ລັດຖະມົນຕີ ຖວທ ຮ່ວມເປີດງານບຸນລາວ ປະຈໍາປີ 2024ຢູ່ນະຄອນຫລວງໂຕກຽວ ປະເທດຍີ່ປຸ່ນ

- 6321 - ລັດຖະມົນຕີ ຖວທ ຮ່ວມເປີດງານບຸນລາວ ປະຈໍາປີ 2024ຢູ່ນະຄອນຫລວງໂຕກຽວ ປະເທດຍີ່ປຸ່ນ
- kitchen vibe - ລັດຖະມົນຕີ ຖວທ ຮ່ວມເປີດງານບຸນລາວ ປະຈໍາປີ 2024ຢູ່ນະຄອນຫລວງໂຕກຽວ ປະເທດຍີ່ປຸ່ນ

ວັນທີ 25 ພຶດສະພາ 2024, ທ່ານ ນາງ ສວນສະຫວັນ ວິຍະເກດ, ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ເຂົ້າຮ່ວມພິທີເປີດງານບຸນລາວ ປະຈໍາປີ 2024 ຄັ້ງທີ 12 ຢູ່ນະຄອນຫລວງໂຕກຽວ ປະເທດຍີ່ປຸ່ນ.

ໂອກາດນີ້, ທ່ານ ລັດຖະມົນຕີ ຖວທ ກ່າວວ່າ: ການຈັດງານບຸນລາວ ໄດ້ຈັດຕັ້ງປະຕິບັດມາເປັນ 12 ຄັ້ງແລ້ວ ແລະ ຂ້າພະເຈົ້າເອງ ກໍ່ໄດ້ມາເຂົ້າຮ່ວມງານໃນຄັ້ງນີ້ ເປັນຄັ້ງທໍາອິດ ຊຶ່ງເປັນບຸນເທດສະການປະຈຳປີ ໃນການ ເຜີຍແຜ່ ທາງດ້ານວັດທະນະທຳຂອງລາວ ໃຫ້ຊາວຍີ່ປຸ່ນໄດ້ຮັບຮູ້ຢ່າງກວ້າງຂວງ ໂດຍສະເພາະ ແມ່ນ ຊາວນະຄອນຫລວງໂຕກຽວ, ທັງເປັນກິດຈະກຳໜຶ່ງ ທີ່ປະກອບສ່ວນອັນສໍາຄັນ ໃນການເສີມສ້າງສາຍ ພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ລາວ-ຍີ່ປຸ່ນ ກໍຄືການເປັນຄູ່ຮ່ວມມື ດ້ານຍຸດທະສາດ ທີ່ມີຄວາມສະໜິດແໜ້ນ, ພ້ອມທັງສ້າງຄວາມເຂົ້າໃຈ ເຊິ່ງກັນ ແລະ ກັນ ລະຫວ່າງ ປະຊາຊົນສອງຊາດເຮົາ ານການສະແດງສິລະປະວັດທະນະທໍາ ດ້ວຍຫລາຍຮູບແບບທີ່ໜ້າຊື່ນຊົມ , ສົມກັບວ່າ ສປປ ລາວ ແລະ ຍີ່ປຸ່ນ ມີສາຍພົວພັນມິດຕະພາບຢ່າງສະໜິດແໜ້ນ ແລະ ການຮ່ວມມື ທີ່ເປັນມູນເຊື້ອມາແຕ່ດົນນານ ຊຶ່ງໃນປີ 2025 ທີ່ຈະມາເຖິງນີ້, ກໍຈະເປັນປີໜຶ່ງທີ່ສໍາຄັນທີ່ລັດຖະບານ ແຫ່ງ ສປປ ລາວ ແລະ ລັດຖະບານຍີ່ປຸ່ນ ຈະໄດ້ພ້ອມກັນສະເຫຼີມສະຫຼອງການສ້າງຕັ້ງສາຍພົວພັນທາງການທູດລາວ-ຍີ່ປຸ່ນ ຄົບຮອບ 70 ປີ (05 ມີນາ 1955 05 ມີນາ 2025) ແລະ 10 ປີແຫ່ງການເປັນຄູ່ຮ່ວມມືຍຸດທະສາດອີກດ້ວຍ.

