ຮອງປະທານສະພາແຫ່ງຊາດ ເນັ້ນໃຫ້ ສສຊ ເອົາໃຈໃສ່ໃນການຄົ້ນຄວ້າ, ຊອກຫາສາເຫດ, ວິທີການແກ້ໄຂບັນຫາຕ່າງໆໃຫ້ມີປະສິດທິພາບ

- 441883 - ຮອງປະທານສະພາແຫ່ງຊາດ ເນັ້ນໃຫ້ ສສຊ ເອົາໃຈໃສ່ໃນການຄົ້ນຄວ້າ, ຊອກຫາສາເຫດ, ວິທີການແກ້ໄຂບັນຫາຕ່າງໆໃຫ້ມີປະສິດທິພາບ
- kitchen vibe - ຮອງປະທານສະພາແຫ່ງຊາດ ເນັ້ນໃຫ້ ສສຊ ເອົາໃຈໃສ່ໃນການຄົ້ນຄວ້າ, ຊອກຫາສາເຫດ, ວິທີການແກ້ໄຂບັນຫາຕ່າງໆໃຫ້ມີປະສິດທິພາບ

ວັນທີ 27-31 ພຶດສະພາ 2024, ສະພາແຫ່ງຊາດ ໄດ້ຈັດກອງປະຊຸມຍົກສູງຄຸນນະພາບທາງດ້ານເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ (ສພຊ) ຊຸດທີ IX ໄດ້ບັນລຸຜົນສໍາເລັດຕາມຈຸດປະສົງລະດັບຄາດໝາຍທີ່ວາງໄວ້ ພາຍຫລັງທີ່ດຳເນີນມາເປັນເວລາ 5 ວັນ. ໂດຍການເປັນປະທານກ່າວປິດຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.

ໃນໄລຍະດໍາເນີນກອງປະຊຸມ, ບັນດາສະມາຊິກສະພາແຫ່ງຊາດ ໄດ້ຄົ້ນຄວ້າປະກອບຄໍາເຫັນຢ່າງກົງໄປກົງມາ, ສ້າງສັນ ຕໍ່ບັນດາບົດລາຍງານຂອງລັດຖະບານ, ຮ່າງກົດໝາຍຈໍານວນ 8 ສະບັບໂດຍຍົກໃຫ້ເຫັນຈຸດດີ, ຂໍ້ຄົງຄ້າງ, ການແລກປ່ຽນບົດ ຮຽນຕົວຈິງມາປຽບທຽບ ແລະ ບັນຫາທີ່ຈະພ້ອມກັນສູ້ຊົນປັບປຸງໃຫ້ດີຂຶ້ນໃນຕໍ່ໜ້າ ເພື່ອພ້ອມກັນຊອກຫາວິທີການແກ້ໄຂ ແລະ ສ້າງຄວາມເປັນເອກະພາບຕໍ່ບັນດາເນື້ອໃນຕ່າງໆ ເພື່ອເປັນຂໍ້ມູນໃຫ້ບັນດາກະຊວງ, ອົງການທີ່ກ່ຽວຂ້ອງນໍາໄປຄົ້ນຄວ້າ, ​ປັບປຸງເຂົ້າໃສ່ເນື້ອໃນບົດລາຍງານ ແລະ ບັນດາຮ່າງກົດໝາຍ ໃຫ້ເນື້ອໃນມີຄວາມອຸດົມສົມບູນ, ຮັດກຸມ ກ່ອນຈະນໍາເຂົ້າພິຈາລະນາ ແລະ ຮັບຮອງຢູ່ກອງປະຊຸມສະໄໝສາມັນເທື່ອທີ 7 ຂອງ ສພຊ ຊຸດທີ IX.

ໂອກາດນີ້, ທ່ານ ຮອງປະທານສະພາແຫ່ງຊາດ ໄດ້ເນັ້ນໃຫ້ບັນດາສະມາຊິກສະພາແຫ່ງຊາດເອົາໃຈໃສ່ໃນການຄົ້ນຄວ້າ, ຊອກຫາສາເຫດ, ວິທີ ການແກ້ໄຂບັນຫາຕ່າງໆໃຫ້ມີປະສິດທິພາບ ເນື່ອງຈາກໃນໄລຍະຜ່ານມາກໍຄືປັດຈຸບັນ ປະເທດພວກເຮົາຍັງຈະສືບຕໍ່ພົບຄວາມ ຫຍຸ້ງຍາກທາງດ້ານເສດຖະກິດ-ການເງິນ ແລະ ສິ່ງທ້າທາຍຫລາຍປະການທີ່ສົ່ງຜົນຕໍ່ການພັດທະນາຂອງປະເທດ, ຕໍ່ຊີວິດການເປັນຢູ່ຂອງພະນັກງານ-ລັດຖະກອນ, ທະຫານ, ຕໍາຫລວດ ແລະ ປະຊາຊົນໃນຂອບເຂດທົ່ວປະເທດ ຈຶ່ງຮຽກຮ້ອງມາຍັງບັນດາກະຊວງ-ອົງການ ແລະ ພາກສ່ວນກ່ຽວຂ້ອງ ຈົ່ງພ້ອມກັນເອົາໃຈ ໃສ່ສືບຕໍ່ປັບປຸງບັນດາເນື້ອໃນຕາມການປະກອບຄໍາເຫັນຂອງບັນດາສະມາຊິກສະພາແຫ່ງຊາດໃຫ້ສໍາເລັດ ເພື່ອຮັບປະກັນໃຫ້ແກ່ການພິຈາລະນາ ແລະ ຮັບຮອງເອົາບັນຫາສໍາຄັນຕ່າງໆທີ່ຈະນໍາເຂົ້າຜ່ານໃນກອງປະຊຸມສະໄໝສາມັນເທື່ອທີ 7 ຂອງສະພາ ແຫ່ງຊາດຊຸດທີ IX ໂດຍສະເພາະການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ຕິດພັນກັບການຈັດຕັ້ງປະຕິບັດສອງວາລະແຫ່ງຊາດ ແລະ ກົດໝາຍຈໍານວນໜຶ່ງ.

- 4 - ຮອງປະທານສະພາແຫ່ງຊາດ ເນັ້ນໃຫ້ ສສຊ ເອົາໃຈໃສ່ໃນການຄົ້ນຄວ້າ, ຊອກຫາສາເຫດ, ວິທີການແກ້ໄຂບັນຫາຕ່າງໆໃຫ້ມີປະສິດທິພາບ
- 5 - ຮອງປະທານສະພາແຫ່ງຊາດ ເນັ້ນໃຫ້ ສສຊ ເອົາໃຈໃສ່ໃນການຄົ້ນຄວ້າ, ຊອກຫາສາເຫດ, ວິທີການແກ້ໄຂບັນຫາຕ່າງໆໃຫ້ມີປະສິດທິພາບ
- 3 - ຮອງປະທານສະພາແຫ່ງຊາດ ເນັ້ນໃຫ້ ສສຊ ເອົາໃຈໃສ່ໃນການຄົ້ນຄວ້າ, ຊອກຫາສາເຫດ, ວິທີການແກ້ໄຂບັນຫາຕ່າງໆໃຫ້ມີປະສິດທິພາບ