ຄົນລາວຖືກຈັບຢູ່ດ່ານນະຄອນພະນົມປະເທດໄທ ຂໍ້ຫາຂົນສົ່ງຢາບ້າ 2 ແສນເມັດ

ວັນທີ 3 ພຶດສະພາ 2024 ຜ່ານມານີ້ ເຈົ້າໜ້າທີ່ດ່ານສາກົນມິດຕະພາບລາວ-ໄທ ແຫ່ງທີ 3 ຈັງຫວັດນນະຄອນພະນົມ ຈັບຊາຍໄວ 50 ປີ ສັນຊາດລາວ ພ້ອມຂອງກາງຢາເສບຕິດປະເພດຢາບ້າ ຈຳນວນ 200.000 ເມັດ ທີ່ຊຸກເຊື່ອງໃນລຳໂພງເຄື່ອງສຽງຂອງລົດ. ເບື້ອງຕົ້ນເຈົ້າໜ້າທີ່ພົບເຫັນພິລຸດ ຜິດສັງເກດ ຈຶ່ງໄດ້ນຳເອົາລົດຄັນດັ່ງກ່າວເຂົ້າເຄື່ອງສະແກນ ເຫັນວ່າມີສິ່ງຂອງແປກປອມຢູ່ພາຍໃນລຳໂພງ ແລະ ໄດ້ແກະຄົ້ນເບິ່ງຈຶ່ງພົບຢາບ້າຈຳນວນດັ່ງກ່າວ.

ຜູ້ກະທຳຜິດສາລະພາບວ່າ ເປັນການຮັບຈ້າງຂັບລົດໃຫ້ນາຍທຶນ ໂດຍໃຊ້ລົດປ້າຍທະບຽນໄທ ຈັງຫວັດອຸດອນ ນາຍທຶນບອກແຕ່ວ່າໃຫ້ຂັບລົດໄປສົ່ງ ໂດຍບໍ່ໄດ້ບອກວ່າມີຫຍັງຢູ່ໃນລົດ ນຶກວ່າເປັນພຽງຊາກສັດປ່າ ແລະ ຊິ້ນສ່ວນສັດຫວງຫ້າມເທົ່ານັ້ນ ຜ່ານມາຄັ້ງທຳອິດເຄີຍຂັບໄປໄວ້ຈຸດນັດໝາຍ ແລ້ວກໍຈະມີຄົນມາຂັບເອົາໄປ ສ່ວນຕົນເອງກໍໄປເລາະທ່ຽວຖ້າເຖິງເວລາ ແລ້ວກໍຈະຂັບມາສົ່ງຈຸດນັດໝາຍພ້ອມເງິນຄ່າຈ້າງ ແຕ່ເທື່ອກ່ອນລອດມາໄດ້ ນອກວ່າຮອບນີ້ໜ້າຈະບໍ່ມີຫຍັງຜິດ ແຕ່ສຸດທ້າຍກກໍຖືກຈັບ.