ນະຄອນ​ຫລວງ​ວຽງຈັນ ຈະ​ປັບປຸງ​ການຈັດ​ງານ​ບຸນຊ່ວງ​ເຮືອ ໃຫ້​ດີ​ຂຶ້ນ​ໃນ​ປີໜ້າ

- 22555511 1438615742917838 3166011990663890073 o - ນະຄອນ​ຫລວງ​ວຽງຈັນ ຈະ​ປັບປຸງ​ການຈັດ​ງານ​ບຸນຊ່ວງ​ເຮືອ ໃຫ້​ດີ​ຂຶ້ນ​ໃນ​ປີໜ້າ
- AGL banner - ນະຄອນ​ຫລວງ​ວຽງຈັນ ຈະ​ປັບປຸງ​ການຈັດ​ງານ​ບຸນຊ່ວງ​ເຮືອ ໃຫ້​ດີ​ຂຶ້ນ​ໃນ​ປີໜ້າ

​ເປັນ​ປີ​ທຳ​ອິດ​ທີ່ ນະຄອນຫລວງ​ວຽງຈັນ ​ໄດ້​ຈັດ​ແຂ່ງຂັນ​ຊ່ວງ​ເຮືອ​ຂຶ້ນ ຢູ່ ​ໂຄງການ​ບຶງ​ທາດຫລວງ ສະຫວັນ​ເທິງ​ແດນ​ດິນ ລະຫວ່າງ​ວັນ​ທີ 18-22 ຕຸລາ​ນ ນີ້, ທ່ານ ສີ​ຫຸນ​ ສິດທິ​ລື​ໄຊ ຮອງ​ເຈົ້າ​ຄອງ ນະຄອນຫລວງ​ວຽງຈັນ ​ໄດ້​ຖະ​ແຫລ​ງ​ໃນ​ພິທີ​ປິດ​ງານດັ່ງກ່າວວ່າ: ງານ​ບຸນຊ່ວງ​ເຮືອ​ປີນີ້, ​ແມ່ນ​ປະສົບ​ຜົນສຳ​ເລັດ ​ໂດຍ​ພຶ້ນຖານ​ຊຶ່ງທາງ​ຄະນະ​ກຳມະການ​ໄດ້​ເອົາ​ໃຈ​ໃສ່​ໃນ​ການ​ຮັກສາ​ຄວາມ​ສະຫງົບ ​ແລະ ການຈັດ​ສັນ​ຄວາມ​ເປັນ​ລະບຽບຮຽບຮ້ອຍ​ໃຫ້​ກັບ​ມວນ​ຊົນ ​ໄດ້​ດີ​ສົມຄວນ, ​ແຕ່​ໃນ​ຂະນະ​ດຽວກັນ​ກໍ​ເຫັນ​ວ່າ: ມີ​ຫລາຍ​ຂອດ​ຈະ​ຕ້ອງ​ໄດ້​ປັບປຸງ​ໃຫ້​ດີ​ຂຶ້ນຕື່ມ, ​ໃຫ້​ຍິ່ງ​ໃຫຍ່ ​ແລະ ​ຟົດຟຶ້ນກວ່າ​ເກົ່າ ​ເພື່ອ​ເປັນ​ການ​ອະນຸລັກ, ຮັກສາຮີດຄອງປະເພດນີອັນດີງາມຂອງຊາດ, ທັງເປັນການໂຄສະນາ, ສົ່ງເສີມການວາງສະແດງ ແລະ ຂະຫຍາຍສິນຄ້າຜະລິດຕະພັນຂອງລາວ, ສ້າງຄວາມມ່ວນຊື່ນໃຫ້ແກ່ຊາວນະຄອນຫຼວງວຽງຈັນ ກໍຄືຜູ້​ມາ​ທ່ຽວຊົມ ເຫັນເຖິງວັດທະນະທໍາອັນດີງາມຂອງລາວ ​ແລະ ນອກນີ້ກໍ​ເປັນ​ກິດຈະກຳໜຶ່ງ​ເພື່ອກະກຽມໃຫ້ແກ່ການເປີດປີທ່ອງທ່ຽວລາວ 2018 ມີບັນຍາກາດຟົດຟື້ນຍິ່ງ​ຂຶ້ນ.

