UNFPA ເຕືອນບໍ່ແກ້ໄຂຄວາມບໍ່ເທົ່າທຽມ ຈະສົ່ງຜົນຕໍ່ເປົ້າໝາຍການພັດທະນາໂລກ

- 1508314360649 960x0 - UNFPA ເຕືອນບໍ່ແກ້ໄຂຄວາມບໍ່ເທົ່າທຽມ ຈະສົ່ງຜົນຕໍ່ເປົ້າໝາຍການພັດທະນາໂລກ
- Untitled design - UNFPA ເຕືອນບໍ່ແກ້ໄຂຄວາມບໍ່ເທົ່າທຽມ ຈະສົ່ງຜົນຕໍ່ເປົ້າໝາຍການພັດທະນາໂລກ

ລາຍ​ງານ​ສະຖານະ​ການ​ປະຊາກອນ​ໂລກ​ປະຈຳ​ປີ 2017 ຂອງ​ກອງ​ທຶນປະຊາກອນ​ແຫ່ງ​ສະຫະ​ປະຊາ​ຊາດ ຫລື UNFPA ຊີ້​ວ່າ: ຖ້າ​ບໍ່​ມີ​ການ​ແກ້​ໄຂ​ຄວາມ​ບໍ່​ເທົ່າ​ທຽມ​ກັນ​ຢ່າງ​ຮີບ​ດ່ວນ ​ແລະ ສ້າງ​ພະລັງ​ໃຫ້​ແມ່ຍິງ​ສາມາດ​ຕັດສິນ​ໃຈ​​ເລື່ອງ​ຕ່າງໆທີ່​ກ່ຽວ​ກັບ​ຊີວິດ​ຂອງ​ຕົນ​ເອງ​ໄດ້, ປະ​ເທດ​ຕ່າງໆ​ຈະ​ຕ້ອງ​ຜະ​ເຊີນ​ກັບ​ຄວາມ​ບໍ່​ສະຫງົບ ​ແລະ ​ໄພ​ຄຸກ​ຄາມ​ຕໍ່​ສັນຕິພາບ ​ແລະ ​ເປົ້າໝາຍ​ໃນ​ການ​ພັດທະນາ​ປະ​ເທດ.

ລາຍ​ງານ “​ໂລກ​ທີ່​ແຕກ​ແຍກ – ສະຖານະ​ການ​ສິດທິ ​ແລະ ພາວະ​ທາງ​ເພດ​ໃນ​ຍຸກ​ຂອງ​ຄວາມ​ບໍ່​ເທົ່າ​ທຽມ” ຍັງ​ຊີ້​ໃຫ້​ເຫັນ​ວ່າ: ຄ່າ​ໃຊ້​ຈ່າຍ​ທີ່​ເກີດ​ຈາກ​ຄວາມ​ບໍ່​ເທົ່າ​ທຽມ​ກັນ ​ເຊິ່ງລວມທັງ​ເລື່ອງ​ສິດທິ ​ແລະ ພາວະ​ທາງ​ເພດ​ອາດ​ສົ່ງ​ຜົນ​ເຖິງ​ຄ່າ​ໃຊ້​ຈ່າຍ​ທີ່​ຕ້ອງ​ໃຊ້​​ເພື່ອ​ບັນລຸ​ເປົ້າໝາຍ​ຂອງ​ສັງຄົມ​ໂລກ​ໄດ້. ຄວາມ​ຫລົ້ມ​ເຫ​ລວ​ໃນ​ການ​ໃຫ້​ບໍລິການ​ດ້ານ​ອະນາ​ໄມ​ການຈະ​ເລີ​ນພັນ ​ເຊິ່ງລວມທັງ​ການວາງ​ແຜນ​ຄອບຄົວ​ໃຫ້​ແມ່ຍິງ​ຢູ່​ໃນ​ກຸ່ມ​ທຸກ​ຍາກ​ທີ່​ສຸດ ສາມາດ​ສ້າງ​ຈຸດ​ອ່ອນ​ແອ​ໃຫ້​ລະບົບ​ເສດຖະກິດ ​ແລະ ​ເປັນ​ອຸປະສັກ​ຕໍ່ຄວາມ​ຄືບ​ໜ້າ​ໃນ​ການ​ບັນລຸ​ເປົ້າໝາຍ​ທີ 1 ຂອງ​ເປົ້າໝາຍ​ເພ່ືອ​ການ​ພັດທະນາ​​ແບບ​ຍືນ​ຍົງ ຄື​ການ​ກຳຈັດ​ຄວາມທຸກ​ຍາກ​ໃຫ້​ໝົດ​ໄປ​ຈາກ​ໂລກ​ນີ້.

