ອັດຕະປື ອະນຸຍາດໃຫ້ເອກະຊົນ ຄຸ້ມຄອງ-ຂະຫຍາຍພັນປ່າໝາກຈອງ ແລະ ເຫັດລິນຈື່  

- 444500262 905020031652304 5070606782659200677 n - ອັດຕະປື ອະນຸຍາດໃຫ້ເອກະຊົນ ຄຸ້ມຄອງ-ຂະຫຍາຍພັນປ່າໝາກຈອງ ແລະ ເຫັດລິນຈື່  
- kitchen vibe - ອັດຕະປື ອະນຸຍາດໃຫ້ເອກະຊົນ ຄຸ້ມຄອງ-ຂະຫຍາຍພັນປ່າໝາກຈອງ ແລະ ເຫັດລິນຈື່  

ວັນທີ 30 ພຶດສະພາ 2024   ອົງການປົກຄອງແຂວງອັດຕະປື ເຊັນສັນຍາ ໄດ້ອະນຸຍາດໃຫ້ບໍລິສັດ ເອກະຊົນເປັນຜູ້ຄຸ້ມຄອງເພື່ອອະນຸລັກຂະຫຍາຍພັນ, ຟື້ນຟູປ່າໝາກຈອງ ແລະ ເຫັດລິນຈື່ ພ້ອມທັງເຄື່ອງປ່າຂອງດົງອື່ນໆ ໃນຂອບເຂດບ້ານລະມອງ, ບ້ານຄຳວົງສາ, ບ້ານວັງແຄນ ແລະ ບ້ານວົງຊົມພູ ເມືອງພູວົງ ລະຫວ່າງ ທ່ານ ສູນນະຄອນ ແກ້ວວຽງຄໍາ ຫົວໜ້າພະແນກແຜນການ ແລະ ການລົງທຶນແຂວງ ແລະ ທ່ານ ແສງພະຈັນ ໂພທິສານ ປະທານບໍລິສັດ ແສງພັດທະນາບໍ່ແຮ່ ແລະ ກະສິກຳ ອັດຕະປື ຈຳກັດຜູ້ດຽວ ໂດຍການເຂົ້າຮ່ວມຂອງ ພົນໂທ ວັນທອງ ກອງມະນີ ເຈົ້າແຂວງອັດຕະປື ພ້ອມຄະນະນຳຂອງແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ການອະນຸຍາດໃຫ້ເອກະຊົນເປັນຜູ້ຄຸ້ມຄອງ ປ່າໜາກຈອງ ແລະ ເຫັດລິນຈື່ໃນຄັ້ງນີ້ ກໍເພື່ອອະນຸລັກຂະຫຍາຍພັນ, ຟື້ນຟູປ່າໝາກຈອງ ແລະ ເຫັດລີນຈື່ ຢູ່ 4 ບ້ານ ຂອງເມືອງ ພູວົງ ພ້ອມນີ້ກໍເພື່ອເປັນການສົ່ງເສີມການລົງທຶນ ລວມທັງການແກ້ໄຂບັນດາປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນໄລຍະຜ່ານມາ.

ນອກນີ້ ກໍເພື່ອ ເປັນການສືບຕໍ່ການປະຕິບັດຕາມນະໂຍບາຍຂອງພັກ-ລັດຖະບານ ກໍຄືແຜນນະໂຍບາຍຂອງອົງການປົກຄອງແຂວງ ກ່ຽວກັບການສົ່ງເສີມການຮ່ວມມືກັບພາກລັດ ແລະ ເອກະຊົນ ພັດທະນາດໍາເນີນທຸລະກິດໃຫ້ກ້າວເຂົ້າສູ່ການຄຸ້ມຄອງທີ່ເປັນລະບົບ ແລະ ຂັ້ນຕອນທີ່ໄດ້ກໍານົດໄວ້ໃນກົດໝາຍການລົງທຶນ ແລະ ທຸກການຈັດຕັ້ງປະຕິບັດ ແມ່ນທັງສອງຝ່າຍ ຕ້ອງໄດ້ເອົາໃຈໃສ່ຄຸ້ມຄອງໃຫ້ໄດ້ຢ່າງຄົບຖ້ວນ ແລະ ຖືກຕ້ອງ ຕາມລະບຽບກົດໝາຍ, ເພາະສິນຄ້າກະສິກຳ ແລະ ເຄື່ອງປ່າຂອງດົງ ແມ່ນທ່າແຮງໜຶ່ງທີ່ສຳຄັນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ປະກອບສ່ວນສຳຄັນແກ່ການພັດທະນາເສດຖະກິດ-ສັງຄົມ ຂອງແຂວງ ແລະ ເມືອງຕື່ມອີກ.

- 4 - ອັດຕະປື ອະນຸຍາດໃຫ້ເອກະຊົນ ຄຸ້ມຄອງ-ຂະຫຍາຍພັນປ່າໝາກຈອງ ແລະ ເຫັດລິນຈື່  
- 5 - ອັດຕະປື ອະນຸຍາດໃຫ້ເອກະຊົນ ຄຸ້ມຄອງ-ຂະຫຍາຍພັນປ່າໝາກຈອງ ແລະ ເຫັດລິນຈື່  
- 3 - ອັດຕະປື ອະນຸຍາດໃຫ້ເອກະຊົນ ຄຸ້ມຄອງ-ຂະຫຍາຍພັນປ່າໝາກຈອງ ແລະ ເຫັດລິນຈື່