ກັກຕົວຜູ້ ມົ້ວສຸມດື່ມຄໍລາເຈນ 5 ຄົນ ຢູ່ໃນຮ້ານບັນເທິງ ເມືອງວຽງທອງ
May 20, 2024 - 10:10 AM

ເຈົ້າໜ້າທີ່ວິຊາສະເພາະ ປກສ ເມືອງວຽງທອງ ແຂວງບໍລິຄຳໄຊ ລາຍງານວ່າ: ເຊົ້າເວລາ 5:20 ໂມງ ຂອງວັນທີ 15 ພຶດສະພາ 2024 ນີ້, ເຈົ້າໜ້າທີ່ວິຊາສະເພາະ ປກສ ເມືອງ ໄດ້ຮັບແຈ້ງຈາກພົນລະເມືອງດີວ່າ ມີກຸ່ມໄວໜຸ່ມທີ່ກຳລັງມົ້ວສຸມສານເສບຕິດ (ຄໍລາເຈນ) ຢູ່ຮ້ານ ໃນພັບ ແຫ່ງໜຶ່ງຂອງເມືອງ, ຊຶ່ງແມ່ນ ທ້າວ ອາປີ່ງ ເປັນເຈົ້າຂອງ, ເຈົ້າໜ້າທີ່ຈຶ່ງໄດ້ລົງ ກວດກາຕົວຈິງ ພົບເຫັນກຸ່ມໄວໜຸ່ມ 4 ຄົນ ແລະ ເຈົ້າຂອງຮ້ານ 1 ຄົນ ກຳລັງມົ້ວສຸມສານເສບຕິດຢູ່.
ເຈົ້າໜ້າທີ່ຈຶ່ງໄດ້ກັກຕົວພວກກ່ຽວພ້ອມຂອງກາງ ເປັນຄໍລາເຈນ. ຜ່ານການສອບສວນຮູ້ວ່າມີຜູ້ມົ້ວສຸມ ຊື່ທ້າວ ອາປີ່ງ ເປັນເຈົ້າຂອງຮ້ານ, ທ້າວ ພອນ, ນາງ ແປ້ງ, ນາງ ໄມ ແລະ ນາງ ປອງ, ເຈົ້າໜ້າທີ່ຈຶ່ງນຳຕົວພວກກ່ຽວໄປສືບສວນ-ສອບສວນຫາຜູ້ຮ່ວມຂະບວນການຕື່ມອີກ.