ສະພາບໄຟໄໝ້ປ່າ ເຂດເມືອງບົວລະພາ ໄດ້ດັບມອດລົງ ແລະ ກັບສູ່ສະພາບປົກກະຕິແລ້ວ

- 4409 - ສະພາບໄຟໄໝ້ປ່າ ເຂດເມືອງບົວລະພາ ໄດ້ດັບມອດລົງ ແລະ ກັບສູ່ສະພາບປົກກະຕິແລ້ວ
- kitchen vibe - ສະພາບໄຟໄໝ້ປ່າ ເຂດເມືອງບົວລະພາ ໄດ້ດັບມອດລົງ ແລະ ກັບສູ່ສະພາບປົກກະຕິແລ້ວ

ວັນທີ 30 ເມສາ ຫາ 3 ພຶດສະພາ 2024, ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ພ້ອມດ້ວຍບັນດາການນຳຂັ້ນແຂວງ ແລະ ພະແນກການກ່ຽວຂ້ອງໄດ້ຮີບຮ້ອນລົງເຄື່ອນໄຫວຊຸກຍູ້, ປຸກລະດົມ ອຳນາດການປົກຄອງຂັ້ນເມືອງ, ການຈັດຕັ້ງບ້ານ ແລະ ປະຊາຊົນ ໃນເຂດທີ່ເກີດມີໄຟໄໝ້ປ່າ ໂດຍສະເພາະໃນເຂດເມືອງບົວລະພາ ຈຸດບໍລິເວນອຸທິຍານແຫ່ງຊາດ ຫີນໜາມໜໍ່ ກໍໄດ້ເກີດມີໄຟໄໝ້ລາມປ່າເປັນບາງຈຸດ ໃນໄລຍະ 3-4 ວັນທີ່ຜ່ານມາ ເພື່ອລະດົມທຸກພາກສ່ວນ ແລະ ທຸກກຳລັງ ພ້ອມກັນມອດໄຟ ເພື່ອບໍ່ໃຫ້ມີການໄໝ້ລາມອອກເປັນບໍລິເວນກວ້າງ ພ້ອມທັງໄດ້ປະສານສົມທົບກັບກຳລັງທະຫານອາກາດ ກະຊວງປ້ອງກັນປະເທດ ນຳໃຊ້ເຮືອບິນ ຂຶ້ນບິນມອດໄຟ ແລະ ສຳຫລວດເນື້ອທີ່ປ່າໄມ້ໃນເຂດດັ່ງກ່າວ ເພື່ອຊອກຫາວິທີປ້ອງກັນ ແລະ ດ້ວຍຄວາມເປັນຫ່ວງເປັນໃຍຕໍ່ການດຳລົງຊີວິດ ການເປັນຢູ່ຂອງປະຊາຊົນ ໂດຍສະເພາະໃນໄລຍະລະດູແລ້ງນີ້ ອາກາດມີຄວາມຮ້ອນອົບເອົ້າ ເປັນຕົ້ນເຫດເຮັດໃຫ້ເກີດໄຟໄໝ້ລາມປ່າໄດ້ງ່າຍ ຊຶ່ງມາຮອດປັດຈຸບັນສະພາບໄຟໄໝ້ປ່າໃນເຂດດັ່ງກ່າວແມ່ນໄດ້ມອດລົງ ແລະ ກັບສູ່ສະພາບປົກກະຕິແລ້ວ.

