UN ຊີ້ມີເດັກເສຍຊີວິດວັນລະກວ່າ 15.000 ຄົນ ຈາກພະຍາດທີ່ປ້ອງກັນໄດ້

- 1508399889112 960x0 - UN ຊີ້ມີເດັກເສຍຊີວິດວັນລະກວ່າ 15.000 ຄົນ ຈາກພະຍາດທີ່ປ້ອງກັນໄດ້
- Untitled design - UN ຊີ້ມີເດັກເສຍຊີວິດວັນລະກວ່າ 15.000 ຄົນ ຈາກພະຍາດທີ່ປ້ອງກັນໄດ້

ລາຍ​ງານຂອງ​ສະຫະ​ປະຊາ​ຊາດ​ລະບຸ​ວ່າ: ​ເຖິງ​ວ່າ​ອັດຕາ​ການ​ເສຍ​ຊີວິດ​ຂອງ​ເດັກ​ເກີດ​ໃໝ່​ຫລຸ​ດລົງ​ຫລາຍ, ​ແຕ່​ທົ່ວ​ໂລກ​ຍັງ​ມີ​​ເດັກ​ອາຍຸ​ຕໍ່າ​ກວ່າ 5 ປີ​ເສຍ​ຊີວິດ​ວັນ​ລະ 15.000 ຄົນ​ຈາກ​ພະຍາດ​ທີ່​ສາມາດ​ປ້ອງ​ກັນ​ໄດ້.

ລາຍ​ງານ​ເຕືອນ​ວ່າ: ຕໍ່​ຈາກ​ນີ້​ຮອດ​ປີ 2030 ຈະ​ມີ​ເດັກ​ກວ່າ 60 ລ້ານ​ຄົນ​ເສຍ​ຊີວິດ​ຈາກ​ພະຍາດ​ທີ່​ສາມາດ​ປິ່ນປົວ​ໄດ້ ​ເນື່ອງ​ຈາກ​ຍັງ​ມີ​ບາງ​ປະ​ເທດ​ຢູ່​ອາ​ຟຣິກາ ​ແລະ ອາ​ຊີ​ໃຕ້​ຍັງ​ຂາດ​ເຂີນ​ການ​ປິ່ນປົວ​ຢ່າງ​ມີປະສິດທິພາບ. ອົງການ​ທຶນ​ເພື່ອ​ເດັກ​ແຫ່ງ​ສະຫະ​ປະຊາ​ຊາດ ຫລື ອຸຍ​ນິ​ເຊບ, ອົງການ​ອະນາ​ໄມ​ໂລກ ​ແລະ ທະນາຄານ​ໂລກ​ລະບຸ​ໃນ​ລາຍ​ງານ​ວ່າ: ​ໃນ​ປີ 2016 ມີ​ເດັກ​ປະມານ 5,6 ລ້ານ​ຄົນ​ເສຍ​ຊີວິດ​ກ່ອນ​ອາຍຸ​ຄົບ 5 ປີ ຕົວ​ເລກ​ດັ່ງກ່າວ​ຫລຸດ​ລົງ​ຈາກ​ປີ 1990 ​ເຊິ່ງມີ​ຈຳນວນ​ເຖິງ 12,6 ລ້ານ​ຄົນ. ລາຍ​ງານ​ລະບຸ​ວ່າ: ພະຍາດ​ທີ່​ສາມາດ​ປ້ອງ​ກັນ​ໄດ້​ແຕ່​ຂ້າ​ຊີວິດ​ເດັກ​ຫລາຍ​ທີ່​ສຸດ ​ໄດ້​ແກ່​ປອດ​ອັກ​ເສບ, ຖອກທ້ອງ ​ແລະ ມາລາ​ເຣຍ. ສະພາບ​ໂພຊະ​ນາ​ການ ​ເຊິ່ງ​ເຮັດ​ໃຫ້​ເດັກ​ຮ່າງກາຍ​ອ່ອນ​ແອ​ໃນ​ການ​ຕໍ່ຕ້ານ​ພະຍາດ​ຕ່າງໆ ຖື​ເປັນສາ​ເຫດການ​ເສຍ​ຊີວິດ​ເຖິງ​ເຄິ່ງໜຶ່ງ.

ລາຍ​ງານ​ລະບຸ​ວ່າ: ຢູ່​ອາ​ຟຣິກາ​ເຂດ​ຕອນ​ໃຕ້​ທະ​ເລ​ຊາ​ຮາຣາ ມີ​ອັດຕາ​ການ​ເສຍ​ຊີວິດ​ຂອງ​ເດັກ​ຫລາຍ​ທີ່​ສຸດ ​ໂດຍ​ໃນ​ປີ 2016 ມີ​ອັດຕາ​ການ​ເສຍ​ຊີວິດ​ສະ​ເລ່ຍ 79 ຄົນ​ຕໍ່​ເດັກ​ເກີດ​ໃໝ່​ 1.000 ຄົນ, ຂະນະ​ທີ່​ອິນ​ເດຍມີ​ຈຳນວນ​ເດັກ​ເສຍ​ຊີວິດ​ຫລາຍ​ທີ່​ສຸດ​ເຖິງ 850.000 ຄົນ, ຮອງ​ລົງ​ມາ​ຄື​ນີ​ເຊ​ລີ ມີ​ຈຳນວນ​ຫລາຍ​ກວ່າ 450.000 ຄົນ.

- Wave100S AD to Website 2020 0 - UN ຊີ້ມີເດັກເສຍຊີວິດວັນລະກວ່າ 15.000 ຄົນ ຈາກພະຍາດທີ່ປ້ອງກັນໄດ້
- WhatsApp Image 2020 05 27 at 5 - UN ຊີ້ມີເດັກເສຍຊີວິດວັນລະກວ່າ 15.000 ຄົນ ຈາກພະຍາດທີ່ປ້ອງກັນໄດ້
- WhatsApp Image 2020 05 27 at 5 - UN ຊີ້ມີເດັກເສຍຊີວິດວັນລະກວ່າ 15.000 ຄົນ ຈາກພະຍາດທີ່ປ້ອງກັນໄດ້
error: Alert: ເນື້ອຫາຂ່າວມີລິຂະສິດ !!