ປາຣິສ ແຊັງແຊັກແມັງ ເດີນໜ້າທາບທາມ ມູຣິນໂຢ ຄຸມທີມແລ້ວ

ສະໂມສອນ ປາຣິສ ແຊັງ ແຊັກແມັງ ຕົກເປັນຂ່າວກຽມ ເດີນໜ້າທາບທາມ ໂຮເຊ ມູຣິນໂຢ ຜູ້ຈັດການທີມຂອງ ແມນເຊສເຕີ ຢູໄນເຕັດ ໃນໄລ ຍະສິ້ນສຸດລະດູການນີ້.
ເປັນທີ່ເຂົ້າໃຈກັນວ່າ ແມນເຊສເຕີ ຢູໄນເຕັດ ກຽມທີ່ ຈະມອບສັນຍາສະບັບໃໝ່ໃຫ້ກັບ ມູຣິນໂຢ ຫຼັງລາວເອງເຮັດ ຜົນງານໃນປີທຳອິດໄດ້ຢ່າງດີເດັ່ນດ້ວຍການພາທີມໄດ້ 3 ແຊ໊ມ ແນວໃດກໍຕາມ ມູຣິນໂຢ ອອກມາເປີດເຜີຍໃນອາທິດ ຜ່ານມາວ່າລາວບໍ່ຄິດທີ່ຈະຄຸມທີມ ແມນເຊສເຕີ ຢູໄນເຕັດ ໃນ ໄລຍະຍາວ.
ຫຼ້າສຸດ “ເດິຊັນ” ສື່ຊັ້ນ ນຳຂອງ ອັງກິດ ລາຍງານ ຂ່າວວ່າ ປາຣິສ ແຊັງແຊັກ ແມັງ ກຽມທີ່ຈະເດີນໜ້າທາບ ທາມ ມູຣິນໂຢ ທັນທີ ຫາກ ອູໄນ ເອເມຣີ ຜູ້ຈັດການທີມຄົນ ສະເປນ ເຮັດຜົນງານໄດ້ຢ່າງ ໜ້າຜິດຫວັງໃນການແຂ່ງຂັນ ຢູຟາ ແຊ໊ມປຽນລີກ ໃນລະດູ ການນີ້.