ການຄຸ້ມຄອງເງິນຕາຍັງມີສິ່ງທ້າທາຍຫລາຍດ້ານ

- advert banner 728 90 728x90 - ການຄຸ້ມຄອງເງິນຕາຍັງມີສິ່ງທ້າທາຍຫລາຍດ້ານ

ທ່ານ ສົມ​ພາວ ​ໄຟ​ສິດ ຜູ້​ວ່າການ​ທະນາຄານ​ແຫ່ງ ສປປ ລາວ ​ໄດ້​ລາຍ​ງານ​​ໃນກອງ​ປະຊຸມ​ສະ​ໄໝ​ສາມັນ​ເທື່ອ​ທີ 4 ຂອງ​ສະພາ​ແຫ່ງ​ຊາດ​ຊຸດ​ທີ VIII ທີ່ພວມດໍາເນີນຢູ່ປັດຈຸບັນນີ້ວ່າ: ຄວາມ​ຜັນ​ຜວນຂອງ​ອັດຕາ​ແລກປ່ຽນ ​ແລະ ລາ​ຄາ​ຮຸ້ນ​ຢູ່​ຕະຫລາດ​ສາກົນບວກ​ກັບ​ສະພາບ​ຄວາມ​ເຄັ່ງ​ຕຶງ​ທາງ​ງົບປະມານ​ຂອງ​ລັດຖະບານ ຍັງ​ເປັນ​ອຸປະສັກ​ຕໍ່​ການ​ຮັກສາ​ສະຖຽນ​ລະ​ພາບ​ເງິນຕາ​ຂອງປະເທດ, ຂະນະດຽວກັນ​ການ​ຫລຸດ​ລົງຂອງ​ລາຄາ​ນ້ຳມັນ​ໃນ​ຕະຫລາດ​ສາກົນ ​ໄດ້​ເປັນ​ໂອກາດ​ອັນ​ດີ​ຕໍ່​ການ​ຮັກສາ​ສະຖຽນ​ລະ​ພາບ​ລາຄາ​ພາຍ​ໃນ​ປະ​ເທດ ແລະ ການ​ນຳ​ໃຊ້​ອັດຕາ​​ແລກປ່ຽນ​​ໃນ​ເງື່ອນ​ໄຂ​ມີ​ສິ່ງ​ທ້າ​ທາຍ​ຫລາຍ​ດ້ານ​ນັ້ນ ​ໄດ້​ເກີດ​ໃຫ້​ມີ​ສ່ວນ​ຕ່າງລະຫວ່າງ​ອັດຕາ​ແລກປ່ຽນ​ຕະຫລາດ ​ແລະ ທະນາຄານ​ຫຍັບ​ຫ່າງ​ອອກ​ຈາກ​ກັນ​ໃນ​ທ້າຍ​ເດືອນມິຖຸນາຜ່ານ​ມາຢູ່​ໃນ​ລະດັບ 3,75% ສໍາລັບ​ເງິນ​ກີບ​ທຽບ​ເງິນ​ໂດ​ລາສະຫະລັດ ​ແລະ 3,08% ສຳລັບ​ເງິນ​ກີບ​ທຽບ​ເງິນ​ບາດ (ສະກຸນເງິນໄທ).