ລາຍ​ງານ​ຍັງ​ລະບຸ​ວ່າ: ບໍລິການ​ການວາງ​ແຜນ​ຄອບຄົວ​ທີ່​ມີ​ຢູ່​ຢ່າງ​ຈຳກັດ ສົ່ງ​ຜົນ​ໃຫ້​ມີ​ການ​ຖືພາ​ທີ່​ບໍ່​ໄດ້​ຕັ້ງ​​ໃຈ​ເຖິງ 89 ລ້ານ​ຄັ້ງ ​ແລະ ມີ​ການ​ເອົາ​ລູກ​ອອກ​ເຖິງ 48 ລ້ານ​ຄັ້ງ ​ໃນ​ປະ​ເທດ​ທີ່​ກຳລັງ​ພັດທະນາ ​ເຊິ່ງບໍ່​ພຽງ​ແຕ່​ສົ່ງ​ຜົນ​ຕໍ່​ສຸຂະພາບ​ຂອງ​ແມ່ຍິງ, ​ແຕ່​ຍັງ​ຈຳກັດ​ຄວາມ​ສາມາດ​ຂອງ​ແມ່ຍິງ​ໃນ​ການ​ຮ່ວມ ຫລື ຢູ່​ໃນ​ຕະຫລາດ​ແຮງ​ງານ​ທີ່​ໄດ້​ຮັບ​ຄ່າ​ຈ້າງ​ຕອບ​ແທນ ​ແລະ ກ້າວ​ຕໍ່​ໄປ​ສູ່​ອິດສະຫລະ​ທາງ​ການ​ເງິນນຳ​ອີກ.

- Wave100S AD to Website 2020 0 - UNFPA ເຕືອນບໍ່ແກ້ໄຂຄວາມບໍ່ເທົ່າທຽມ ຈະສົ່ງຜົນຕໍ່ເປົ້າໝາຍການພັດທະນາໂລກ

ລາຍ​ງານ​ສະບັບ​ນີ້​ຍັງ​ແນະນຳ​ໃຫ້​​ເນັ້ນຊ່ວຍ​ເຫລືອ​ຄົນ​ເຫລົ່າ​ນີ້ ​ເຊິ່ງສອດຄ່ອງ​ກັບ​ແຜນ​ຫລັກ​ຂອງ​ສະຫະ​ປະຊາ​ຊາດ​ທີ່​ມຸ່ງ​ບັນລຸ​ການ​ພັດທະນາ​ແບບ​ຍືນ​ຍົງ ​ແລະ ສັງຄົມ​ທີ່​ມີ​ພື້ນທີ່​ສຳລັບ​ທຸກ​ຄົນ​ໃຫ້​ໄດ້​ພາຍ​ໃນ​ປີ 2030. ທັງ​ນີ້ ວາລະ​ພັດທະນາ​ແບບ​ຍືນ​ຍົງ​ພາຍ​ໃນ​ປີ 2030 ມີ​ເປົ້າໝາຍ​ສູ່ “ອະນາຄົດ​ທີ່​ດີ” ອະນາຄົດ​ທີ່​ເຮົາ​ທຸກ​ຄົນ​ຊ່ວຍ​ກັນ​ແກ້​ໄຂ​ອຸປະສັກ​ຕ່າງໆ. ດັ່ງນັ້ນ ພວກ​ເຮົາ​ຈຳ​ເປັນ​ຕ້ອງ​ມີ​ເປົ້າໝາຍ​ທີ່​ຈະ​ຫລຸດ​ຄວາມ​ບໍ່​ເທົ່າ​ທຽມ​ກັນ​ໃນ​ທຸກ​ດ້ານ ​ແລະ ສິ່ງ​ທີ່​ຈະ​ຊ່ວຍ​ຫລຸດ​ຄວາມ​ບໍ່​ເທົ່າ​ທຽມ​ກັນ​ໄດ້ ຄື​ການ​ເຮັດ​ໃຫ້​ສິດທິ​ອະນາ​ໄມ​ການຈະ​ເລີ​ນພັນ​ຂອງ​ແມ່ຍິງ​ເກີດ​ຂຶ້ນ.

- WhatsApp Image 2020 05 27 at 5 - UNFPA ເຕືອນບໍ່ແກ້ໄຂຄວາມບໍ່ເທົ່າທຽມ ຈະສົ່ງຜົນຕໍ່ເປົ້າໝາຍການພັດທະນາໂລກ
- WhatsApp Image 2020 05 27 at 5 - UNFPA ເຕືອນບໍ່ແກ້ໄຂຄວາມບໍ່ເທົ່າທຽມ ຈະສົ່ງຜົນຕໍ່ເປົ້າໝາຍການພັດທະນາໂລກ
error: Alert: ເນື້ອຫາຂ່າວມີລິຂະສິດ !!