ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ​ເຊື່ອມ​ຊຶມ​ມະຕິ​ກອງ​ປະຊຸມຄົບ​ຄະນະບໍລິຫານ​ງານ​ສູນ​ກາງ​ພັກຄັ້ງ​ທີ 5 ສະ​ໄໝ​ທີ X

- IMC - ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ​ເຊື່ອມ​ຊຶມ​ມະຕິ​ກອງ​ປະຊຸມຄົບ​ຄະນະບໍລິຫານ​ງານ​ສູນ​ກາງ​ພັກຄັ້ງ​ທີ 5 ສະ​ໄໝ​ທີ X
- Untitled design - ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ​ເຊື່ອມ​ຊຶມ​ມະຕິ​ກອງ​ປະຊຸມຄົບ​ຄະນະບໍລິຫານ​ງານ​ສູນ​ກາງ​ພັກຄັ້ງ​ທີ 5 ສະ​ໄໝ​ທີ X

ອົງຄະ​ນະ​ພັກ​ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ (ຖວທ) ໄດ້ຈັດ​ກອງ​ປະຊຸມ​ເຜີຍ​ແຜ່​​ເຊື່ອມ​ຊຶມມະຕິ​ກອງ​ປະຊຸມ​ຄົບ​ຄະນະຄັ້ງ​ທີ 5 ຂອງ​ຄະນະ​ບໍລິຫານ​ງານ​ສູນ​ກາງ​ພັກສະ​ໄໝ​ທີ X ຂຶ້ນ​ໃນ​ວັນ​ທີ 20 ຕຸລານີ້, ​ໂດຍການ​ເຜີຍ​ແຜ່​ຂອງສະຫາຍ ບໍ່​ແສງ​ຄຳ ວົງ​ດາລາ ກຳມະການ​ສູນ​ກາງ​ພັກ, ເລຂາ​ຄະນະ​ພັກ, ລັດຖະມົນຕີກະຊວງກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ, ​ມີຄະນະ​ພັກ​ກະຊວງ, ​ເລຂາ​ ແລະ ຮອງ​ເລຂາໜ່ວຍ​ພັກຫ້ອງການ​, ກົມກອງ​ອ້ອມ​ຂ້າງ​ກະຊວງ​ເຂົ້າ​ຮ່ວມຢ່າງພ້ອມພຽງ.

ສະຫາຍ ບໍ່​ແສງ​ຄຳ ວົງ​ດາລາ ​​ໃຫ້​ຮູ້​ວ່າ: ກອງ​ປະຊຸມດັ່ງກ່າວ, ​ໄດ້​ຈັດ​ຂຶ້ນ​ແຕ່​ວັນ​ທີ 11-21 ກັນຍາ 2017 ທີ່​ນະຄອນຫລວງ​ວຽງ​ຈັນ, ​ພາຍ​ໃຕ້​ການ​ເປັນ​ປະທານ​ຂອງສະຫາຍ ບຸນ​ຍັງ ວໍລະ​ຈິດ ​ເລຂາທິການ​ໃຫຍ່ຄະນະ​ບໍລິຫານ​ງານ​ສູນ​ກາງ​ພັກປະຊາຊົນ​ປະຕິວັດ​ລາວ. ກອງ​ປະຊຸມ​ໄດ້​ຮັບ​ຟັງ​ບົດ​ລາຍ​ງານ​ຂອງ​ຄະນະ​ເລຂາທິການ​ສູນ​ກາງ​ພັກກ່ຽວ​ກັບ​ການ​ຕີ​ລາຄາ​ຜົນ​ການຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ສູນ​ກາງ​ພັກຄັ້ງ​ທີ 4 ສະ​ໄໝ​ທີ X, ພ້ອມ​ທັງ​ຮັບ​ຟັງ​ລາຍ​ງານ​ເພີ່ມ​ເຕີມ​ຈາກ​ລັດຖະບານ ​ແລະ ກະຊວງ​ຈຳນວນ​ໜຶ່ງ. ພິ​ເສດ​ ກອງ​ປະຊຸມ​ຍັງ​ໄດ້​ຮັບ​ຟັງ​ລາຍ​ງານ​ສະ​ເພາະກ່ຽວ​ກັບ​ການ​ຕີ​ລາຄາ​ສະພາບ​ການ​ເຄື່ອນ​ໄຫວ​ນຳພາ​ຂອງ​ພັກ ​ໃນ​ຂົງ​ເຂດ​ວຽກ​ງານ​ແນວ​ຄິດ-ວັດທະນະທຳ​ໃນ​ໄລຍະ​ຜ່ານ​ມາ ​ແລະ ທິດ​ທາງ​ຕໍ່ໜ້າ.