- new3 - ການຄຸ້ມຄອງເງິນຕາຍັງມີສິ່ງທ້າທາຍຫລາຍດ້ານ

​ບັນ​ຫາ​ດັ່ງກ່າວ, ​ເກີດ​ຂຶ້ນ​ຍ້ອນ​ການ​ຕອບ​ສະໜອງ​ເງິນຕາ​ຕ່າງປະ​ເທດ​ ໃຫ້​ສັງຄົມ​ບໍ່​ພຽງພໍ​ກັບ​ຄວາມ​ຕ້ອງການ ​ແລະ ສ່ວນ​ໜຶ່ງ​ຍ້ອນ​ແຫ​ລ່ງ​ເງິນຕາ​ຕ່າງປະ​ເທດ​ນອກ​ລະບົບ​ທະນາຄານທີ່ຖືກ​ນຳ​ເຂົ້າມາ​ຈາກ​ຕ່າງປະ​ເທດ​ຂອງ​ບຸກຄົນ, ການ​ສົ່ງ​ສິນຄ້າ​ປະ​ເພດ​ຕ່າງໆ​ຕາມ​ຊາຍ​ແດນ, ການ​ສົ່ງ​ອອກ​ໄມ້, ການ​ສົ່ງ​ອອກ​ໄຟຟ້າ ​ແລະ ບໍ່​ແຮ່, ການ​ລະດົມ​​ແຫລ່​ງທຶນ​ຈາກ​ຕ່າງປະ​ເທດ ​ແລະ ການ​ຄຸ້ມ​ຄອງ​ທະນາຄານ​​ທຸລະ​ກິດ ​ແລະ ຮ້ານ​ອັດຕາ​ແລກປ່ຽນ​ຍັງ​ບໍ່​ທັນ​ຮັດກຸມ ແລະ ​ເພື່ອ​ຮັກສາ​ສະຖຽນ​ລະ​ພາບ​ເງິນຕາ​ແຫ່ງ​ຊາດ​ໃຫ້​ໝັ້ນ​ທ່ຽງ ​ໃນ​ 6 ​ເດືອນ​ຕົ້ນ​ປີ, ທະນາຄານ​ແຫ່ງ ສປປ ລາວ ໄດ້​ປະຕິ​ບັດ​ນະ​ໂຍບາຍ​ເງິນຕາ​ແບບ​ຜ່ອນຄາຍດ້ວຍ​ການ​ອັດ​ສີດ​ເງິນ​ເຂົ້າ​ສູ່​ລະບົບ​ເສດ​ຖະກິດ​ຜ່ານ​ສິນ​ເຊື່ອຊຸກຍູ້​ການ​ຜະລິດ, ​ແກ້​ໄຂ​ຄວາມທຸກ​ຍາກ ​ແລະ ລ່ວງ​ໜ້າ​ໃຫ້​ກະຊວງ​ການ​ເງິນເພື່ອ​ດຸນ​ດ່ຽງ​ງົບປະມານ, ​ໄດ້​ສືບ​ຕໍ່​ນຳ​ໃຊ້​ເຄື່ອງມື​ນະ​ໂຍບາຍ​ເງິນ ຕາ​ທາງ​ອ້ອມ ​ເປັນ​ຕົ້ນ: ອັດຕາ​ດອກ​ເບ້ຍ​ພື້ນຖານ​ຂອງ ທຫລ, ອັດຕາ​ສ່ວນ​ເງິນ​ແຮ​ຝາກ​ບັງຄັບ, ​ໄດ້​ສືບ​ຕໍ່​ຄຸ້ມ​ຄອງ​ການ​ກຳນົດອັດຕາ​ດອກ​ເບ້ຍ​ເງິນ​ຝາກ ​ແລະ ​ເງິນ​ກູ້​ສະກຸນ​ເງິນ​ກີບຂອງ​ທະນາຄານ​ທຸລະ​ກິດ​ຕາມ​ທ່າ​ອ່ຽງຂອງ​ເງິນ​ເຟີ້.

ຜູ້ວ່າການທະນາຄານ ໃຫ້ຮູ້ວ່າ: ປັດຈຸບັນ​ທົ່ວ​ປະ​ເທດມີ​ທະນາຄານ​ທຸລະ​ກິດ 42 ​ແຫ່ງ, ຮ້ານ​ແລກປ່ຽນ​ເງິນຕາ​ຕ່າງປະ​ເທດຂອງ​ເອກະ​ຊົນມີ 247 ຮ້ານ ​ແລະ ສະ​ຖາ​ບັນ​ການ​ເງິນ​ 176 ​ແຫ່ງທີ່ຢູ່​ພາຍ​ໃຕ້​ການ​ຄຸ້ມ​ຄອງ. ນອກ​ນີ້​, ຍັງ​ມີ​ກອງ​ທຶນ​ບ້ານ​ປະມານ 4.815 ​ແຫ່ງທີ່​ບໍ່​ຢູ່​ພາຍ​ໃຕ້​ການ​ຄຸ້ມ​ຄອງຂອງ ​ທຫລ, ຊຶ່ງ​ກອງ​ທຶນ​ເຫລົ່າ​ນີ້​, ສ້າງ​ຕັ້ງ​ຂຶ້ນ​ຕາມ​ໂຄງການ​ຕ່າງໆທີ່​ໄດ້​ຮັບ​ການ​ສະໜັບສະໜູນ​ເງິນ​ກູ້​ຢືມ​ຈາກ​ຕ່າງປະ​ເທດ ຫລື ປະຊາຊົນ​ໂຮມ​ກັນ​ສ້າງ​ຕັ້ງ​ຂຶ້ນ​ເອງ. ແລະ ປັດຈຸ​ບັນ ທຫລ ກຳລັງ​ສຸມ​ໃສ່​ພັດທະນາ​ລະບົບ​ການ​ຄຸ້ມ​ຄອງທະນາຄານ​ທຸລະ​ກິດ​ໄປ​ສູ່​ການ​ຄຸ້ມ​ຄອງ​ຕາມ​ຄວາມ​ສ່ຽງ ​ແລະ ຫລັກການ​ຂອງ ບາ​ເຊ​ວ 2 (BASEL 2) ​ເພື່ອ​ຮອງ​ຮັບ​ການ​ເຊື່ອມ​ໂຍງ​ພາກ​ພື້ນ.

- lattana 1 - ການຄຸ້ມຄອງເງິນຕາຍັງມີສິ່ງທ້າທາຍຫລາຍດ້ານ

 

error: Content is protected !!