ສານປະຊາຊົນຍອມຮັບການຕັດສິນຄະດີຍັງຊັກຊ້າ

- story cover image1455867395 - ສານປະຊາຊົນຍອມຮັບການຕັດສິນຄະດີຍັງຊັກຊ້າ
- Untitled design - ສານປະຊາຊົນຍອມຮັບການຕັດສິນຄະດີຍັງຊັກຊ້າ

ທ່ານປະທານສານປະຊາຊົນສູງສຸດ ຄຳພັນ ສິດທິດຳພາ ໄດ້ລາຍງານໃນ ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ທີ່ພວມ ດຳເນີນໃນປັດຈຸບັນນີ້ວ່າ: ໄລຍະຜ່ານມາ, ສານປະຊາຊົນແຕ່ລະຂັ້ນໄດ້ເອົາໃຈ ໃສ່ປັບປຸງກົນໄກແບບແຜນວິທີດຳເນີນຄະດີໃຫ້ມີຄວາມວ່ອງໄວ, ໂປ່ງໃສ, ຖືກ ຕ້ອງ ແລະ ຮັບປະກັນຄວາມຍຸຕິທຳໃນສັງຄົມ ເພື່ອເຮັດໃຫ້ການພິຈາລະນາ ຕັດສິນຄະດີຂອງສານມີຄຸນນະພາບ ແລະ ປະສິດທິພາບສູງຂຶ້ນເທື່ອລະກ້າວ ແລະ ປັດຈຸບັນມີຄະດີຢູ່ສານຂັ້ນຕົ້ນ (ສານເຂດ, ແຂວງ, ນະຄອນຫລວງ) ແລະ ສານທະຫານຫລາຍກວ່າ 6.500 ເລື່ອງ, ຄ້າງມາແຕ່ກ່ອນ 1.850 ກວ່າ ເລື່ອງ, ໄດ້ຕັດສິນແລ້ວ 4.700 ເລື່ອງກວມ 72% ແລະ ພາຍຫລັງຕັດສິນ ແລ້ວຄູ່ຄວາມພໍໃຈ ແລະ ເຫັນດີນຳໄປຈັດຕັ້ງປະຕິບັດ 4.000 ກວ່າເລື່ອງ, ຄູ່ຄວາມບໍ່ພໍໃຈ ຂໍອຸທອດ 600 ກວ່າເລື່ອງ. ສຳລັບຄະດີຢູ່ສານຂັ້ນລົບລ້າງ (ສານປະຊາຊົນພາກ ແລະ ສານປະຊາຊົນສູງສຸດ) ມີຄະດີຄ້າງມາ 134 ເລື່ອງ, ຂໍລົບລ້າງຂຶ້ນມາໃໝ່ 281 ເລື່ອງ, ໄດ້ພິພາກສາ ໄປແລ້ວ 270 ເລື່ອງ ແລະ ສຳລັບຄະດີຂັ້ນຮື້ຟື້ນທີ່ໄອຍະການສະເໜີມາມີທັງໝົດ 12 ເລື່ອງ, ໃນນີ້ ແກ້ໄຂແລ້ວ 9 ເລື່ອງ ແລະ ຍັງພວມດຳເນີນຄະດີ 3 ເລື່ອງ. ນອກຈາກນີ້ ໄດ້ອອກຄຳຕັດສິນຊີ້ຂາດໂທດປະຫານຊີວິດ 21 ເລື່ອງ ແລະ ເມື່ອທຽບໃສ່ ແຜນການເຫັນວ່າການແກ້ໄຂຄະດີຍັງບໍ່ບັນລຸຕາມແຜນການຕັ້ງໄວ້ຄືໃຫ້ຫລາຍ ກວ່າ 85%. ແຕ່ເມື່ອປະເມີນແລ້ວ ເຫັນວ່າການຕັດສິນຄະດີຂອງສານແມ່ນ ມີຄຸນນະພາບ ແລະ ມີປະສິດທິພາບສູງຂຶ້ນ, ຊຶ່ງສະແດງອອກຄື: ຄວາມພໍໃຈ ແລະ ເຫັນດີນຳໄປປະຕິບັດ ກວມອັດຕາສ່ວນຫລາຍ, ຕົວເລກຂໍອຸທອນ ແລະ ບໍ່ພໍໃຈຕໍ່ການຕັດສິນຂອງສານກວມອັດຕາສ່ວນໜ້ອຍ.

ທ່ານປະທານສານປະຊາຊົນສູງ ໃຫ້ຮູ້ວ່າ: ຄຽງຄູ່ກັບດ້ານດີ ກໍເຫັນວ່າ ວຽກງານສານປະຊາຊົນ ຍັງມີຄວາມຫຍຸ້ງຍາກຄົງຄ້າງຫລາຍດ້ານເປັນຕົ້ນ ຜູ້ພິາກສາ-ພະນັກງານ ຈຳນວນໜຶ່ງ ຍັງບໍ່ທັນກຳແໜ້ນແນວທາງນະໂຍບາຍ ຂອງພັກ, ລະບຽບກົດໝາຍຂອງລັດ, ຍັງມີແບບແຜນວິທີເຮັດວຽກມັກງ່າຍ, ຂາດຫົວຄິດປະດິດສ້າງໃນການປະຕິບັດໜ້າທີ່ວຽກງານ, ສະຕິເປັນເຈົ້າ ແລະ ຄວາມຮັບຜິດຊອບຕໍ່ໜ້າທີ່ການເມືອງຍັງບໍ່ທັນສູງເທົ່າທີ່ຄວນ, ການຮັບເອົາຄະ ດີມາພິຈາລະນາຢູ່ສານຂັ້ນຕົ້ນບາງເລື່ອງຍັງບໍ່ລະອຽດ, ຮອບຄອບ ແລະ ບໍ່ຖືກ ຕ້ອງຕາມຂັ້ນຕອນທີ່ກຳນົດໄວ້ໃນກົດໝາຍ ແລະ ກໍລະນີອື່ນໆ, ຊຶ່ງບັນຫາດັ່ງ ກ່າວຂະແໜງການຕົນຈະຕ້ອງໄດ້ເອົາໃຈໃສ່ບຳລຸງສ້າງພະນັກງານໃຫ້ມີຄຸນທາດ ການເມືອງ, ຈັນຍາບັນ-ຈັນຍາທຳ ແລະ ມີຄວາມຮູ້ຄວາມສາມາດດ້ານວິຊາ ການສະເພາະ, ຊຸກຍູ້ກວດກາການດຳເນີນຄະດີຂອງສານຂັ້ນລຸ່ມຢ່າງເປັນປົກ ກະຕິ ແລະ ຖືກຕືອງຕາມລະບຽບກົດໝາຍ.

- Wave100S AD to Website 2020 0 - ສານປະຊາຊົນຍອມຮັບການຕັດສິນຄະດີຍັງຊັກຊ້າ
- WhatsApp Image 2020 05 27 at 5 - ສານປະຊາຊົນຍອມຮັບການຕັດສິນຄະດີຍັງຊັກຊ້າ
- WhatsApp Image 2020 05 27 at 5 - ສານປະຊາຊົນຍອມຮັບການຕັດສິນຄະດີຍັງຊັກຊ້າ
error: Alert: ເນື້ອຫາຂ່າວມີລິຂະສິດ !!