ເຮັດບຸນສິນກິນທານໃຫ້ສອດຄ່ອງ

- Untitled design - ເຮັດບຸນສິນກິນທານໃຫ້ສອດຄ່ອງ

- Untitled 1 1 275x300 - ເຮັດບຸນສິນກິນທານໃຫ້ສອດຄ່ອງ     ສະບາຍດີ, ດັ່ງພວກເຮົາຮັບຮູ້ນຳກັນແລ້ວວ່າ: ປະເທດເຮົາເປັນຊາດໜຶ່ງທີ່ມີບຸນສິນກິນທານຢ່າງຫລາກ ຫລາຍ ແລະ ມີຄວາມອຸດົມສົມບູນໃນຮີດ 12 ຄອງ 14 ທີ່ໄດ້ສືບທອດກັນມາແຕ່ບູຮານນະການ ອັນເປັນທີ່ເອກ ອ້າງວ່າເປັນຊາດທີ່ມີວັດທະນະທຳ ແລະ ຮີດຄອງປະເພນີອັນດີງາມ ເຊິ່ງໃຜໆກໍຍົກຍ້ອງ.

ແຕ່ມາຮອດປັດຈຸບັນ ການເຮັດບຸນສິນດັ່ງກ່າວມີບາງອັນໄດ້ຄ່ອຍໆປ່ຽນໄປໃນລັກສະນການສວຍໂອກາດສ້າງ ລາຍຮັບຫຼາຍຂຶ້ນ ແລະ ມີລັກສະນະອ້າງດີອ້າງເດັ່ນຕໍ່ກັນ ຄືງານດອງໃນປັດຈຸບັນກໍໜັກໄປແຂ່ງຂັນກັນຈັດຂຶ້ນໃນ ບ່ອນຫລູຫລາໂຮງແຮມໃຫຍ່, ພັດຕະຄານໂຕບ່ອນໃດກໍເຊີນແຂກນັບຮ້ອຍ, ນັບພັນເຂົ້າຮ່ວມ ເບິ່ງແລ້ວຄືເປັນ ການສວຍໂອ ກາດ. ຖ້າງານໝັ້ນ, ງານດອງຂອງຜູ້ມີຖານະແດ່ກໍຈົນເກືອບຈະບໍ່ມີບ່ອນຈອດລົດ ຈົນໄດ້ໃຊ້ເຈົ້າ ໜ້າທີ່ອັດຖະໜົນຫົນທາງກໍມີ ແລະ ຕໍ່າລົງມາກໍແມ່ນເຮັດບຸນບ້ານບຸນເຮືອນກໍມີລັກສະນະຄືກັນ ເບິ່ງເປັນການ ຟຸມເຟືອຍ ນັບທັງວັດຖຸເງິນຄຳ ແລະ ການເວລາ ບາງບ່ອນແກ່ຍາວໄປເປັນມື້- ສອງມື້ ແລະ ຄຽງຄູ່ກັນນັ້ນ ກໍ ແມ່ນບຸນວັດ, ບຸນບ້ານກໍມີລັກສະນະຄ້າຍຄືກັນ, ການຮຽກ, ການແຜ່ວັດຖຸປັດໄຈຕ່າງໆກໍນັບມື້ໜັກໄປກວ່າການ ເຮັດບຸນ, ແຈກຊອງຂາວຈົນນັບບໍ່ຖ້ວນ ແລະ ບໍ່ຮູ້ວ່າແມ່ນໃຜຄຸ້ມຄອງ, ບາງບ່ອນກໍອ້າງວ່າສ້າງກຸດຕິໃໝ່, ສ້າງ ສິມໃໝ່, ປະຕິສັງຂອນວັດ ແລະ ອື່ນໆ, ບາງຄັ້ງໄປຕະຫລາດກໍເຫັນຈົວນ້ອຍຍ່າງແຈກຊອງໃຫ້ແມ່ຄ້າຊາວຂາຍ ຊ່ວຍເຮັດບຸນສິນກິນທານນຳກັນຈົນເຕັມຖົງຢາມ. ອັນນີ້ກໍຫາກດີຖ້າພວກເຮົາມີ ການຄຸ້ມຄອງລາຍຮັບດັ່ງກ່າວ ໃຫ້ໄປເຖິງມືຄູບາອາຈານ ແລະ ວັດວາຕາມຈຸດປະສົງ ເພື່ອພວກເຮົາຈະໄດ້ຮ່ວມແຮງຮ່ວມໃຈກັນສ້າງບຸນກຸສົນ, ສ້າງບ້ານແປງເມືອງໃຫ້ມີຄວາມຈະເລີນຮຸ່ງເຮືອງດ້ວຍນ້ຳໃຈສາມັກຄີຮັກແພງຊ່ວຍເຫລືອເຊິ່ງກັນ ແລະ ກັນ ອັນ ເປັນມູນເຊື້ອດີງາມຂອງຊາດລາວເຮົາມາແຕ່ດຶກດຳບັນ ແລະ ກໍຂໍຊົມເຊີຍເປັນຢ່າງຍິ່ງ ພາຍຫລັງໄດ້ງິນຂ່າວວ່າ: ໃນບຸນສົງການປີໃໝ່ລາວປີນີ້ມີຫລາຍກະຊວງ ແລະ ສຳນັກງານອົງການຕ່າງໆປະກາດວ່າຈະບໍ່ຈັດການສະຫລອງ ແລະ ເຮັດບາສີສູ່ຂວັນຢູ່ຫ້ອງການຢ່າງເດັດຂາດ, ພ້ອມຫ້າມບໍ່ໃຫ້ພະນັກງານເອົາກະຕ່ານັ້ນກະຕ່ານີ້ພ້ອມຊອງ ໃຫຍ່, ຊອງນ້ອຍມາອວຍພອນການນຳຂອງຕົນ ເພາະມັນເປັນການຟຸມເຟືອຍເງິນລັດເງິນຫຼວງໃນສະພາບເສດ ຖະກິດ-ການເງິນຂອງປະເທດຍັງພົບຄວາມຫຍຸ້ງຍາກ.

- Wave100S AD to Website 2020 0 - ເຮັດບຸນສິນກິນທານໃຫ້ສອດຄ່ອງ
- WhatsApp Image 2020 05 27 at 5 - ເຮັດບຸນສິນກິນທານໃຫ້ສອດຄ່ອງ
- WhatsApp Image 2020 05 27 at 5 - ເຮັດບຸນສິນກິນທານໃຫ້ສອດຄ່ອງ
error: Alert: ເນື້ອຫາຂ່າວມີລິຂະສິດ !!