3 ປະເທດຍຶດໝັ້ນການທູດ ແກ້ໄຂບັນຫາ ສປປ ເກົາຫລີ

- 323606 - 3 ປະເທດຍຶດໝັ້ນການທູດ ແກ້ໄຂບັນຫາ ສປປ ເກົາຫລີ
- Untitled design - 3 ປະເທດຍຶດໝັ້ນການທູດ ແກ້ໄຂບັນຫາ ສປປ ເກົາຫລີ

​ເຈົ້າໜ້າ​ທີ່​ອາວຸ​ໂສ​ຈາກ​ອາ​ເມ​ລິ​ກາ, ສ.​ເກົາຫລີ ​ແລະ ຍີ່ປຸ່ນ ຢືນຢັນ​ເຖິງ​ພັນທະກໍລະນີ​ທີ່​ຈະ​ຕ້ອງ​ຫາ​ທາງ​ການ​ທູດ​ໃນ​ການ​ແກ້​ໄຂ​ບັນຫາ​ໄພ​ຄຸກ​ຄາມ​ຈາກ​ໂຄງການ​ພັດທະນາ​ນິວ​ເຄຼຍ ສປປ ​ເກົາຫລີ, ​ແຕ່​ອາ​ເມ​ລິ​ກາ​ຍັງ​ເຕືອນ​ວ່າ​ປະ​ເທດ​ພັນທະ​ມິດ​ຕ້ອງ​ກຽມພ້ອມ​ຮັບ​ທຸກ​ສະຖານະ​ການ.

- 605109 - 3 ປະເທດຍຶດໝັ້ນການທູດ ແກ້ໄຂບັນຫາ ສປປ ເກົາຫລີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ສ.​ເກົາຫລີ ​ໃນ​ວັນ​ທີ 18 ຕຸລາ​ວ່າ: ພາຍຫລັງ​ການ​ຫາລື​ລະດັບຮອງ​ລັດຖະມົນຕີ​ຕ່າງປະ​ເທດ​ຈາກ ສ.​ເກົາຫລີ, ຍີ່ປຸ່ນ ​ແລະ ອາ​ເມ​ລິ​ກາ ຢູ່​ນະຄອນຫລວງ​ເຊ​ອຸນ, ທ່ານ ຈອນ ຊຸລລິ​​ແວນ ຮອງ​ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ກ່າວ​ວ່າ: ທັງ​ສາມ​ປະ​ເທດ​ພັນທະ​ມິດ​ຍັງ​ຍຶດໝັ້ນ​ໃນ​ພັນທະກໍລະນີ​ຂອງ​ແນວທາງ​ການ​ທູດ ​ເຊິ່ງລວມທັງ​ການ​ສ້າງ​ຄວາມ​ກົດ​ດັນ ​ແລະ ມາດ​ຕະການ​ຂວ້ຳບາດ ​ໂດຍ​ມີ​ເປົ້າໝາຍ​ເບື້ອງຕົ້ນຂອງ​ການ​ແກ້​ໄຂ​ບັນຫາ​ໂຄງການ​ນິວ​ເຄຼຍ ສປປ ​ເກົາຫລີ ​ເປັນ​ສຳຄັນ, ​ແຕ່​ລັດຖະບານ​ອາ​ເມ​ລິ​ກາ​ຂອງ​ປະທານາທິບໍດີ ​ໂດ​ນັນ ທຣຳ ຍັງ​ເລືອກ​ຈະ​ພິຈາລະນາ​ທຸກ​ບັນຫາ​ໃນ​ການ​ແກ້​ໄຂ​ບັນຫາ.

ຮອງ​ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ​ກ່າວ​ອີກ​ວ່າ: ​ເປົ້າໝາຍ​ສຳຄັນ​ຂອງ​ປະ​ເທດ​ພັນທະ​ມິດ ຄື​ການ​ສ້າງ​ຄວາມ​ກົດ​ດັນ​ເພື່ອ​ນຳ ​ສປປ ​ເກົາຫລີ ສູ່​ໂຕ​ະ​ເຈລະຈາ​ໂດຍ​ບໍ່​ມີ​ການ​ຕັ້ງ​ເງື່ອນ​ໄຂ​ໃດໆ ​ເພື່ອ​ຈະ​ໃຫ້​ໄດ້​ບັນລຸ​ເປົ້າໝາຍ​ສຳຄັນ ຄື​ການ​ເຮັດ​ໃຫ້​ແຫລມ​ເກົາຫລີ​ເປັນ​ເຂດ​ປອດ​ນິວ​ເຄຼຍ.

- Wave100S AD to Website 2020 0 - 3 ປະເທດຍຶດໝັ້ນການທູດ ແກ້ໄຂບັນຫາ ສປປ ເກົາຫລີ

​ວັນ​ທີ 17 ຕຸລາ, ທ່ານ ຄິມ ອິນ ຢອງ ​​ອັກຄະຣາຊະ​ທູດ ສປປ ​ເກົາຫລີ ປະຈຳ​ສະຫະ​ປະຊາ​ຊາດ ຖະ​ແຫລ​ງຢູ່​ອົງການ​ສະຫະ​ປະຊາ​ຊາດ​ວ່າ: ສປປ ​ເກົາຫລີ ມີ​ແຜນ​ຈະ​ສົ່ງ​ດາວ​ທຽມ​ອີກ, ​ແຕ່​ໂລກ​ພາຍ​ນອກ​ພັດ​ເບິ່ງ​ວ່າ: ​ເປັນ​ການ​ປົກ​ປິດ​ການ​ທົດ​ລອງ​ເຕັກ​ໂນ​ໂລ​ຊີ​ລູກ​ສອນ​ໄຟ.

- WhatsApp Image 2020 05 27 at 5 - 3 ປະເທດຍຶດໝັ້ນການທູດ ແກ້ໄຂບັນຫາ ສປປ ເກົາຫລີ
- WhatsApp Image 2020 05 27 at 5 - 3 ປະເທດຍຶດໝັ້ນການທູດ ແກ້ໄຂບັນຫາ ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!