ສໍາມະນາການປະຕິບັດວິທະຍາສາດ ວິໄສທັດ ແລະ ຍຸດທະສາດ ການພັດທະນາແຮ່ທາດ

- 4413 - ສໍາມະນາການປະຕິບັດວິທະຍາສາດ ວິໄສທັດ ແລະ ຍຸດທະສາດ ການພັດທະນາແຮ່ທາດ
- kitchen vibe - ສໍາມະນາການປະຕິບັດວິທະຍາສາດ ວິໄສທັດ ແລະ ຍຸດທະສາດ ການພັດທະນາແຮ່ທາດ

ວັນທີ 3 ພຶດສະພາ 2024, ກະຊວງພະລັງງານ ແລະ ບໍ່ແຮ່ (ພບ) ຈັດປະຊຸມສໍາມະນາວິທະຍາສາດ ການຈັດຕັ້ງປະຕິບັດວິໄສທັດ ແລະ ຍຸດທະສາດການພັດທະນາແຮ່ທາດ, ໂດຍການເຂົ້າຮ່ວມຂອງທ່ານ ສົມມາດ ພົນເສນາ ຮອງປະທານສະພາແຫ່ງຊາດ. ເພື່ອຮັບຟັງການລາຍງານກ່ຽວກັບສະພາບການຈັດຕັ້ງປະຕິບັດວຽກງານບໍ່ແຮ່, ວຽກງານທໍລະນີສາດ ແລະ ການຜັນຂະຫຍາຍວິໄສທັດ ແລະ ຍຸດທະສາດການພັດທະນາແຮ່ທາດ, ການຄຸ້ມຄອງໂຄງການຂຸດຄົ້ນ ແລະ ປຸງແຕ່ງແຮ່ຫາຍາກ (ຮູບແບບທົດລອງ) ລວມທັງການສ້າງຄວາມເຂັ້ມແຂງຮອບດ້ານໃຫ້ແກ່ລັດວິສາຫະກິດພັດທະນາແຮ່ທາດລາວ.

ໃນພິທີ, ທ່ານ ສົມມາດ ພົນເສນາ ກ່າວວ່າ: ຜ່ານມາລັດຖະບານໄດ້ມີນະໂຍບາຍກ່ຽວກັບວຽກງານງານແຮ່ທາດ ໂດຍສະເພາະນະໂຍບາຍດຳເນີນການຂຸດຄົ້ນ, ປຸງແຕ່ງ, ສົ່ງອອກ ແຮ່ທາດໃນຮູບແບບທົດລອງ ຕາມຂໍ້ຕົກລົງສະບັບເລກທີ 61/ນຍ, ລົງວັນມີ 21 ມິຖຸນາ 2021 ເພື່ອແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ສະພາແຫ່ງຊາດ ກໍໄດ້ມີມະຕິຂອງກອງປະຊຸມສະພາແຫ່ງຊາດ ສະບັບເລກທີ 95/ສພຊ, ລົງວັນທີ 18 ກໍລະ ກົດ 2023 ວ່າດ້ວຍການຮັບຮອງວິໄສທັດຮອດປີ 2020 ແລະ ຍຸດທະສາດການພັດທະນາແຮ່ທາດ ຮອດປີ 2030 ຂອງລັດ ຖະບານ. ຜ່ານການຈັດຕັ້ງປະຕິບັດຕົວຈິງ ເຫັນວ່າມີທັງຂໍ້ສະ ດວກ ແລະ ກໍຍັງມີບາງດ້ານທີ່ທ້າທາຍ.

ເພື່ອເປັນການທົບທວນ, ຖອດຖອນບົດຮຽນ ກ່ຽວກັບດ້ານດີ, ດ້ານອ່ອນ, ຂໍ້ຄົງຄ້າງ ແລະ ຊອກວິທີການແກ້ໄຂຮ່ວມກັນຢ່າງມີປະສິດທິຜົນສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດ ໃນແຕ່ລະໄລຍະ, ຮັບປະກັນການນຳໃຊ້ຊັບພະຍາກອນແຮ່ທາດທີ່ມີຢູ່ຢ່າງຍາວນານ ແລະ ສ້າງຜົນປະໂຫຍດສູງສຸດ ໃຫ້ແກ່ປະເທດຊາດ ແລະ ເພື່ອເປັນການກະກຽມຂໍ້ມູນລາຍງານຕໍ່ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ IX ທີ່ຈະເປີດຂຶ້ນໃນເດືອນມິຖຸນາ 2024 ທີ່ຈະມາເຖິງນີ້.

- 4 - ສໍາມະນາການປະຕິບັດວິທະຍາສາດ ວິໄສທັດ ແລະ ຍຸດທະສາດ ການພັດທະນາແຮ່ທາດ
- 5 - ສໍາມະນາການປະຕິບັດວິທະຍາສາດ ວິໄສທັດ ແລະ ຍຸດທະສາດ ການພັດທະນາແຮ່ທາດ
- 3 - ສໍາມະນາການປະຕິບັດວິທະຍາສາດ ວິໄສທັດ ແລະ ຍຸດທະສາດ ການພັດທະນາແຮ່ທາດ