ສະພາປະຊາຊົນ ເມືອງໄຊທານີ ກວດກາ-ແກ້ໄຂບັນຫາກະທົບຕໍ່ປະຊາຊົນ ໂດຍສະເພາະ ການຊົດເຊີຍຊັກຊ້າ ແລະ ຄວາມບໍ່ເໝາະສົມຕ່າງໆ

- 958 - ສະພາປະຊາຊົນ ເມືອງໄຊທານີ ກວດກາ-ແກ້ໄຂບັນຫາກະທົບຕໍ່ປະຊາຊົນ ໂດຍສະເພາະ ການຊົດເຊີຍຊັກຊ້າ ແລະ ຄວາມບໍ່ເໝາະສົມຕ່າງໆ
- kitchen vibe - ສະພາປະຊາຊົນ ເມືອງໄຊທານີ ກວດກາ-ແກ້ໄຂບັນຫາກະທົບຕໍ່ປະຊາຊົນ ໂດຍສະເພາະ ການຊົດເຊີຍຊັກຊ້າ ແລະ ຄວາມບໍ່ເໝາະສົມຕ່າງໆ

ວັນທີ 10 ພຶດສະພາ 2024,  ສະພາປະຊາຊົນປະຈຳເຂດເລືອກຕັ້ງເມືອງໄຊທານີ ນະຄອນຫລວງວຽງຈັນ ໄດ້ຈັດກອງປະຊຸມສະຫລຸບການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປີ 2024, ເປັນປະທານຂອງທ່ານ ບົວລີ ແກ້ວມະນີວັນ ຫົວໜ້າຄະນະສະມາຊິກສະພາປະຊາຊົນ ປະຈຳເຂດເລືອກຕັ້ງເມືອງໄຊທານີ ແລະ ທ່ານ ນາງ ລໍາພອຍ ສີອັກຄະຈັນ ຮອງປະທານສະພາປະຊາຊົນນະຄອນຫລວງວຽງຈັນ.

ໄລຍະ 1 ປີຜ່ານມາ ຄະນະສະມາຊິກສະພາປະຊາຊົນປະຊາຊົນ ເມືອງໄຊທານີ ໄດ້ເອົາໃຈໃສ່ວຽກງານແຕ່ລະດ້ານເປັນຕົ້ນການຕິດຕາມກວດກາການແກ້ໄຂບັນຫາທີ່ເກີດຂຶ້ນໃນສັງຄົມກ່ຽວກັບການຊົດເຊີຍຊັກຊ້າ ແລະ ຄວາມບໍ່ເໝາະສົມຕ່າງໆ, ໂດຍສະເພາະຜົນກະທົບຂອງການຈັດຕັ້ງປະຕິບັດໂຄງການພັດທະນາຂອງລັດ ແລະ ເອກະຊົນ ໃນຂອບເຂດເມືອງໄຊທານີ ເຊັ່ນ: ໂຄງ ການກໍ່ສ້າງສາຍສົ່ງໄຟຟ້າ 230 ກິໂລໂວນ; ໂຄງການກໍ່ສ້າງທາງດ່ວນວຽງຈັນໝາຍເລກ 1 ແລະ ໂຄງການລົດໄຟລາວ-ຈີນ ໄລຍະທີ 2; ໂຄງການສໍາຫລວດເກືອກະລີ; ບັນຫາການຊົດເຊີຍຜົນກະທົບຈາກສະໜາມກັອບບຸຍອງ ຕໍ່ປະຊາຊົນ 59 ຄອບຄົວ; ບັນຫາປະຊາຊົນ 5 ຄອບຄົວ ທວງເອົາຄ່າຄວາມເສຍຫາຍຂອງສວນມັນຕົ້ນທີ່ຖືກທໍາລາຍ ຢູ່ບ້ານຈະເລີນໄຊ; ບັນຫາຂໍ້ຂັດແຍ່ງທີ່ດິນຕິດພັນກັບທາງຮ່ອມ ແລະ ຂໍ້ຂັດແຍ່ງທີ່ດິນຢູ່ບ້ານຫາດກ້ຽງ ບ້ານສະພັງເມິກ; ບັນຫາການເກັບກຳຂໍ້ມູນຂໍສິດນໍາໃຊ້ດິນລັດ ແລະ ອື່ນໆ.

ພ້ອມນີ້ຍັງໄດ້ຮັບຄຳສະເໜີຮ້ອງທຸກຈາກປະຊາຊົນ 18 ເລື່ອງ, ໃນນີ້ ແກ້ໄຂສໍາເລັດ 11 ເລື່ອງ, ກຳລັງແກ້ໄຂ 7 ເລື່ອງ, ພົວພັນຫາຂໍ້ຂັດແຍ່ງທີ່ດິນໄດ້ 8 ຄໍາສະເໜີ, ຕິດຕາມກວດກາການຈັດຕັ້ງປະຕິບັດ ແຜນການລົງທຶນຂອງລັດ ແລະ ແຜນຈັດເກັບງົບປະມານທີ່ນະຄອນຫລວງວຽງຈັນມອບໃຫ້ເມືອງຈັດຕັ້ງປະຕິບັດມີ 47 ໂຄງການ ມູນຄ່າ 183 ຕື້ກວ່າກີບ, ແຜນຊໍາລະໜີ້ສິນ ໂຄງການລົງທຶນຂອງລັດ 41 ໂຄງການ ມູນຄ່າ 172 ຕື້ກວ່າກີບ, ໃນນີ້ມີໂຄງການສືບຕໍ່ 6 ໂຄງການ ມູນຄ່າ 10 ຕື້ກວ່າກີບ, ຕິດຕາມການຈັດເກັບລາຍຮັບເຂົ້າງົບປະມານປະຈຳປີ 2023, ຜ່ານການຈັດຕັ້ງປະຕິບັດລາຍຮັບໄດ້ 63,88 ຕື້ກີບ ເທົ່າກັບ 123,69% ໃນນີ້ ຮັບຈາກສ່ວຍສາອາກອນ 61,98 ຕື້ກີບເທົ່າກັບ 122,25% ຂອງແຜນການປີ ຮັບຈາກຊັບສິນຂອງລັດ 1,906 ຕື້ກີບ ເທົ່າກັບ 200,66% ຂອງແຜນການປີ.

- 3 - ສະພາປະຊາຊົນ ເມືອງໄຊທານີ ກວດກາ-ແກ້ໄຂບັນຫາກະທົບຕໍ່ປະຊາຊົນ ໂດຍສະເພາະ ການຊົດເຊີຍຊັກຊ້າ ແລະ ຄວາມບໍ່ເໝາະສົມຕ່າງໆ
- 4 - ສະພາປະຊາຊົນ ເມືອງໄຊທານີ ກວດກາ-ແກ້ໄຂບັນຫາກະທົບຕໍ່ປະຊາຊົນ ໂດຍສະເພາະ ການຊົດເຊີຍຊັກຊ້າ ແລະ ຄວາມບໍ່ເໝາະສົມຕ່າງໆ
- 5 - ສະພາປະຊາຊົນ ເມືອງໄຊທານີ ກວດກາ-ແກ້ໄຂບັນຫາກະທົບຕໍ່ປະຊາຊົນ ໂດຍສະເພາະ ການຊົດເຊີຍຊັກຊ້າ ແລະ ຄວາມບໍ່ເໝາະສົມຕ່າງໆ