ທົ່ວປະເທດມີ 120 ໂຄງການນອກແຜນສະພາບໍ່ຮັບຮອງ

- 22520001 925242320986034 800359788485473426 o - ທົ່ວປະເທດມີ 120 ໂຄງການນອກແຜນສະພາບໍ່ຮັບຮອງ
- Untitled design - ທົ່ວປະເທດມີ 120 ໂຄງການນອກແຜນສະພາບໍ່ຮັບຮອງ

ອົງການກວດສອບແຫ່ງລັດກວດເຫັນການຄຸ້ມຄອງລາຍຈ່າຍໂຄງການລົງທຶນ ຂອງລັດຢູ່ໃນ 1 ກະຊວງ ແລະ 13 ແຂວງ ຍັງສືບຕໍ່ມີໂຄງການນອກແຜນທີ່ສະພາບໍ່ຮັບຮອງ 120 ໂຄງການ ແລະ ໂຄງການບໍ່ໄດ້ປະເມີນກ່ອນສະເໜີເອົາເຂົ້າແຜນລົງທຶນຂອງລັດຈໍານວນ 161 ໂຄງການ. ນີ້ແມ່ນຄໍາລາຍງານຂອງທ່ານນາງ ວຽງທອງ ສີພັນດອນ ປະທານອົງການກວດສອບແຫ່ງລັດໃນກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII, ຊຶ່ງພວມດໍາເນີນຢູ່ໃນປັດຈຸບັນນີ້ວ່າ: ຜ່ານການຈັດຕັ້ງປະຕິບັດແຜນງົບປະມານແຫ່ງລັດ ສົກປີ 2015-2016, ຊຶ່ງເປັນປີທີ 1 ຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ໂດຍໄດ້ດໍາເນີນການກວດສອບບັນດາອົງການຈັດຕັ້ງລັດ ຂັ້ນສູນກາງ ແລະ ທ້ອງຖິ່ນຈໍານວນ 58 ຫົວໜ່ວຍ, ກວດເຫັນໂຄງການນອກແຜນທີ່ສະພາແຫ່ງຊາດບໍ່ຮັບຮອງໃນມູນຄ່າຕາມສັນຍາກວ່າ 500 ຕື້ກີບ, ໂດຍໄດ້ເອົາເງິນເກີນແຜນຂອງແຂວງ, ເງິນຂາຍໄມ້, ເງິນງົບປະມານ, ເງິນລາຍຮັບວິຊາການ ແລະ ອື່ນໆຊໍາລະແລ້ວກວ່າ 41 ຕື້ກີບ ແລະ ຍັງຄ້າງຊໍາລະຕາມສັນຍາຈໍານວນ 461 ກວ່າຕື້ກີບ.

