ເບຣຊິນຜະເຊີນອຸທົກກະໄພຄັ້ງໃຫຍ່ສຸດໃນຮອບ 80 ປີ ເສຍຊີວິດ-ສູນຫາຍກວ່າ 100 ຄົນ

- 66351469a396b - ເບຣຊິນຜະເຊີນອຸທົກກະໄພຄັ້ງໃຫຍ່ສຸດໃນຮອບ 80 ປີ ເສຍຊີວິດ-ສູນຫາຍກວ່າ 100 ຄົນ
- kitchen vibe - ເບຣຊິນຜະເຊີນອຸທົກກະໄພຄັ້ງໃຫຍ່ສຸດໃນຮອບ 80 ປີ ເສຍຊີວິດ-ສູນຫາຍກວ່າ 100 ຄົນ

     ຝົນທີ່ຕົກໜັກໃນລັດຣີໂອກຣັນດີໂດຊູລ ທາງຕອນໃຕ້ຂອງເບຣຊິນ ສົ່ງຜົນເຮັດໃຫ້ເກີດນໍ້າຖ້ວມຢູ່ຫລາຍເມືອງຄັ້ງຮຸນແຮງທີ່ສຸດນັບແຕ່ປີ 1941 ແລະ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 37 ຄົນ, ສູນຫາຍ 74 ຄົນ. ຂະນະທີ່ປະຊາຊົນຫລາຍກວ່າ 2,3 ໝື່ນຄົນຕ້ອງອົບພະຍົບປະຖິ້ມບ້ານເຮືອນ.

     ອຸທົກກະໄພຄັ້ງນີ້ຖືເປັນຄັ້ງທີ 4 ຂອງເບຣຊິນໃນໄລຍະ 1 ປີຜ່ານມາ ໂດຍກ່ອນໜ້ານີ້ເກີດນໍ້າຖ້ວມໜັກໃນເດືອນກໍລະກົດ, ກັນຍາ ແລະ ພະຈິກປີຜ່ານມາ ມີຜູ້ເສຍຊີວິດຫລາຍກວ່າ 75 ຄົນ.

- Visit Laos Visit SALANA BOUTIQUE HOTEL - ເບຣຊິນຜະເຊີນອຸທົກກະໄພຄັ້ງໃຫຍ່ສຸດໃນຮອບ 80 ປີ ເສຍຊີວິດ-ສູນຫາຍກວ່າ 100 ຄົນ

     ໜ່ວຍງານທໍລະນີວິທະຍາຂອງເບຣຊິນລະບຸວ່າ: ຢູ່ບາງເມືອງລະດັບນໍ້າຖ້ວມສູງສຸດນັບແຕ່ມີການບັນທຶກເມື່ອເກືອບ 150 ປີກ່ອນ.

     ກະແສນໍ້າຖ້ວມຍັງໄດ້ທໍາລາຍຂົວ ແລະ ມີລາຍງານເຂື່ອນຢູ່ໂຮງໄຟຟ້າພະລັງນໍ້າແຫ່ງໜຶ່ງໃກ້ເມືອງເບນໂຕ, ກອນຊາລເວສ ເປ່ເພບາງສ່ວນ. ຂະນະທີ່ລະບົບໄຟຟ້າ, ນໍ້າປະປາ, ໂທລະສັບ ແລະ ອິນເຕີເນັດທົ່ວລັດຖືກຕັດຂາດ.

     ໂດຍຫລ້າສຸດທາງການໄດ້ລະດົມກໍາລັງເຈົ້າໜ້າທີ່ກູ້ໄພ ພ້ອມເຮລິກົບແຕເລັ່ງຄົ້ນຫາ ແລະ ຊ່ວຍເຫລືອຜູ້ປະສົບໄພແລ້ວ ເຊິ່ງປະຊາຊົນຈໍານວນຫລາຍຕ້ອງລໍຖ້າການຊ່ວຍເຫລືອຢູ່ເທິງຫລັງຄາເຮືອນ.

     ກົມອຸຕຸນິຍົມວິທະຍາຂອງເບຣຊິນຄາດຄະເນວ່າ: ຝົນທີ່ເລີ່ມຕົກນັບແຕ່ຕົ້ນອາທິດ ຈະຕົກຕໍ່ເນື່ອງຢ່າງໜ້ອຍຈົນຮອດວັນທີ 4 ພຶດສະພາ ໂດຍທາງການໄດ້ແຈ້ງເຕືອນປະຊາຊົນໃຫ້ກຽມພ້ອມຮັບມືສະຖານະການນໍ້າຖ້ວມທີ່ອາດຮຸນແຮງຂຶ້ນ.

     ສະພາບອາກາດທົ່ວອາເມລິກາໃຕ້ໄດ້ຮັບຜົນກະທົບຈາກປາກົດການເອລນີໂຢ ເຊິ່ງເຮັດໃຫ້ຜິວນໍ້າທະເລຢູ່ເຂດເສັ້ນສູນສູດຂອງປາຊີຟິກອຸ່ນຂຶ້ນ.

     ຂະນະທີ່ເບຣຊິນຜະເຊີນປາກົດການເອລນີໂຢໃນຫລາຍປີຜ່ານມາ ເຊິ່ງສົ່ງຜົນເຮັດໃຫ້ເກີດໄພແຫ້ງແລ້ງໃນເຂດພາກເໜືອ ແລະ ຝົນຕົກໜັກຢູ່ພາກໃຕ້.

ອ້າງອີງ:

- 5 - ເບຣຊິນຜະເຊີນອຸທົກກະໄພຄັ້ງໃຫຍ່ສຸດໃນຮອບ 80 ປີ ເສຍຊີວິດ-ສູນຫາຍກວ່າ 100 ຄົນ
- 3 - ເບຣຊິນຜະເຊີນອຸທົກກະໄພຄັ້ງໃຫຍ່ສຸດໃນຮອບ 80 ປີ ເສຍຊີວິດ-ສູນຫາຍກວ່າ 100 ຄົນ
- 4 - ເບຣຊິນຜະເຊີນອຸທົກກະໄພຄັ້ງໃຫຍ່ສຸດໃນຮອບ 80 ປີ ເສຍຊີວິດ-ສູນຫາຍກວ່າ 100 ຄົນ