ທ່ານ ລໍເຣນ ຫວ່ອງ ກຽມສາບານຕົນຮັບຕໍາແໜ່ງນາຍົກລັດຖະມົນຕີ ສິງກະໂປ ຄົນໃໝ່ ຕໍ່ຈາກທ່ານ ລີຊຽນລຸງ
May 15, 2024 - 2:43 PM

ທ່ານ ລໍເຣນ ຫວ່ອງ ອະດີດຮອງນາຍົກລັດຖະມົນຕີ ແລະ ລັດຖະມົນຕີການເງິນຂອງສິງກະໂປ ອາຍຸ 51 ປີ ກຽມເຂົ້າພິທີສາບານຕົນຮັບຕໍາແໜ່ງນາຍົກລັດຖະມົນຕີຄົນທີ 4 ຂອງສິງກະໂປ ໃນເວລາ 20:00 ໂມງ ວັນທີ 15 ພຶດສະພານີ້ ຕາມເວລາທ້ອງຖິ່ນ ຢູ່ທໍານຽບປະທານາທິບໍດີ ໂດຍເປັນການຮັບຕໍາແໜ່ງຕໍ່ຈາກທ່ານ ລີຊຽນລຸງ ອາຍຸ 71 ປີ ທີ່ສິ້ນສຸດວາລະບໍລິຫານປະເທດຫລັງດໍາລົງຕໍາແໜ່ງມາກວ່າ 20 ປີ.
ທ່ານ ລໍເຣນ ຫວ່ອງ ທີ່ມີຄວາມຊ່ຽວຊານດ້ານເສດຖະສາດ ແລະ ຈົບການສຶກສາລະດັບປະລິນຍາໂທສາຂາເສດຖະສາດປະຍຸກຈາກມະຫາວິທະຍາໄລ ມິຊິແກນ ແລະ ສາຂາ ລັດປະຊາຊົນສາດ ຈາກມະຫາວິທະຍາໄລ ຮາວາດ.
ທ່ານເປັນອະດີດພະນັກງານລັດທີ່ຜັນຕົວມາເປັນນັກການເມືອງ ແລະ ເຕີບໃຫຍ່ໃນເສັ້ນທາງການເມືອງຢ່າງວ່ອງໄວ, ເຄີຍເຮັດວຽກຢູ່ຫລາຍກະຊວງ ທັງກະຊວງການຄ້າ ແລະ ອຸດສາຫະກໍາ, ກະຊວງການເງິນ ແລະ ກະຊວງສາທາລະນະສຸກ.
ອ້າງອີງ:
- https://apnews.com/article/singapore-new-prime-minister-lawrence-wong-5e84846bafbc41cd44f5a75c9e351657
- https://www.bbc.com/articles/cpwg0g8ejyxo
- https://sg.news.yahoo.com/singapore-swear-lawrence-wong-prime-212009750.html?guccounter=1&guce_referrer=aHR0cHM6Ly93d3cuZ29vZ2xlLmNvbS8&guce_referrer_sig=AQAAAGBNxGLz1jZApohq_jpjXfcq89MC30fywUqHxtLzzSeToLhLvhvj-FsYHtQQo-vhyMa4l4WDysTo-LhBBHC0KV2vJ9X3O0_n2sn1Mc7SeupK-xvIJuV_qunHXtRvhSOG-RC_kXXAe_i00v1kLbI6uiStNDcAL5cr3hmLsUK3d9GK