ກອງ​ປະຊຸມ​ຄັ້ງ​ນີ້, ​ໄດ້​ຄົ້ນຄວ້າປຶກສາ​ຫາລື ​ແລະ ຕົກລົງ​ເປັນ​ເອກະ​ພາບ​ຮັບຮອງ​ເອົາ​ບັນດາ​ເນື້ອ​ໃນ​ຕົ້ນ​ຕໍຄື: ຜົນ​ການ​ຜັນ​ຂະຫຍາຍ ​ແລະ ຈັດ​ຕັ້ງ​ປະຕິບັດມະຕິ​ກອງ​ປະຊຸມ​ສູນ​ກາງ​ພັກຄົບ​ຄະນະຄັ້ງ​ທີ 4 ສະ​ໄໝ​ທີ X, ໝາກຜົນ​ຂອງ​ການ​ຜັນ​ຂະຫຍາຍແຕ່​ລະ​ຂົງ​ເຂດວຽກ​ງານ, ​ໂດຍ​ສະ​ເພາະ​ຂົງ​ເຂດ​ເສດຖະກິດ ​ແມ່ນ​ສາມາດ​ບັນລຸ​ການ​ເຕີບ​ໂຕຂອງ​ລວມຍອດ​ຜະລິດ​ຕະພັນ​ພາຍ​ໃນສະເລ່ຍ 6,83% ​ແລະ ຕົວ​ເລກ​ຄາດໝາຍອື່ນໆ​ກໍ​ປະຕິບັດ​ໄດ້​ຕາມ​ແຜນ, ຂົງ​ເຂດ​ປ້ອງ​ກັນ​ຄວາມ​ສະຫງົບ​ແມ່ນ​ສາມາດ​ເຮັດ​ໃຫ້​ສະພາບ​ການ​ຢູ່​ເຂດ​ຫລໍ່​ແຫລມເຂົ້າ​ສູ່​ສະພາບ​ປົກກະຕິ, ສະກັດ​ກັ້ນ ​ແລະ ທັບ​ມ້າງ​ການ​ເຄື່ອນ​ໄຫວ​ມ້າງ​ເພ​ທຳລາຍ​ ຄວາມ​ສະຫງົບ​ໝັ້ນຄົງ​ໃນ​ສັງຄົມຂອງ​ບັນດາ​ອິດ​ທິກຳລັງ​ປໍ​ລະ​ປັກ ​ແລະ ກຸ່ມ​ຄົນ​ບໍ່​ດີ​ຢ່າງ​ທັນ​ການ, ບັນລຸ​ຜົນສຳ​ເລັ​ດ​ໃນ​ການ​ປາບ​ປາມ​ຢາ​ເສບ​ຕິດ ​ແລະ ອາ​ຊະ​ຍາ​ກຳ​ອື່ນໆ​ຈຳ​ນວນ​ໜຶ່ງ, ການ​ຊີ້​ນຳ​ຜັນ​ຂະຫຍາຍ​ແນວ​ທາງ​ນະ​ໂຍບາຍ​ຂອງ​ພັກ ​ໃນ​ຂົງ​ເຂດ​ວັດທະນະທຳ-ສັງຄົມ ສືບ​ຕໍ່​ໄດ້​ຮັບ​ການ​ເອົາ​ໃຈ​ໃສ່​ຢ່າງ​ຕໍ່​ເນື່ອງ ​ແລະ ສາມາດ​ບັນລຸ​ໄດ້​ຕາມ​ເປົ້າ​ໝາຍ​ເປັນ​ກ້າວໆ, ວຽກ​ງານ​ການ​ຕ່າງປະ​ເທດ​ກໍ​ໄດ້​ມີ​ການ​ເຄື່ອນ​​ໄຫວ​ຢ່າງ​ແຂງ​ແຮງສາມາດ​ຊຸກຍູ້​ໃຫ້​ມີ​ຂໍ້​ຕົກລົງ​ຮ່ວມ​ມື​ສອງ​ຝ່າຍ, ຫລາຍ​ຝ່າຍ ແລະ ອື່ນໆ.

- Wave100S AD to Website 2020 0 - ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ​ເຊື່ອມ​ຊຶມ​ມະຕິ​ກອງ​ປະຊຸມຄົບ​ຄະນະບໍລິຫານ​ງານ​ສູນ​ກາງ​ພັກຄັ້ງ​ທີ 5 ສະ​ໄໝ​ທີ X

ກອງ​ປະຊຸມ​ຍັງ​ໄດ້​ກຳນົດ​ທິດ​ທາງ​ແຜນການ​​ຕໍ່ໜ້າໃນ​ແຕ່ລະ​ຂົງ​ເຂດ​ວຽກ​ງານ ​ແລະ ສືບ​ຕໍ່​ຜັນ​ຂະຫຍາຍມະຕິກອງ​ປະຊຸມ​ຄົບ​ຄະນະຂອງ​ຄະນະ​ບໍລິຫານ​ງານ​ສູນ​ກາງ​ພັກຄັ້ງ​ທີ 4-5 ສະ​ໄໝ​ທີ X ​ໂດຍ​ເອົາ​ການ​ເຄື່ອນ​ໄຫວ​ນີ້​ຕິດ​ພັນ​ກັບ​ການ​ກະກຽມ ​ແລະ ດຳ​ເນີນ​ກອງ​ປະຊຸມ​ໃຫຍ່ 3 ຂັ້ນຂອງ​ພັກກໍ​ຄືການ​ກະກຽມ​ເນື້ອ​ໃນ​ກອງ​ປະຊຸມຄົບ​ຄະນະຄັ້ງ​ທີ 6 ຂອງ​ຄະນະ​ບໍລິຫານ​ງານ​ສູນ​ກາງ​ພັກສະ​ໄໝ​ທີ X ​ແລະ ອື່ນໆ.

 

- WhatsApp Image 2020 05 27 at 5 - ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ​ເຊື່ອມ​ຊຶມ​ມະຕິ​ກອງ​ປະຊຸມຄົບ​ຄະນະບໍລິຫານ​ງານ​ສູນ​ກາງ​ພັກຄັ້ງ​ທີ 5 ສະ​ໄໝ​ທີ X
- WhatsApp Image 2020 05 27 at 5 - ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ​ເຊື່ອມ​ຊຶມ​ມະຕິ​ກອງ​ປະຊຸມຄົບ​ຄະນະບໍລິຫານ​ງານ​ສູນ​ກາງ​ພັກຄັ້ງ​ທີ 5 ສະ​ໄໝ​ທີ X
error: Alert: ເນື້ອຫາຂ່າວມີລິຂະສິດ !!