ບັງກະລາແດັດຜະເຊີນຄື້ນຄວາມຮ້ອນຮຸນແຮງ ອຸນຫະພູມເພີ່ມສູງໃນຮອບ 35 ປີ

- image - ບັງກະລາແດັດຜະເຊີນຄື້ນຄວາມຮ້ອນຮຸນແຮງ ອຸນຫະພູມເພີ່ມສູງໃນຮອບ 35 ປີ
- kitchen vibe - ບັງກະລາແດັດຜະເຊີນຄື້ນຄວາມຮ້ອນຮຸນແຮງ ອຸນຫະພູມເພີ່ມສູງໃນຮອບ 35 ປີ

     ກົມອຸຕຸນິຍົມວິທະຍາຂອງບັງກະລາແດັດ ເປີດເຜີຍວ່າ: ບັງກະລາແດັດຜະເຊີນອຸນຫະພູມສູງສຸດເປັນປະຫວັດສາດໃນປີນີ້ ເນື່ອງຈາກຄື້ນຄວາມຮ້ອນທີ່ແຜ່ປົກຄຸມພື້ນທີ່ສ່ວນໃຫຍ່ຂອງປະເທດ ໂດຍອຸນຫະພູມໃນເຂດເຈສໂຊເຣທາງຕາເວັນຕົກສຽງໃຕ້ເພີ່ມຂຶ້ນເປັນ 43,8 ອົງສາ ໃນວັນທີ 30 ເມສາ ສູງສຸດນັບແຕ່ປີ 1989.

     ຂໍ້ມູນຈາກກົມອຸຕຸນິຍົມວິທະຍາ ລະບຸວ່າ: ອຸນຫະພູມຢູ່ນະຄອນຫລວງທາກາເພີ່ມຂຶ້ນເປັນ 40,5 ອົງສາ ເປັນວັນທີສອງຕິດຕໍ່ກັນໃນວັນທີ 30 ເມສາ ໂດຍກ່ອນໜ້ານີ້ ທາກາບັນທຶກອຸນຫະພູມສູງ 40,6 ອົງສາ ໃນວັນທີ 16 ເມສາປີຜ່ານມາ ເຊິ່ງສູງທີ່ສຸດໃນຮອບ 58 ປີ.

      ວັນທີ 30 ເມສາ, ລັດຖະບານຢືນຢັນວ່າ: ປະຊາຊົນຢ່າງໜ້ອຍ 10 ຄົນ ໄດ້ແກ່ ຜູ້ຊາຍ 8 ຄົນ ແລະ ຜູ້ຍິງ 2 ຄົນ ເສຍຊີວິດຈາກສະພາບອາກາດຮ້ອນຢູ່ບັງກະລາແດັດໃນໄລຍະໜຶ່ງອາທິດ. ພ້ອມເນັ້ນເຖິງຜົນກະທົບຈາກສະພາບອາກາດຮ້ອນທີ່ເກີດຂຶ້ນຢ່າງຕໍ່ເນື່ອງ.

     ບັງກະລາແດັດຜະເຊີນໜຶ່ງໃນສະພາບຄື້ນຄວາມຮ້ອນຮຸນແຮງທີ່ສຸດໃນໄລຍະຜ່ານມາ ແລະ ມີຄໍາສັ່ງປິດໂຮງຮຽນລະດັບຊັ້ນປະຖົມ ແລະ ມັດທະຍົມຈົນຮອດວັນທີ 2 ພຶດສະພາ.

- 4 - ບັງກະລາແດັດຜະເຊີນຄື້ນຄວາມຮ້ອນຮຸນແຮງ ອຸນຫະພູມເພີ່ມສູງໃນຮອບ 35 ປີ
- 5 - ບັງກະລາແດັດຜະເຊີນຄື້ນຄວາມຮ້ອນຮຸນແຮງ ອຸນຫະພູມເພີ່ມສູງໃນຮອບ 35 ປີ
- 3 - ບັງກະລາແດັດຜະເຊີນຄື້ນຄວາມຮ້ອນຮຸນແຮງ ອຸນຫະພູມເພີ່ມສູງໃນຮອບ 35 ປີ