ທ່ານ ຖະໜອມ ທຳ​ທອງ ​ເຈົ້າ​ເມືອງ​ໄຊ​ເສດ​ຖາ ຄະນະ​ກຳມະການ​ຈັດ​ງານ​ບຸນ​ຊ່ວງ​ເຮືອ ດັ່ງກ່າວ​ໃຫ້​ຮູ້​ວ່າ:  ​ເຖິງ​ວ່າ​ເປັນ​ປີ​ທຳ​ອິດ​ໄດ້​ຈັດ​ງານ​ຊ່ວງ​ເຮືອ​ນີ້​ຂຶ້ນ ​ແຕ່​ກໍ​ມີເຮືອ​ຊ່ວງ​ປະ​ເພນີ​ຊາຍ-ຍິງ, ​ເຮືອສູດ ເຂົ້າ​ຮ່ວມ​ແຂ່ງຂັນ ຄື: ເຮືອປະເພນີ​ຊາຍ 5 ລໍາ, ເຮືອ​ປະເພນີຍິງ 5 ລຳ ແລະ ເຮືອ​ສູດ​ຊາຍ 55 ສີພາຍ 5 ລໍາ ຜົນ​ການ​ແຂ່ງຂັນ​ເຮືອ​ສູດ​ຊາຍ ອັນ​ດັບ​ທີ 1 ເຮືອນາວາ​ສັກສິດ ອັນ​ດັບ​ທີ 2 ເຮືອແດນ​ສະຫວັນ​ນ້ຳ​ງື່ມ-ຣີ​ສອດ ອັນດັບ 3 ເຮືອ​ສາຍຟ້າ ເຮືອ​ປະ​ເພນີ​ຊາຍ​ອັນ​ດັບ 1 ເຮືອ​ແຂວງ​ໄຊ​ຍະບູ​ລີ ອັນ​ດັບ 2 ເຮືອ​ຄອນ​ສະຫວັນ 99 ອັນ​ດັບ 3 ເຮືອນາງ​ສາວເກດ​ສຸລິນ ແລະ ເຮືອ​ປະເພນີ​ຍິງອັນ​ດັບ​ທີ 1 ເຮືອ​ບໍລິສັດ ແສງເພັດ​ເກັບ​ກູ້​ລະເບີດ ອັນ​ດັບ 2 ເຮືອ​ບ້ານ​ຫາດ​ສ້ຽວ ອັນ​ດັບ​ທີ 3 ເຮືອເຈົ້າ​ວໍລະ​ວົງ ສະຫະພັນ​ແມ່ຍິງ​ນັກຮົບ​ເກົ່າ ສ່ວນ​ການ​ແຂ່ງຂັນ​ເຮືອ​ເຈັດ​ສະ​ກີລຸ້ນ 700 cc 1500 cc ​ແລະ ອື່ນໆ ກໍ​ໄດ້​ສ້າງ​ບັນຍາກາດ​ໃຫ້​ແກ່​ງານ​ດັ່ງກ່າວ.

- lattana banner 1 - ນະຄອນ​ຫລວງ​ວຽງຈັນ ຈະ​ປັບປຸງ​ການຈັດ​ງານ​ບຸນຊ່ວງ​ເຮືອ ໃຫ້​ດີ​ຂຶ້ນ​ໃນ​ປີໜ້າ
-    AD conten website - ນະຄອນ​ຫລວງ​ວຽງຈັນ ຈະ​ປັບປຸງ​ການຈັດ​ງານ​ບຸນຊ່ວງ​ເຮືອ ໃຫ້​ດີ​ຂຶ້ນ​ໃນ​ປີໜ້າ
- lattana banner - ນະຄອນ​ຫລວງ​ວຽງຈັນ ຈະ​ປັບປຸງ​ການຈັດ​ງານ​ບຸນຊ່ວງ​ເຮືອ ໃຫ້​ດີ​ຂຶ້ນ​ໃນ​ປີໜ້າ
error: Alert: ເນື້ອຫາຂ່າວມີລິຂະສິດ !!