ໂອກາດນີ້, ທ່ານເຈົ້າແຂວງຄຳມ່ວນ ໄດ້ເນັ້ນໃຫ້ທຸກພາກສ່ວນໃນທົ່ວສັງຄົມ ໃຫ້ພ້ອມກັນມີສ່ວນຮ່ວມ ແລະ ມີສະຕິໃນການເຝົ້າລະວັງ ສະກັດກັ້ນບັນຫາໄຟລາມປ່າ ທີ່ອາດຈະເກີດຂຶ້ນໃນທຸກເວລາ, ພ້ອມກັນເອົາໃຈໃສ່ປະຕິບັດລະບຽບກົດໝາຍຢ່າງເຄັ່ງຄັດ ໂດຍສະເພາະຄໍາສັ່ງເລກທີ 11 ຂອງທ່ານນາຍົກລັດຖະມົນຕີ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ, ປົກປັກຮັກສາ, ພັດທະນາ ແລະ ນໍາໃຊ້ປ່າໄມ້, ຕ້ານ ແລະ ສະກັດກັ້ນໃນການບຸກລຸກທຳລາຍປ່າໄມ້, ທີ່ດິນປ່າໄມ້ ແລະ ໄຟໄໝ້ລາມປ່າ ແລະ ແຈ້ງການເລກທີ 286 ຂອງແຂວງຄຳມ່ວນ ເລື່ອງການເພີ່ມທະວີຄວາມເອົາໃຈໃສ່ໃນການຕິດຕາມ ເຝົ້າລະວັງ, ສະກັດກັ້ນ ແລະ ແກ້ໄຂບັນຫາອັກຄີໄພ ແລະ ໄຟໄໝ້ລາມປ່າ ພາຍໃນແຂວງ ແລະ ຄຳສັ່ງແນະນຳຂອງທ່ານເຈົ້າແຂວງຄຳມ່ວນ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ, ປົກປັກຮັກສາ, ພັດທະນາ ແລະ ນໍາໃຊ້ປ່າໄມ້, ທີ່ດິນປ່າໄມ້, ຕ້ານ ແລະ ສະກັດກັ້ນການບຸກລຸກທຳລາຍປ່າໄມ້, ທີ່ດິນປ່າໄມ້ ແລະ ໄຟໄໝ້ລາມປ່າ ຢູ່ພາຍໃນແຂວງຄຳມ່ວນ. ພ້ອມທັງ ຮຽກຮ້ອງໃຫ້ທຸກພາກສ່ວນ, ທຸກຊັ້ນຄົນໃນທົ່ວສັງຄົມ ຕ້ອງໄດ້ເອົາໃຈໃສ່ ປັກປັກຮັກສາຊັບພະຍາກອນປ່າໄມ້, ທີ່ດິນປ່າໄມ້ໃຫ້ມີຄວາມຍືນຍົງ ແລະ ຊີ້ນໍາໃຫ້ພາກສ່ວນກ່ຽວຂ້ອງຕ້ອງໄດ້ນໍາໃຊ້ມາດຕະການທາງດ້ານກົດໝາຍໃຫ້ເຂັ້ມງວດຕໍ່ບຸກຄົນ ນິຕິບຸກຄົນທີ່ບຸກລຸກທີ່ດິນປ່າໄມ້ ແລະ ລັກລອບນໍາໃຊ້ຊັບພະຍາກອນປ່າໄມ້ທີ່ບໍ່ຖືກຕາມລະບຽບກົດໝາຍ.

- Visit Laos Visit SALANA BOUTIQUE HOTEL - ສະພາບໄຟໄໝ້ປ່າ ເຂດເມືອງບົວລະພາ ໄດ້ດັບມອດລົງ ແລະ ກັບສູ່ສະພາບປົກກະຕິແລ້ວ
- 4 - ສະພາບໄຟໄໝ້ປ່າ ເຂດເມືອງບົວລະພາ ໄດ້ດັບມອດລົງ ແລະ ກັບສູ່ສະພາບປົກກະຕິແລ້ວ
- 3 - ສະພາບໄຟໄໝ້ປ່າ ເຂດເມືອງບົວລະພາ ໄດ້ດັບມອດລົງ ແລະ ກັບສູ່ສະພາບປົກກະຕິແລ້ວ
- 5 - ສະພາບໄຟໄໝ້ປ່າ ເຂດເມືອງບົວລະພາ ໄດ້ດັບມອດລົງ ແລະ ກັບສູ່ສະພາບປົກກະຕິແລ້ວ