ປກສ ເມືອງໄຊທານີ ແຈ້ງຫາເຈົ້າຂອງລົດຈັກ 74 ຄັນ ທີ່ເສຍຫາຍໃຫ້ນຳເອກະສານມາພົວພັນເອົາ
May 22, 2024 - 11:52 AM

ວັນທີ 20 ພຶດສະພາ 2024 ນີ້, ກອງບັນຊາການ ປກສ ເມືອງໄຊທານີ ໄດ້ອອກແຈ້ງການເຖິງປະຊາຊົນຜູ້ ທີ່ມີຊັບສິນ ປະເພດລົດຈັກ ເສຍຫາຍໃນຜ່ານມາ, ຍ້ອນວ່າ ມີລົດຈັກຈໍານວນ 74 ຄັນ ທີ່ກອງບັນຊາການ ປກສ ເມືອງໄຊທານີ ໄດ້ສະຫລຸບສໍານວນຄະດີ ແລະ ດໍາເນີນຄະດີສິ້ນສຸດຕາມຂະບວນການຂອງກົດຫມາຍແລ້ວ.
ດັ່ງນັ້ນຈຶ່ງແຈ້ງເຖິງຜູ້ເປັນເຈົ້າຂອງພາຫະນະນຳເອົາເອກະສານກ່ຽວຂ້ອງ ເຂົ້າມາພົວພັນເອົາເລີ່ມແຕ່ວັນທີ 20 ພຶດສະພາ 2024 ເຖິງວັນທີ 20 ມິຖຸນາ 2024 ຢູ່ພະແນກພະລາທິການ, ໜ່ວຍງານຊັບສິນກອງບັນຊາການ ປກສ ເມືອງໄຊທານີ ໃນໂມງລັດຖະການ (ລະອຽດແມ່ນມີບັນຊີພາຫະນະຕິດຂັດ). ພາຍຫລັງໝົດກໍານົດແຈ້ງການສະບັບນີ້ແລ້ວຫາກຍັງບໍ່ທັນມີຜູ້ມາພົວພັນເອົາແມ່ນຈະໄດ້ຢຶດເປັນຊັບສິນຂອງລັດແລ້ວຕີລາຄາປະມູນຂາຍຕາມທ້ອງຕະຫລາດ.