ທ່ານ​ປະທານ​ອົງການກວດ​ສອບ​ແຫ່ງ​ລັດ ກ່າວ​ວ່າ: ນອກນັ້ນ, ຍັງ​ມີໂຄງການບໍ່ໄດ້ປະເມີນກ່ອນສະເໜີເອົາເຂົ້າແຜນລົງທຶນຂອງລັດມູນຄ່າ 13.100 ກວ່າຕື້ກີບ ແລະ ໂຄງການທີ່ບໍ່ໄດ້ດໍາເນີນຂັ້ນຕອນການປະມູນຈໍານວນ 40 ໂຄງການ, ມີມູນຄ່າ 148 ກວ່າຕື້ກີບ, ມີ 1 ໂຄງການໄດ້ອວຍທຶນຫລາຍກວ່າ 1 ຕື້ກີບ, ໂດຍບໍ່ໄດ້ນໍາສະເໜີພະແນກແຜນການ ແລະ ການລົງທຶນຂອງແຂວງເພື່ອໃຫ້ສະພາປະຊາຊົນຂັ້ນແຂວງຮັບຮອງ. ພ້ອມນີ້, ຍັງກວດເຫັນ 4 ໂຄງການທີ່ມີມູນຄ່າຫລາຍກວ່າ 160 ຕື້ກີບ ແລະ ໄດ້ມີການດັດແກ້ເພີ່ມເປັນມູນຄ່າກວ່າ 188 ຕື້ກີບທີ່ໄດ້ຮັບຮອງຈາກສະພາແຫ່ງຊາດ, ແຕ່ບໍ່ມີເອກະສານຢັ້ງຢືນໃນການດັດແກ້, ກວດເຫັນ 839 ໂຄງການມູນຄ່າ 17.331 ກວ່າຕື້ກີບ ເອົາເຂົ້າແຜນສະພາແຫ່ງຊາດຮັບຮອງແລ້ວ, ແຕ່ຄວາມອາດສາມາດຊໍາລະຕົວຈິງຈາກງົບປະມານປົກກະຕິ ໄດ້ພຽງ 1.819 ກວ່າຕື້ກີບ, ເຮັດໃຫ້ມູນຄ່າຄ້າງຊໍາລະເກີນຄວາມສາມາດຂອງງົບປະມານແຫ່ງລັດ ແລະ ເປັນໜີ້ສິນຄຸມເຄືອ 15.511 ກວ່າຕື້ກີບ. ນອກນັ້ນຍັງກວດເຫັນການຈັດຕັ້ງປະຕິບັດໂຄງການລົງທຶນ 12 ໂຄງການມີມູນຄ່າ 1.858 ກວ່າຕື້ກີບ; ຊຶ່ງເປັນໂຄງການທີ່ໄດ້ຈັດຕັ້ງປະຕິບັດໄປແລ້ວ ຈຶ່ງໄດ້ອອກໃບຢັ້ງຢືນປະເມີນ ຜົນເປັນໂຄງການ ສະເໜີໃໝ່ ເພື່ອສະເໜີເຂົ້າແຜນການລົງທຶນຂອງລັດ; ການອອກໃບຢັ້ງຢືນປະເມີນ ຜົນໂຄງການ 75 ໂຄງການມູນຄ່າ 8.317 ກວ່າຕື້ກີບ ບໍ່ມີບົດສຶກສາຄວາມເປັນໄປໄດ້ໂຄງການ, ບົດ ລາຍງານສໍາຫລວດອອກແບບ, ບົດວິພາກເສດຖະກິດ-ເຕັກນິກ ແລະ ບົດປະເມີນຜົນ ກະທົບຕໍ່ສິ່ງແວດ ລ້ອມ-ສັງຄົມ; ກວດເຫັນການຊໍາລະໂຄງການລົງທຶນຂອງລັດ 29 ໂຄງການໃນນັ້ນຊໍາລະຕາມແຜນສະພາ ແຫ່ງຊາດຮັບ 21 ກວ່າຕື້ກີບ; ໄດ້ນໍາໃຊ້ເງິນລວມສູນບໍ່ແບ່ງປັນເພື່ອຊໍາລະເພີ່ມ ທີ່ບໍ່ນອນໃນແຜນຊໍາລະ ໃນສົກປີ 29 ໂຄງການ ເປັນມູນຄ່າ 563 ກວ່າຕື້ກີບ; ກວດເຫັນການຊໍາລະໂຄງການລົງທຶນຂອງລັດ 2 ແຂວງ ຄື ແຂວງຫລວງນໍ້າທາ ແລະ ບໍລິຄໍາໄຊ 3 ໂຄງການມູນຄ່າ 11 ກວ່າຕື້ກີບ; ບໍ່ສອດຄ່ອງກັບກົດ ໝາຍ; ກວດເຫັນການນໍາໃຊ້ເງິນເກີນແຜນ ມີ 5 ແຂວງ ແຂວງຜົ້ງສາລີ, ອຸດົມໄຊ, ບໍ່ແກ້ວ, ຊຽງຂວາງ ແລະ ແຂວງວຽງຈັນ ບໍ່ຖືກເປົ້າໝາຍລາຍຈ່າຍມູນຄ່າ 33 ກວ່າຕື້ກີບ; ໃນນັ້ນກວດເຫັນ 1 ແຂວງ ຄື: ໄຊສົມບູນ ໄດ້ກູ້ຢືມເງິນນໍາບໍລິສັດເອກະຊົນເພື່ອຈັດຊື້ພາຫະນະລົດໃຫຍ່ 9 ຄັນ ແລະ ລົດຈັກ 10 ຄັນ ຊຶ່ງມີຍອດເຫລືອຄ້າງຊໍາລະຕົ້ນທຶນ ແລະ ດອກເບ້ຍ 3 ກວ່າຕື້ກີບ ​ແລະ ອື່ນ​ໆ.

- Wave100S AD to Website 2020 0 - ທົ່ວປະເທດມີ 120 ໂຄງການນອກແຜນສະພາບໍ່ຮັບຮອງ
- WhatsApp Image 2020 05 27 at 5 - ທົ່ວປະເທດມີ 120 ໂຄງການນອກແຜນສະພາບໍ່ຮັບຮອງ
- WhatsApp Image 2020 05 27 at 5 - ທົ່ວປະເທດມີ 120 ໂຄງການນອກແຜນສະພາບໍ່ຮັບຮອງ
error: Alert: ເນື້ອຫາຂ່າວມີລິຂະສິດ !!