17 ຕຸລາ​ວ່າ: ຄະນະ​ລັດຖະບານ​ອິດສະ​ລາ​ແອນ​ມີ​ມະຕິ​ຢູ່​ກອງ​ປະຊຸມ​ໃນ​ວັນ​ທີ 16 ຕຸລາ ອະນຸມັດ​​ໂຄງການ​ກໍ່ສ້າງ​ນິຄົມ​ບ່ອນຢູ່​ອາ​ໄສ 31 ​ແຫ່ງ ຢູ່​ເມືອງ​ເຮ​ບຣອນ ​ເຊິ່ງ​ເປັນ​ເມືອງ​ໃຫຍ່​ທີ່​ສຸດ​ຂອງ​ປາ​ແລັສຕິນ ​ແລະ ຕັ້ງຢູ່​ທາງ​ຕອນ​ໃຕ້​ຂອງ​ເຂດ​ເວສ​ແບ​ງ. ຖື​ເປັນ​ໂຄງການ​ກໍ່ສ້າງ​ນິຄົມ​ແຫ່ງ​ໃໝ່​ຂອງ​ອິດສະ​ລາ​ແອນ​ຢູ່​ເມືອງ​ເຮ​ບຣອນ​ເປັນ​ເທື່ອ​ທຳ​ອິດ ນັບ​ແຕ່​ປີ 2002 ​ໂດຍ​ປັດຈຸບັນ​ມີ​ພົນລະ​ເມືອງ​ຊາວ​ຢິວປະມານ 1.000 ຄົນ​ອາ​ໄສ​ຢູ່​ເຂດ​ໃຈກາງ​ເມືອງ​ເຮ​ບຣອນ ທີ່​ພົນລະ​ເມືອງ​ສ່ວນ​ຫລາຍ​ຫລາຍ​ກວ່າ 200.000 ຄົນ​ເປັນ​ຊາວ​ປາ​ແລັສຕິນ ທ່າມກາງ​ມາດ​ຕະການ​ຮັກສາ​ຄວາມ​ປອດ​ໄພ​ຂັ້ນສູງ​ສຸດ​ຈາກ​ໜ່ວຍ​ງານ​ດ້ານ​ຄວາມ​ໝັ້ນຄົງ​ຂອງ​ອິດສະ​ລາ​ແອນ, ​ແຕ່​ລັດຖະບານ​ປາ​ແລັສຕິນມີ​ອຳນາດ​ປົກຄອງ​ພື້ນທີ່​ປະມານ 80% ຂອງ​ເມືອງ​ເຮ​ບຣອນ.

ສື່​ຫລາຍ​ແຫ່ງ​ຂອງ​ອິດສະ​ລາ​ແອນ​ລາຍ​ງານ​ວ່າ: ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ອະ​ນຸມັດ​ໂຄງການ​ກໍ່ສ້າງ​ນິຄົມ​ຊາວ​ຢິວ​ແຫ່ງ​ໃໝ່​ຢູ່​ເມືອງ​ເຮ​ບຣອນ ຄື​ການ​ຕອບ​ໂຕ້​ມະຕິ​ຂອງ​ຢູ​ເນສ​ໂກ​ທີ່​ຮັບຮອງ​ມັດສະ​ຢິດອິບຣາຮິມ ​ແລະ ​ເຂດ​ເມືອງ​ເກົ່າ ອັດ​ກາ​ລິວ​ໃຫ້​ເປັນ​ມໍລະດົກ​ໂລກ ​ເຖິງ​ລະ​ເມີດ​ມາດຕາ 49 ຂອງ​ອະນຸ​ສັນຍາ​ເຈ​ນີວາ. ນອກຈາກ​ນີ້ ອິດສະ​ລາ​ແອນ​ປະກາດ​ໃນ​ອາທິດ​ຜ່ານ​ມາວ່າ: ກຽມ​ລາ​ອອກ​ຈາກ​ການ​ເປັນ​ສະມາຊິກ​ຢູ​ເນສ​ໂກ​ຕາມ​ອາ​ເມ​ລິ​ກາ.

- WhatsApp Image 2020 05 27 at 5 - ອິດສະລາແອນກຽມສ້າງນິຄົມໃໝ່ ໃກ້ເຂດອະນຸລັກຢູເນສໂກ
- WhatsApp Image 2020 05 27 at 5 - ອິດສະລາແອນກຽມສ້າງນິຄົມໃໝ່ ໃກ້ເຂດອະນຸລັກຢູເນສໂກ
error: Alert: ເນື້ອຫາຂ່າວມີລິຂະສິດ !!