ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ

ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ - 7143 - ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ
ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ - kitchen vibe - ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ
ວັນທີ 27 ພຶດສະພາ 2024, ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ສູຍເຄີລາຍທີ ຈາເຄີເອີ ຮອງປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 24-28 ພຶດສະພາ 2024.

ໂອກາດນີ້, ທ່ານ ປະທານປະເທດ ໄດ້ສະແດງຄວາມດີໃຈ ແລະ ຍິນດີຕ້ອນຮັບ ຕໍ່ ທ່ານ ສູຍເຄີລາຍທີ ຈາເຄີເອີ ພ້ອມຄະນະ ທີ່ເຫັນເຖິງການໄປມາຫາສູ່ ແລະ ການພົບປະແລກປ່ຽນຄວາມຄິດຄວາມເຫັນຮ່ວມກັນ ລະຫວ່າງການນໍາຂັ້ນຕ່າງໆຂອງ ສອງພັກ ລາວ-ຈີນ ໄດ້ເປັນມູນເຊື້ອປະເພນີ ແລະ ຖືເປັນກົນໄກການພົວພັນທີ່ດີຂອງພວກເຮົາ, ມີບົດບາດສໍາຄັນໃນການແລກປ່ຽນທັດສະນະ ແລະ ບົດ ຮຽນຮ່ວມກັນ ເພື່ອຊຸກຍູ້ເສີມຂະຫຍາຍສາຍພົວພັນ ລະຫວ່າງສອງພັກ, ສອງລັດ, ສອງອົງການນິຕິ ບັນຍັດ ແລະ ປະຊາຊົນສອງຊາດ ລາວ-ຈີນ ໃຫ້ນັບມື້ມີປະສິດທິຜົນສູງຂຶ້ນ; ພ້ອມທັງຊົມເຊີຍຕໍ່ຜົນການພົບປະການນຳຂອງສະພາແຫ່ງຊາດລາວ ໂດຍໄດ້ລົງເລິກປຶກສາຫາລືແລກປ່ຽນ ກ່ຽວກັບການເສີມຂະຫຍາຍສາຍພົວພັນສອງຝ່າຍ ລະຫວ່າງ ສະພາແຫ່ງຊາດ ລາວ ແລະ ສະພາຜູ້ແທນປະຊາຊົນທົ່ວປະເທດຈີນ; ເຊື່ອໝັ້ນວ່າການມາຢ້ຽມຢາມ ແລະ ເຮັດວຽກຢູ່ ສປປ ລາວ ຈະເປັນໂອກາດດີ ໃນການແລກປ່ຽນຄໍາຄິດຄໍາເຫັນກ່ຽວກັບການພົວພັນຮ່ວມມື ລະຫວ່າງ ລາວ-ຈີນ ໃຫ້ສືບຕໍ່ກ້າວສູ່ລວງເລິກ ແລະ ມີໝາກມີຜົນຍິ່ງຂຶ້ນໃນຕໍ່ໜ້າ ໂດຍສະເພາະແມ່ນລະຫວ່າງອົງການນິຕິບັນຍັດຂອງສອງປະເທດ ລາວ-ຈີນ, ຈີນ-ລາວ. ພ້ອມດຽວກັນນີ້, ທ່ານ ທອງລຸນ ສີສຸລິດ ຍັງໄດ້ຝາກຄວາມຢື້ຢາມຖາມຂ່າວໄປຍັງ ທ່ານ ສີ ຈິ້ນ ຜິງ ເລຂາທິການໃຫຍ່ ປະທານປະເທດ ແຫ່ງ ສປ ຈີນ ແລະ ການນຳຂັ້ນສູງ ຂອງພັກ-ລັດຈີນ.

ທ່ານ ສູຍເຄີລາຍທີ ຈາເຄີເອີ ໄດ້ສະແດງຄວາມຂອບໃຈຕໍ່ ທ່ານ ທອງລຸນ ສີສຸລິດ ທີ່ໄດ້ຕ້ອນຮັບການເຂົ້າຢ້ຽມຂໍ່ານັບຄັ້ງນີ້; ພ້ອມທັງ ໄດ້ນໍາເອົາຄໍາຢ້ຽມຢາມຖາມຂ່າວຈາກ ທ່ານ ສີ ຈິ້ນ ຜິງ ເລຂາທິການໃຫຍ່ ປະທານປະເທດ ແຫ່ງ ສປ ຈີນ ແລະ ທ່ານ ຈ້າວ ເລີ້ ຈີ້ ປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ມາຍັງ ທ່ານ ທອງລຸນ ສີສຸລິດ; ພ້ອມທັງໄດ້ລາຍງານກ່ຽວກັບການທີ່ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ລວມເຖິງຜົນຂອງການພົບປະກັບຮອງປະທານສະພາແຫ່ງຊາດ ແຫ່ງ ສປປ ລາວ ພ້ອມຄະນະ ໄດ້ໄດ້ມີຜົນສຳເລັດໃນການເປັນເອກະພາບກ່ຽວກັບທິດທາງ ແລະ ແຜນການຮ່ວມມືໃນຕໍ່ໜ້າ.

ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ - Visit Laos Visit SALANA BOUTIQUE HOTEL - ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ
ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ - 4 - ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ
ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ - 5 - ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ
ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ - 3 - ປະທານປະເທດ ຕ້ອນຮັບ ຮອງປະທານສະພາຜູ້ແທນປະຊາຊົນທົ່ວປະເທດຈີນ ເຂົ້າຢ້ຽມຂໍ່ານັບ