ສະຫະລັດອາເມລິກາກຳລັງພິຈາລະນາວ່າ ຈະຍົກຫວຽດນາມຂຶ້ນເປັນ “ເສດຖະກິດຕະຫລາດ” ໄດ້ຫລືບໍ່
May 9, 2024 - 4:45 PM
ສຳນັກຂ່າວ ຣອຍເຕີ(Reuters) ລາຍງານວ່າ: ສະຫະລັດອາເມລິກາກຳລັງພິຈາລະນາວ່າຈະຍົກຫວຽດນາມຂຶ້ນເປັນປະເທດ “ເສດຖະກິດຕະຫລາດ” ໄດ້ຫລືບໍ່.
ທ່ານ Ted Osius ປະທານສະພາທຸລະກິດ ສະຫະລັດອາເມລິກາ-ອາຊຽນ ກ່າວວ່າ: ປັດຈຸບັນ ຫວຽດນາມໄດ້ກາຍເປັນປະເທດ “ເສດຖະກິດຕະຫລາດແລ້ວ”. ສະມາຄົມທຸລະກິດອາເມລິກາ ພ້ອມທີ່ຈະສະໜັບສະໜູນຫວຽດນາມເປັນປະເທດ “ເສດຖະກິດຕະຫລາດ” ທຸກເມື່ອ.
ທ່ານກ່າວອີກວ່າ: “ຫວຽດນາມສາມາດຕອບສະໜອງໄດ້ມາດຕະຖານຄວາມອາດສາມາດໃນອັດຕາແລກປ່ຽນເງິນຕາກັບເງິນດົງ ແລະ ພ້ອມທີ່ຈະພີຈາລະນາຢ່າງຊັດເຈນ”. ຄາດວ່າການພິຈາລະນາຈະສິ້ນສຸດລົງໃນເດືອນກໍລະກົດປີນີ້.
