ລາວຕ້ອນຮັບຂະບວນລົດ “ຄາລາວານສື່ສານວັດທະນາທໍາແມ່ນໍ້າລ້ານຊ້າງ-ແມ່ນໍ້າຂອງ”

- Caravan Car - ລາວຕ້ອນຮັບຂະບວນລົດ “ຄາລາວານສື່ສານວັດທະນາທໍາແມ່ນໍ້າລ້ານຊ້າງ-ແມ່ນໍ້າຂອງ”
- Untitled design - ລາວຕ້ອນຮັບຂະບວນລົດ “ຄາລາວານສື່ສານວັດທະນາທໍາແມ່ນໍ້າລ້ານຊ້າງ-ແມ່ນໍ້າຂອງ”

ໃນວັນທີ 22 ຕຸລານີ້, ກະຊວງຖະແຫລງຂ່າວ, ວັດທະນະທໍາ ແລະທ່ອງທ່ຽວ ຮ່ວມກັບສະຖານເອກອັກຄະລັດຖະທູດສປຈີນປະຈໍາລາວແລະສູນວັດທະນະທໍາຈີນປະຈໍາລາວ, ໄດ້ຈັດກິດຈະກໍາຕ້ອນຮັບຂະບວນລົດ “ຄາລາວານສື່ສານວັດທະນະທໍາແມ່ນໍ້າລ້ານຊ້າງ-ແມ່ນໍ້າຂອງ” ທີ່ໄດ້ເດີນທາງມາຮອດນະຄອນຫລວງວຽງຈັນດ້ວຍບັນຫາກາດຄືກຄື້ນ ໂດຍການຕ້ອນຮັບ ຂອງທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ທ່ານກວາງເວີນທຽນເອກອັກຄະລັດຖະທູດວິສາມັນຜູ້ມີອໍາເຕັມແຫ່ງສປຈີນປະຈໍາລາວ.

ກິດຈະກໍາ “ຄາລາວານສື່ສານວັດທະນະທໍາແມ່ນໍ້າລ້ານຊ້າງ-ແມ່ນໍ້າຂອງ” ຈັດຂຶ້ນໂດຍກະຊວງວັດທະນະທໍາ ສປ ຈີນ ແລະ ອົງການທ່ອງທ່ຽວແຫ່ງຊາດລາຊະອານາຈັກໄທ ຮ່ວມກັບບັນດາປະເທດສະມາຊິກທີ່ກ່ຽວຂ້ອງຂອງອະນຸພາກພື້ນ ແລະ ປະສານສົມທົບກັບງານສິລະປະອາຊີຄັ້ງທີ 15 ທີ່ເມືອງໝິງປໍ່ ສປ ຈີນ ຊຶ່ງໄດ້ເລີມເດີນທາງອອກຈາກເມືອງໝິງປໍ່ ແຂວງເຈີ້ຈ່ຽງ ແລະ ຜ່ານຕົວເມືອງຕ່າງໆທີ່ສໍາຄັນຂອງເສັ້ນທາງສາຍໄໝທາງທະເລທີ່ມີທີ່ຕັ້ງຢູ່ 5 ແຂວງຂອງຈີນຄື: ແຂວງເຈີ້ຈ່ຽງ, ຟູຈ້ຽນ, ກວາງຕົງ, ກວາງຊີ, ຢູນານ ແລະ ປະເທດລາວ, ໄທແລະກໍາປູເຈຍ, ຊຶ່ງມີໄລຍະທາງທັງໝົດ 10,000 ກວ່າກິໂລແມັດ,  ໂດຍມີບຸກຄົນໃນວົງການສື່ມວນຊົນແລະວັດທະນະທໍາເຂົ້າຮ່ວມຂະບວນເປັນຈໍານວນຫຼາຍ.

ເພື່ອເປັນການໂຄສະນາວັດທະນະທໍາ ແລະ ການທ່ອງທ່ຽວ, ທັງເປັນການແນະນໍາວັດທະນະທໍາ ແລະ ແຫຼ່ງທ່ອງທ່ຽວທີ່ເປັນເອກະລັກພິເສດຂອງແຕ່ລະສະຖານທີ່ລຽບຕາມແລວທາງດັ່ງກ່າວ ພ້ອມທັງເປັນການໂຄສະນາໄປສູ່ທົ່ວໂລກທາງອິນເຕີເນັດ ແລະ ກິດຈະກໍາຄາລາວານດັ່ງກ່າວຍັງຈະຊ່ວຍໃຫ້ປະຊາຊົນໃນທົ່ວໂລກມີຄວາມເຂົ້າໃຈຕໍ່ບັນດາປະເທດທີ່ລຽບຕາມແລວທາງດັ່ງກ່າວຫລາຍຂຶ້ນ ແລະ ມີການເຊື່ອມຕໍ່ທາງດ້ານຈິດໃຈນັບມື້ແໜ້ນແຟ້ນຍິ່ງຂຶ້ນ.

- Wave100S AD to Website 2020 0 - ລາວຕ້ອນຮັບຂະບວນລົດ “ຄາລາວານສື່ສານວັດທະນາທໍາແມ່ນໍ້າລ້ານຊ້າງ-ແມ່ນໍ້າຂອງ”
- WhatsApp Image 2020 05 27 at 5 - ລາວຕ້ອນຮັບຂະບວນລົດ “ຄາລາວານສື່ສານວັດທະນາທໍາແມ່ນໍ້າລ້ານຊ້າງ-ແມ່ນໍ້າຂອງ”
- WhatsApp Image 2020 05 27 at 5 - ລາວຕ້ອນຮັບຂະບວນລົດ “ຄາລາວານສື່ສານວັດທະນາທໍາແມ່ນໍ້າລ້ານຊ້າງ-ແມ່ນໍ້າຂອງ”
error: Alert: ເນື້ອຫາຂ່າວມີລິຂະສິດ !!