ກະຊວງ​ການ​ເງິນ​ອອກແຈ້ງ​ການໃຫ້ຜູ້ນຳ​ໃຊ້ພາຫະນະເສ​ຍຄ່າ​ທຳນຽມທາງຕາມ​ລະບຽບການ

- Untitled design - ກະຊວງ​ການ​ເງິນ​ອອກແຈ້ງ​ການໃຫ້ຜູ້ນຳ​ໃຊ້ພາຫະນະເສ​ຍຄ່າ​ທຳນຽມທາງຕາມ​ລະບຽບການ

ກະ​ຊວງ​ການ​ເງິນໄດ້ອອກແຈ້ງການໃຫ້​ຜູ້​ໃຊ້ລົ​ດ​ໄປ​ເສຍ​ຄ່າ​ທຳນຽມທາງນັບແຕ່ວັນ​ທີ​ 30 ຕຸລານີ້ຮອດວັນທີ 31 ມີນາ 2018 ຜ່ານ​ລະບົບ​ທະນາຄານໃນ 5 ທາງ​ເລືອ​ກ ແລະ ຖ້າທ່ານ​​ໃດ​ບໍ່ປະຕິ​ບັດ​ຕາມ​ການ​ແຈ້ງການ​ດັ່ງກ່າວ ​ແມ່ນ​ຈະ​ມີ​ການ​ປັບ​ໄໝຕາມ​ແຕ່​ລະ​ກໍ​ລະນີ, ເພື່ອ​ເຮັດ​ໃຫ້ການ​ເກັບ​ຄ່າ​ທຳນຽມປະ​ຈຳປີ 2017 ​ໄດ້​ຖືກ​ຈັດ​ຕັ້ງ​ປະຕິບັດຢ່າງ​ຖືກຕ້ອງ, ທັນ​ຕາມ​ກຳນົດ​ເວລາ ​ແ​ລະ ມີ​ຄວາມ​ເປັນ​ເອກະ​ພາບ​ໃນ​ຂອບ​ເຂດ​ທົ່ວ​ປະ​ເທດ.

ໂດຍແຈ້ງການຍັງໄດ້ລະບຸລະອຽດວ່າ: ບຸກຄົນນິຕິ​ບຸກຄົນ ​ແລະ ການ​ຈັດ​ຕັ້ງ​ ທີ່​ນຳ​ໃຊ້ຍາ​ນພາຫະນະ​ໃໝ່ ​ເຖິງ​ແມ່ນ​ວ່າ​ຈະ​ນຳ​ໃຊ້ ຫລື ຂຶ້ນທະບຽນຍານ​ພາຫະນະ​ໃນ​ວັນ​ທີ ຫລື ​ເດືອນ​ໃດ​ກໍຕາມ​ພາຍ​ໃນປີ ກໍ​ຕ້ອງ​​ໄດ້​ເສຍ​ຄ່າ​ທຳນຽມທາງ​ປະຈຳ​ປີຕາມອັດ​ຕາ​ຄ່າ​ທຳນຽມທາງ​​ຕາມ​ລັດ​ຖະບັນ​ຍັດຂອງ​ປະທານ​ປະ​ເທດ​ ສະບັບ​ເລກທີ 001/ປປທ ລົງວັນ​ທີ 20 ກັນຍາ 2017 ວ່າ​ດ້ວຍ​ຄ່າ​ທຳນຽມທາງດ້ວຍ 5 ທາງ​ເລືອ​ກ ຄື: ຊຳລະ​ຜ່ານ​ລະບົບ​ເຄົາ​ເຕີ​ຂອງ​ທະນາຄານ,​ ຊຳລະ​ຜ່ານ​ແອັບ​ພິ​ເຄ​ເຊິີນມື​ຖື,​ ຊຳລະ​ຜ່ານ​ຕູ້ ​ເອທີ​ເອັມ, ຊຳລະ​ຜ່ານ​ຕູ້​ອັດຕະ​ໂນ​ມັ​​ດ ​ແລະ ຊຳລະ​ຜ່ານ​ສະຖານ​ທີ່ຈຸດ​ໃຫ້​ບໍລິການ​ທີ​ໄດ້​ຮັບ​ອະ​ນຸຍາດ, ຖ້າ​ຫາກ​ບໍ່​ເຂົ້າ​ໃຈ​ລາຍ​ລະອຽດ ​ແມ່ນ​ໃຫ້​ຕິດ​ຕໍ່​ສອບ​ຖາມ​ມາ​ຍັງກົມ​ສວຍ​ສາ​ອາກອນ ຫລື ໂທ 021-217025  ​ແລະ ບໍລິການ​ສ​ອບ​ຖາມຂອງ​ທະນາ​ຄານ​ການ​ຄ້າ​ຕ່າງປະ​ເທດ​ລາວມະຫາຊົນ ໂທ 1555 ແລະ  ມອບ​ໃຫ້ກົມສວຍ​ສາ​ອາກອນ,​ ສວຍ​ສາ​ອາກອນ​ປະ​ຈຳ​ແຂວງ,​ ນະຄອນ​ຫລວງ,​ ສວຍ​ສາ​ອາກອນ​ປະຈຳ​ເມືອງ, ​ເທດສະບານ ປະສານ​ສົມທົບ​ກັບ​ທຸກ​ພາກ ສ່ວນ​ທີ່ກ່ຽວຂ້ອງ ​ເພື່ອຊຸກ​ຍູ້​ເຜີ​ຍ​ແຜ່​ການ​ຈັດ​ຕັ້ງ​ປະ​ຕິ​ບັດ​ການ​ເສຍ​ຄ່າ​ທຳນຽ​ມທາງ​ ປະຈຳ​ປີ 2017 ​ໃຫ້​ມີ​ປະສິດທິ​ຜົນ,​ ​ໂປ່​ງ​ໃສ ​ແລະ ຮັບປະກັນ​ການ​ເກັບ​ລາຍ​ຮັບ ​ຈາກ​ຄ່າ​ທຳນຽມທາງ​ເຂົ້າງົບປະມານ​ແຫ່ງລັດ​ຢ່າງຄົ​ບຖ້ວນ.

- Wave100S AD to Website 2020 0 - ກະຊວງ​ການ​ເງິນ​ອອກແຈ້ງ​ການໃຫ້ຜູ້ນຳ​ໃຊ້ພາຫະນະເສ​ຍຄ່າ​ທຳນຽມທາງຕາມ​ລະບຽບການ
- WhatsApp Image 2020 05 27 at 5 - ກະຊວງ​ການ​ເງິນ​ອອກແຈ້ງ​ການໃຫ້ຜູ້ນຳ​ໃຊ້ພາຫະນະເສ​ຍຄ່າ​ທຳນຽມທາງຕາມ​ລະບຽບການ
- WhatsApp Image 2020 05 27 at 5 - ກະຊວງ​ການ​ເງິນ​ອອກແຈ້ງ​ການໃຫ້ຜູ້ນຳ​ໃຊ້ພາຫະນະເສ​ຍຄ່າ​ທຳນຽມທາງຕາມ​ລະບຽບການ
error: Alert: ເນື້ອຫາຂ່າວມີລິຂະສິດ !!