- Visit Laos Visit SALANA BOUTIQUE HOTEL - ລັດຖະມົນຕີ ຖວທ ຮ່ວມເປີດງານບຸນລາວ ປະຈໍາປີ 2024ຢູ່ນະຄອນຫລວງໂຕກຽວ ປະເທດຍີ່ປຸ່ນ

ສໍາລັບດ້ານການທ່ອງທ່ຽວ ຕາມຕົວເລກສະຖິຕິຂອງນັກທ່ອງທ່ຽວ ປະຈຳປີ 2023 ນັກທ່ອງທ່ຽວຍີ່ປຸ່ນ ທີ່ເດີນທາງໄປທ່ຽວ ສປປ ລາວ ຈໍານວນ 24.824 ເທື່ອຄົນ. ເນື່ອງຈາກວ່າປີ 2024 ເປັນປີທ່ອງທ່ຽວລາວ ພາຍໃຕ້ຄໍາຂັວນ ທ່ອງທ່ຽວລາວ ປອດໄພ, ຊື່ນໃຈໃນວັດທະນະທຳ, ທຳມະຊາດ ແລະ ປະຫວັດສາດ” ໄດ້ສ້າງກິດຈະກຳ ແລະ ຂະບວນການສົ່ງເສີມການທ່ອງທ່ຽວ ໃນຂອບເຂດທົ່ວປະເທດເຮັດໃຫ້ຈໍານວນນັກທ່ອງທ່ຽວນັບມື້ນັບເພີ່ມຂຶ້ນ. ໃນ 3 ເດືອນຕົ້ນປີ 2024 ນີ້ ຈໍານວນນັກທ່ອງທ່ຽວຍີ່ປຸ່ນ ເຂົ້າມາທ່ອງທ່ຽວ ສປປ ລາວ ຈໍານວນ 9.381 ເທື່ອຄົນ ຖ້າທຽບໃສ່ໃນໄລຍະດຽວກັນຂອງປີ2023 ມີຈໍານວນນັກທ່ອງທ່ຽວ 6.044 ເທື່ອຄົນ ຄິດເປັນສ່ວນຮ້ອຍເທົ່າກັບ 5 ສ່ວນຮ້ອຍ.

ພ້ອມນີ້ກໍຂໍສະແດງຄວາມຂອບໃຈ ແລະ ຮູ້ບຸນຄຸນອີກເທື່ອໜຶ່ງ ມາ ຍັງລັດຖະບານ ແລະ ປະຊາຊົນຍີ່ປຸ່ນ ທີ່ໃຫ້ຄວາມຊ່ວຍເຫລືອ ແລະ ສະໜັບສະໜູນ ສປປ ລາວ ຕະຫຼອດມາ, ຂໍສະແດງຄວາມຂອບໃຈ ຢ່າງສູງ ມາຍັງຄະນະຮັບຜິດຊອບພິທີ, ອຳນາດການປົກຄອງທີ່ ກ່ຽວຂ້ອງ ຂອງຍີ່ປຸ່ນ, ສະຖານທູດລາວປະຈຳຍີ່ປຸ່ນ ແລະ ທຸກພາກສ່ວນ ທີ່ໃຫ້ຄວາມຮ່ວມມືຢ່າງ ໃກ້ຊິດ ແລະ ມີປະສິດທິຜົນ ເຮັດໃຫ້ການຈັດງານໃນຄັ້ງນີ້ ໄດ້ຮັບຜົນດີຕາມຄາດໝາຍ ທີ່ວາງໄວ້, ຊຶ່ງ ງານບຸນລາວຄັ້ງນີ້ ບັນດາທ່ານ ຈະຮັບຊົມການສະແດງສິລະປະວັນນະຄະດີຈາກນັກສະແດງແຫ່ງຊາດ ລາວ ແລະ ຊິມອາຫານທີ່ເປັນເອກະລັກຂອງ ສປປ ລາວ, ຂ້າພະເຈົ້າຫວັງຢ່າງຍິ່ງວ່າບັນດາທ່ານຈະມີ ຄວາມປະທັບໃຈຕໍ່ກັບການສະແດງສິລະປະຕ່າງໆ ແລະ ກິນອາຫາຢ່າງແຊບຊ້ອຍ ມ່ວນຊື່ນໄປພ້ອມໆກັນ.

- 4 - ລັດຖະມົນຕີ ຖວທ ຮ່ວມເປີດງານບຸນລາວ ປະຈໍາປີ 2024ຢູ່ນະຄອນຫລວງໂຕກຽວ ປະເທດຍີ່ປຸ່ນ
- 5 - ລັດຖະມົນຕີ ຖວທ ຮ່ວມເປີດງານບຸນລາວ ປະຈໍາປີ 2024ຢູ່ນະຄອນຫລວງໂຕກຽວ ປະເທດຍີ່ປຸ່ນ
- 3 - ລັດຖະມົນຕີ ຖວທ ຮ່ວມເປີດງານບຸນລາວ ປະຈໍາປີ 2024ຢູ່ນະຄອນຫລວງໂຕກຽວ ປະເທດຍີ່ປຸ່ນ