5 ເຄັດລັບ ອ່ານໜັງສືໃຫ້ລູກຟັງ ຊ່ວຍຝຶກພາສາເວົ້າໃຫ້ລູກຢ່າງວ່ອງໄວ

- 5                                                                             - 5 ເຄັດລັບ ອ່ານໜັງສືໃຫ້ລູກຟັງ ຊ່ວຍຝຶກພາສາເວົ້າໃຫ້ລູກຢ່າງວ່ອງໄວ
- Untitled design - 5 ເຄັດລັບ ອ່ານໜັງສືໃຫ້ລູກຟັງ ຊ່ວຍຝຶກພາສາເວົ້າໃຫ້ລູກຢ່າງວ່ອງໄວ

ການອ່ານໜັງສືໃຫ້ລູກຟັງເຮັດໃຫ້ໄດ້ໃກ້ຊິດກັບລູກຫຼາຍຂຶ້ນ ແລະ ເປັນການຝຶກພາສາເວົ້າໃຫ້ລູກໄດ້ຫຼາຍອີກດ້ວຍ ລູກສາມາດເວົ້າໄດ້ຫຼາຍຄໍາ ແລະ ຈື່ຈໍາຄໍາສັບບາງຢ່າງໄດ້ຢ່າງວ່ອງໄວ ແລະ ຊ່ວຍໃຫ້ລູກໄດ້ຮັບປະໂຫຍດສູງສຸດ. ພໍ່ ແລະ ແມ່ຄວນເລີ່ມແບບນີ້:

  1. ອ່ານໜັງສືໃຫ້ລູກຟັງທຸກວັນ: ເຮັດໃຫ້ຄືເປັນກິດຈະວັດປະຈໍາວັນ ໃຫ້ລູກຄຸ້ນເຄີຍ, ໃຊ້ເວລາພຽງ 5 ຫາ 10 ນາທີກໍໄດ້ ລູກຕ້ອງການຄວາມຖີ່ ແລະ ຄວາມເຄີຍຊິນ. ຜົນວິໄຈພົບວ່າ ຖ້າເລີ່ມອ່ານໜັງສືໃຫ້ລູກຟັງຕັ້ງແຕ່ລູກອາຍຸ 5 ເດືອນ ພໍລູກອາຍຸ 18-25 ເດືອນ ລູກຈະຮູ້ຄໍາສັບ ແລະ ນິໄສສໍາຄັນບາງຢ່າງຫຼາຍກວ່າເດັກນ້ອຍທົ່ວໄປ ທີ່ບໍ່ຄ່ອຍໄດ້ອ່ານໜັງສືໃຫ້ຟັງ.
  2. ເຮັດໃຫ້ລູກຫຼົງຮັກໜັງສື: ເລືອກໜັງສືທີ່ມີສີສັນສົດໃສ, ພາບປະກອບເຂົ້າໃຈງ່າຍໆ ຫຼື ຮູບພາບທີ່ລູກຄຸ້ນເຄີຍ ອາດຈະເລີ່ມດ້ວຍພາບຖ່າຍຄອບຄົວ ຫຼື ໝາ, ແມວ ສັດທີ່ລູກເຄີຍເຫັນກ່ອນ ກໍຈະງ່າຍຕໍ່ການຈື່ຈໍາ ຊັກຊວນໃຫ້ເບິ່ງ ເພື່ອໃຫ້ລູກໄດ້ຕອບສະໜອງໃນສິ່ງທີ່ເຫັນຢູ່ກໍຈະດີຫຼາຍ.
  3. ອ່ານເລື່ອງ​ເກົ່າຊໍ້າໆ: ເຮົາອາດຈະບໍ່ຕື່ນເຕັ້ນ ແຕ່ຜູ້ຊ່ຽວຊານບອກວ່າ ສໍາລັບລູກຈະເປັນເລື່ອງຕື່ນເຕັ້ນສະເໝີ ລູກຈະມັກ ແລະ ຈື່ຈໍາຄໍາສັບ ແລະ ປະໂຫຍກໄດ້ເປັນຢ່າງດີ, ລູກຈະເກັບຄໍາສັບ ແລະ ຂໍ້ມູນຕ່າງໆໄວ້ໃນສະໝອງກ່ອນ ລູກຈະຍັງບໍ່ສື່ສານ ຫຼື ສະແດງອອກມາໃຫ້ເຫັນວ່າລູກຈື່ໄດ້ແລ້ວ ຫຼືສາມາດເວົ້າອອກມາເປັນຄໍາໄດ້ ແຕ່ອີກບໍ່ດົນລູກຈະນໍາມາໃຊ້ໄດ້ດີ ຈົນແມ່ຕະລຶງໃນຄວາມສາມາດຂອງສະໝອງນ້ອຍໆຂອງລູກ.
  4. ອ່ານໜັງສືໃຫ້ລູກຟັງ ຄືກັບການລົມກັບລູກໄປພ້ອມ: ເວລາອ່ານໜັງສືໃຫ້ລູກຟັງ ຄວນໃຊ້ນໍ້າສຽງທີ່ສູງຕໍ່າໃຫ້ເຂົ້າກັບເລື່ອງທີ່ອ່ານ, ຊັກຊວນລູກໃຫ້ເຂົ້າມາໃນບົດສົນທະນາ ໃຫ້ລູກເໜືອນຢູ່ໃນຈິນຕະນາການ ເປັນໜຶ່ງດຽວໄ​ປກັບໜັງສື ​ໄລຍະທີ່ຄວນເລີ່ມອ່ານໜັງສືໃຫ້ລູກຟັງຄື 5-6 ເດືອນເປັນຕົ້ນໄປ ເພາະໃນ​ໄລຍະ​ນີ້ລູກຈະພະຍາຍາມອອກສຽງ ແລະ ເລີ່ມຮຽນເວົ້າ.
  5. ເຮັດໃຫ້ແນ່ໃຈວ່າທີ່ອ່ານຢູ່ເຮັດໃຫ້ລູກສະໜຸກສະໜານ: ມັນເປັນສິ່ງສໍາຄັນຫຼາຍ ເຮົາຄວນເລືອກໜັງສືທີ່ຈະອ່ານໃຫ້ລູກຟັງໃຫ້ດີ ວ່າຄວນເລືອກແບບໃດ, ໜັງສືແບບໃດເໝາະກັບອາຍຸຂອງລູກ, ໜັງສືນິທານທີ່ເບິ່ງເປັນຕາຢ້ານ ຫຼື ໜັງສືທີ່ກ່ຽວກັບວິຊາການ ກໍບໍ່ຄວນເອົາມາເປີດອ່ານ ຫຼື ເລົ່າໃຫ້ລູກຟັງ ເພາະນອກຈາກລູກຈະບໍ່ຮູ້ເລື່ອງແລ້ວ ຍັງຫາເລື່ອງລົມກັບລູກຍາກອີກ.

 

- Wave100S AD to Website 2020 0 - 5 ເຄັດລັບ ອ່ານໜັງສືໃຫ້ລູກຟັງ ຊ່ວຍຝຶກພາສາເວົ້າໃຫ້ລູກຢ່າງວ່ອງໄວ
- WhatsApp Image 2020 05 27 at 5 - 5 ເຄັດລັບ ອ່ານໜັງສືໃຫ້ລູກຟັງ ຊ່ວຍຝຶກພາສາເວົ້າໃຫ້ລູກຢ່າງວ່ອງໄວ
- WhatsApp Image 2020 05 27 at 5 - 5 ເຄັດລັບ ອ່ານໜັງສືໃຫ້ລູກຟັງ ຊ່ວຍຝຶກພາສາເວົ້າໃຫ້ລູກຢ່າງວ່ອງໄວ
error: Alert: ເນື້ອຫາຂ່າວມີລິຂະສິດ !!