ກອງປະຊຸມພາກທຸລະກິດ ຂອບການຮ່ວມມື ແມ່ນໍ້າຂອງ-ສ ເກົາຫລີ ຄັ້ງທີ 5

- Asean Korea - ກອງປະຊຸມພາກທຸລະກິດ ຂອບການຮ່ວມມື ແມ່ນໍ້າຂອງ-ສ ເກົາຫລີ ຄັ້ງທີ 5
- Untitled design - ກອງປະຊຸມພາກທຸລະກິດ ຂອບການຮ່ວມມື ແມ່ນໍ້າຂອງ-ສ ເກົາຫລີ ຄັ້ງທີ 5

ໃນວັນທີ 19-20 ຕາລາ ນີ້, ກະຊວງການຕ່າງປະເທດແຫ່ງ ສປປ ລາວ ຮ່ວມກັບ ກະຊວງການຕ່າງປະເທດ ສ ເກົາຫລີ ໄດ້ເປັນເຈົ້າພາບຮ່ວມຈັດກອງປະຊຸມປຶກສາຫາລືພາກທຸລະກິດ ຂອບການຮ່ວມມື ແມ່ນໍ້າຂອງ-ສ ເກົາຫລີ ຄັ້ງທີ 5 ພາຍໃຕ້ຫົວຂໍ້ “ການສົ່ງເສີມທຸລະກິດຂະໜາດນ້ອຍ-ກາງ ແລະ ອຸດສາຫະກໍາທ່ອງທ່ຽວ, ອາຫານ ແລະ ກະສິກໍາ ໃນບັນດາປະເທດແມ່ນໍ້າຂອງ ແລະ ສາທາລະນະລັດ ເກົາຫລີ” ຂຶ້ນທີນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດຂອງ ສປປ ລາວ ແລະ ທ່ານ Yun kang hyeon ຮອງລັດຖະມົນຕີ ກະຊວງການຕ່າງປະເທດ ສ ເກົາຫລີ, ໂດຍມີຜູ້ຕາງໜ້າຈາກກະຊວງ ແລະ ຂະແໜງການຕ່າງໆ, ນັກທຸລະກິດ ແລະ ຜູ້ປະກອບການ ຂອງບັນດາປະເທດແມ່ນໍ້າຂອງ ( ກໍາປູເຈຍ, ລາວ, ມຽນມາ, ໄທ, ຫວຽດນາມ) ແລະ ສ ເກົາຫລີ, ຜູ້ແທນຈາກສະຖາບັນແມ່ນໍ້າຂອງ (Mekong lnstitute) ແລະ ອົງການຈັດຕັ້ງສາກົນຕ່າງໆທີ່ກ່ຽວຂ້ອງເຂົາຮ່ວມນໍາດ້ວຍ.

ເພື່ອເປັນການສົ່ງເສີມ ແລະ ຂະຫຍາຍເຄື່ອຂ່າຍການຮ່ວມມືດ້ານທຸລະກິດ ລະຫວ່າງ ປະເທດສະມາຊິກແມ່ນໍ້າຂອງ ແລະ ສ ເກົາຫລີ, ພາກເອກະຊົນກໍຄືບັນດາບໍລິສັດຫ້າງຮ້ານຕ່າງໆຂອງສອງຝ່າຍ,  ມີການຈັບຄູ່ທຸລະກິດ (Business Matching) ໂດຍສະເພາະການຈັບຄູ່ທຸລະກິດທີ່ປິ່ນອ້ອມໃນອຸດສາຫະກໍາທ່ອງທ່ຽວ, ອາຫານ, ກະສິກໍາ ແລະ ອື່ນໆ.

ກອງປະຊຸມປຶກສາຫາລືພາກທຸລະກິດໃນຄັ້ງນີ້ ໄດ້ເນັ້ນໃສ່ຫາລືດ້ານນະໂຍບາຍການສົ່ງເສີມທຸລະກິດຂະໜາດນ້ອຍ ແລະ ກາງ ໂດຍສະເພາະການແລກປ່ຽນທັດສະນະ ແລະ ຄໍາຄິດເຫັນຮ່ວມກັນ ກ່ຽວກັບສິ່ງທ້າທາຍ ແລະ ກາລະໂອກາດຂອງການດໍາເນີນທຸລະກິດໃນບັນດາປະເທດແມ່ນໍ້າຂອງ, ພ້ອມດຽວກັນນີ້ ຍັງໄດ້ແລກປ່ຽນປະສົບການຕົວຈິງຂອງການດໍາເນີນທຸລະກິດ ຢູ່ບັນດາປະເທດແມ່ນໍ້າຂອງ, ໂດນສະເພາະ ສິ່ງອໍານວຍຄວາມສະດວກ, ຂໍ້ຫຍຸ້ງຍາກ ແລະ ການວາງແຜນຮ່ວມມືກັນໃນອະນາຄົດ.

- Wave100S AD to Website 2020 0 - ກອງປະຊຸມພາກທຸລະກິດ ຂອບການຮ່ວມມື ແມ່ນໍ້າຂອງ-ສ ເກົາຫລີ ຄັ້ງທີ 5
- WhatsApp Image 2020 05 27 at 5 - ກອງປະຊຸມພາກທຸລະກິດ ຂອບການຮ່ວມມື ແມ່ນໍ້າຂອງ-ສ ເກົາຫລີ ຄັ້ງທີ 5
- WhatsApp Image 2020 05 27 at 5 - ກອງປະຊຸມພາກທຸລະກິດ ຂອບການຮ່ວມມື ແມ່ນໍ້າຂອງ-ສ ເກົາຫລີ ຄັ້ງທີ 5
error: Alert: ເນື້ອຫາຂ່າວມີລິຂະສິດ !!