ອີຣັກ ຫວັງມີປະລິມານສຳຮອງນໍ້າມັນເກີນ 160.000 ລ້ານບາເຣລ

- Q2VLVVA5NZMCDJB3NGGRUWPMBY scaled - ອີຣັກ ຫວັງມີປະລິມານສຳຮອງນໍ້າມັນເກີນ 160.000 ລ້ານບາເຣລ
- kitchen vibe - ອີຣັກ ຫວັງມີປະລິມານສຳຮອງນໍ້າມັນເກີນ 160.000 ລ້ານບາເຣລ

    ອີຣັກ ໜຶ່ງໃນຜູ້ຜະລິດນໍ້າມັນລາຍໃຫຍ່ທີ່ສຸດຂອງໂລກ ຕັ້ງເປົ້າຈະເພີ່ມປະລິມານສໍາຮອງນໍ້າມັນດິບຂອງປະເທດເປັນຫລາຍກວ່າ 160.000 ລ້ານບາເຣລ.

     ວັນທີ 12 ພຶດສະພາ, ສໍານັກຂ່າວຕ່າງປະເທດລາຍງານວ່າ: ຄວາມຄິດເຫັນຂອງທ່ານ ຮາຢັນ ອັບດຸລ ການີ ລັດຖະມົນຕີກະຊວງນໍ້າມັນອີຣັກ ມີຂຶ້ນໃນຂະນະທີ່ທາງການອີຣັກອອກໃບອະນຸຍາດຮອບໃໝ່ສໍາລັບແຫລ່ງນໍ້າມັນ ແລະ ແຫລ່ງແກັສທໍາມະຊາດ 29 ແຫ່ງ.

- Visit Laos Visit SALANA BOUTIQUE HOTEL - ອີຣັກ ຫວັງມີປະລິມານສຳຮອງນໍ້າມັນເກີນ 160.000 ລ້ານບາເຣລ

     ຕາມຂໍ້ມູນຂອງທະນາຄານໂລກ, ອີຣັກມີປະລິມານສໍາຮອງນໍ້າມັນພິສູດແລ້ວ 145.000 ລ້ານບາເຣລ ເຊິ່ງຄິດເປັນມູນຄ່າການຜະລິດ 96 ປີ ໃນອັດຕາປັດຈຸບັນ ແລະ ເປັນໜຶ່ງໃນແຫລ່ງສໍາຮອງນໍ້າມັນດິບຂະໜາດໃຫຍ່ທີ່ສຸດໃນໂລກ.

     ອີຣັກດໍາເນີນການອອກໃບອະນຸຍາດມາແລ້ວ 5 ຮອບ ນັບແຕ່ປີ 2008 ເຊິ່ງທ່ານ ອັບເດລ ການີ ກ່າວວ່າ: ລັດຖະບານແບກແດດ ຈະສະໜັບສະໜູນ ແລະ ຊ່ວຍເຫລືອບໍລິສັດທີ່ຊະນະການປະມູນ.

     ນອກຈາກນີ້, ທາງການອີຣັກຍັງຄາດຫວັງວ່າ: ກຸ່ມຕ່າງໆຈະຊ່ວຍໃຫ້ການຜະລິດແກັສທໍາມະຊາດເພີ່ມຂຶ້ນ ເພື່ອຫລຸດການອາໄສການນໍາເຂົ້າຈາກອີຣານ ເຊິ່ງເປັນຜູ້ສະໜອງສໍາຄັນ ສໍາລັບການຜະລິດໄຟຟ້າຂອງອີຣັກ.

     ທັງນີ້, ຍອດຂາຍນໍ້າມັນດິບຄິດເປັນ 90% ຂອງລາຍໄດ້ໃນງົບປະມານຂອງອີຣັກ. ຂະນະທີ່ລາຍງານເດືອນມີນາຜ່ານມາ ຂອງອົງການກຸ່ມປະເທດຜູ້ສົ່ງນໍ້າມັນອອກ (ໂອເປັກ) ລະບຸວ່າ: ຜົນຜະລິດນໍ້າມັນດິບຂອງອີຣັກມີຫລາຍກວ່າ 3,9 ລ້ານບາເຣລຕໍ່ວັນ.

- 3 - ອີຣັກ ຫວັງມີປະລິມານສຳຮອງນໍ້າມັນເກີນ 160.000 ລ້ານບາເຣລ
- 5 - ອີຣັກ ຫວັງມີປະລິມານສຳຮອງນໍ້າມັນເກີນ 160.000 ລ້ານບາເຣລ
- 4 - ອີຣັກ ຫວັງມີປະລິມານສຳຮອງນໍ້າມັນເກີນ 160.000 ລ້ານບາເຣລ